Filipenses 2:2 - Xochapa Mixteco

² Yakan vitin ta xíkan ni i ya mani nuu ndo xaa ndúvi ni ndo ya kúni i saa kua xaa sii ni ndo ini i: vívií koo ndo xiꞌin taꞌan ndo, kuꞌvi ni ini ndo kuni taꞌan ndo, ta iin yuꞌu koo ndiꞌi ndo xiꞌin taꞌan ndo, iin kachi ndikani ini ndiꞌi ndo.

Filipenses 2:2 Mawu Ofanana

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

Los Hechos 1:14

Ndiꞌi saa ichí ndíkitaꞌan ndiꞌi nda káꞌan nda xiꞌin Ndioxi saa xáku ndaꞌvi nda nuu ra, ta ndíkitaꞌan tu siꞌí Jesús yá María va xiꞌin nda saa tu nda ñani va ra, ndíkitaꞌan na káꞌan na xiꞌin Ndioxi.

Los Hechos 2:1

Saa ku̱u ndi̱yaꞌa uxa semana ya ndi̱taku Jesús ta ti̱ndaa kivi ya koo viko Pentecostés. Saa ndi̱kitaꞌan ndiꞌi na kándixa Jesús ndóo na iin veꞌe.

Los Hechos 2:46

Vitin taan ndíkitaꞌan ndiꞌi na veꞌe ñuꞌu kaꞌnu, saa ndíkitaꞌan tu na veꞌe va na. Ndinuu ka vi ini na xíxi na xiꞌin taꞌan na, kúsini ka vi na xiꞌin taꞌan na.

Los Hechos 5:12

Ñaa xa̱á nda apóstol íkan nda kuaꞌa ni yatuꞌun Ndioxi tañu na ñuu. Ta ndiꞌi saa ichí ndíkitaꞌan ndiꞌi na ndíkun Jesús ini corredor ra Salomón ya ndíkaa mií veꞌe ñuꞌu kaꞌnu.

ROMANOS 12:16

Ta vívií koo ndo xiꞌin taꞌan ndo, käni taꞌan ndo. Kütai ni ini ndo nuu naꞌa, vívií koo ndo xiꞌin na, ta saa ikan ndo xiꞌin ndiꞌi na, ni na ndáꞌvi ku na, ta koto vií ndo na. Ta ndäsa xíni ni ka ndo mií ndo nuu inka naꞌa.

1 Corintios 1:10

Saa káꞌan i xiꞌin ndóꞌo̱ ñani yo tin kuꞌva yo, xíkan ni i ya mani nuu ndo, tixin ndee Tata yo Jesucristo káꞌan i xiꞌin ndo, ya ná ndikitaꞌan vaꞌa ni ndo koo ndo xiꞌin taꞌan ndo, ta iin yuꞌu ná koo ndo, täꞌvi taꞌan ndo, vívií koo ndo xiꞌin taꞌan ndo, iin káchi ndikani xi̱ní ndiꞌi ndo.

2 Corintios 13:11

Ñani yo, ya yóꞌó ku ndiꞌi ya káꞌan nde xiꞌin ndo ta vaꞌa ná kusini ni ndo, saa chikaa ni ndo ndee ya kuaꞌnu ka ndo xiꞌin tuꞌun Ndioxi, ta ná ndu xaa ka ndo, ná nduu ndo tá kuꞌva kúni Ndioxi, ta iin yuꞌu koo ndo xiꞌin taꞌan ndo. Ta saa kua vaꞌa koo Ndioxi xiꞌin ndo, ra táxi ya vaꞌa koo ini ndo, xiꞌin ya kúꞌvi ni ini ra xíni ra ndóꞌo̱.

2 Corintios 2:3

Xaꞌa ya ñaa kua vaꞌa ka ta̱a i tutu xaa ya nuu ndo, ta köo ndi̱xaa mií i nuu ndo, ya ná xäa suchi i ini ndo. Chi tá ná ndi̱kitaꞌan tuku i xiꞌin ndo ta xäa suchi ndo ini i, xaa sií va ndo ini i.

2 Corintios 7:7

Ta saa ni süvi ndisaa xaꞌa ya xa̱a ra nuu nde kua ndi̱ndiko ini nde, chi xaꞌa ya ndee ni vaꞌa ndi̱xaꞌa ndo ndee xiꞌin ra kua si̱ndiko ni ini nde. Ndi̱tuꞌun ra xiꞌin nde ya ndee ni kúni ndo kuni ndo ndeꞌe, ta saa ndi̱kaꞌan ra xiꞌin nde ya kúsuchi ni ini ndo xaꞌa kuachi ndo. Saa ndi̱tuꞌun ra xiꞌin nde ya ndee ni ndíꞌi ini ndo xaꞌa i, yakan ndee ni vaꞌa ka ku̱ni i xiꞌin tuꞌun ya xi̱ni soꞌo i xaꞌa ndo.

Filipenses 1:4

Ta kúsini ni i tá káꞌan i xaꞌa ndo xiꞌin ra ndiꞌi saa ichí.

Filipenses 2:16

Chi tuun ni ndíkun ndo tuꞌun ra ya táxi táku ndo xiꞌin Ndioxi. Tá íkan ndo ya yóꞌó, ni yeꞌe, ta vaꞌa ni kúni i xiꞌin ndo. Chi kivi tá ná ndiko koo Cristo ñuu ivi yóꞌó ta kuni ra ya ndixa kua xa̱a chiñu i xiꞌin ndo, ta köo ndi̱xaa chiñu uun i xiꞌin ndo.

Filipenses 2:20

Köo ka inka naꞌa, na ndee ni ndíꞌi ini xaꞌa ndo tá kuꞌva ndíꞌi ni ini ra Timoteo ñani yo xiꞌin yeꞌe, ndee ni ndíꞌi ini ra xaꞌa ndo.

Filipenses 4:2

Ta vitin xíkan ni i ya mani nuu ná kuꞌva yo, yá Evodia xiꞌin yá Síntique, ya ná ndikitaꞌan vaꞌa ná, saa chi ná ndíkun Tata yo Jesucristo ku uvi saa ná.

Colosenses 2:5

Vani köo íyo mií i xiꞌin ndo vitin, sundi ya vaꞌa i ta íyo ya xiꞌin ndo. Ta vaꞌa ni kúni i xaꞌa ya xi̱ni soꞌo i xaꞌa ndo ya ndóo vívií ndo tá kuꞌva kúni mií Ndioxi, ta ndee ni ndinuꞌu ini ndo ndáa ini ndo xíni ndo Tata yo Jesucristo.

2 Tesalonicenses 2:13

Sundi ndeꞌe, ta ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, chi Ndioxi ta kúꞌvi ni ini ra xíni ra ndóꞌo̱. Saa ndi̱kaxin ra ndóꞌo̱ ya sikaku ra xiꞌna ndóꞌo̱, nda̱sa vaꞌa ra ini ndo tixin Tachi I̱í ra. Xaꞌa ya ndáa ni ini ndo xíni ndo ya ndaa xaꞌa Tata yo Jesucristo.

2 Timoteo 1:4

Tá ndíkaꞌán ini i xaꞌa un tá xa̱ku ni un xaꞌa i, ta kúni ka vi i kuni i yóꞌo̱. ¡Saa kusini ni i xiꞌin un!

FILEMÓN 1:20

Saa ñani yo, ikan ni un ya mani xiꞌin i xaꞌa ya ndúku i nuu un, chi tá íkan un saa xiꞌin i ta vaꞌa ni kuni i xiꞌin un, ta xaꞌa ni un ndee xiꞌin i xaꞌa ya ndíkun yo Tata yo Jesucristo.

2 Juan 1:4

Kúsini ni i ya ndi̱kitaꞌan i xiꞌin sava ndo xíka ndo ichí ya ndaa tá kuꞌva íyo ya ta̱xi Iva yo Ndioxi xa̱ꞌnda chiñu ra nuu yo, saa íyo ya íkan ndo.

3 Juan 1:4

Köo ka ya xáa sii ni ini i, ya kúsini ni i ku ya yóꞌó, saa chi yóꞌo̱ ta tá káa seꞌe i saa káa un, ta vaꞌa ni xíka un ichí ya ndaa.