Filipenses 1:4 - Xochapa Mixteco

⁴ Ta kúsini ni i tá káꞌan i xaꞌa ndo xiꞌin ra ndiꞌi saa ichí.

Filipenses 1:4 Mawu Ofanana

San Marcos 5:5

Ndiꞌi saa ichí ndáꞌi koꞌo ra xíka ra, nduvi niuun íkan ra saa xíka ra iku tin kava nuu ndi̱nduxin naꞌa, sítikueꞌe ka vi ra mií ra xiꞌin yu̱ú.

San Lucas 15:10

Ya ndaa kua kúsini ni ná yóꞌó chi saa kúsini ni na tatun Ndioxi nuu ndivi xiꞌin iin naꞌa na ndíko koo ini xaꞌa ya väꞌa íkan na ―káchi Jesús xiꞌin na.

San Lucas 15:7

Ya ndaa kua kúsini ni ndo tá nde̱ta iin kiti sana ndo ti nda̱ñuꞌu. Tá kuꞌva kúsini ndo xiꞌin sana ndo, saa kúsini Ndioxi xiꞌin iin naꞌa na i̱kan ya väꞌa kivi ndíko koo na nuu ra. Kúsini ni ka va ra xiꞌin na yóꞌó nuu na vaꞌa, na xa íyo xiꞌin Ndioxi, na köo xíniñuꞌu ndiko koo ini ―káchi Jesús xiꞌin na.

ROMANOS 1:9

Ta mií Iva yo Ndioxi ndíkuiin xaꞌa i ya köo xíkuiin i káꞌan ni i xiꞌin ra xaꞌa ndo. Ndinuꞌu ni ini i xáa chiñu i nuu ra káꞌan ndoso i tuꞌun vaꞌa xaꞌa Jesucristo, ra kúu Seꞌe ra.

Filipenses 2:2

Yakan vitin ta xíkan ni i ya mani nuu ndo xaa ndúvi ni ndo ya kúni i saa kua xaa sii ni ndo ini i: vívií koo ndo xiꞌin taꞌan ndo, kuꞌvi ni ini ndo kuni taꞌan ndo, ta iin yuꞌu koo ndiꞌi ndo xiꞌin taꞌan ndo, iin kachi ndikani ini ndiꞌi ndo.

Filipenses 3:18

Chi xa kuaꞌa ni ichí ndi̱kaꞌan i xiꞌin ndo, ta vitin káꞌan tuku i xiꞌin ndo, nda xáku i káꞌan i xiꞌin ndo xaꞌa sava naꞌa, na sáa ini xíni tuꞌun vaꞌa xaꞌa Tata yo Jesucristo, ra ndi̱xiꞌi nuu cruzin.

Filipenses 4:1

Xaꞌa ya ñaa kua káꞌan ni i xiꞌin ndo ñani yo xiꞌin kuꞌva yo, tuun ni kundikun ndo Tata yo Jesucristo. Xa xíni mií ndo ndee ni kúꞌvi ini i xíni i ndóꞌo̱, ta kúni ni i kuni i ndóꞌo̱. Chi ndóꞌo̱ ku ndo xáa sií ni ini i, ta vaꞌa ni kée i xiꞌin ndo, kúsini ni i xiꞌin ndo, tá káa ñaꞌa ya níꞌi iin ra xínu, saa íyo ndo nuu i, ndáa yaꞌvi ni ndo.

Colosenses 2:5

Vani köo íyo mií i xiꞌin ndo vitin, sundi ya vaꞌa i ta íyo ya xiꞌin ndo. Ta vaꞌa ni kúni i xaꞌa ya xi̱ni soꞌo i xaꞌa ndo ya ndóo vívií ndo tá kuꞌva kúni mií Ndioxi, ta ndee ni ndinuꞌu ini ndo ndáa ini ndo xíni ndo Tata yo Jesucristo.

1 Tesalonicenses 1:2

Ndiꞌi saa ichí táxi ni nde tixaꞌvi ndaꞌa Ndioxi xaꞌa ndiꞌi ndo, ta káꞌan ni nde xaꞌa ndo xiꞌin ra chi ndíkaꞌán ni ini nde xaꞌa ndo.

FILEMÓN 1:7

Ta yeꞌe, kúsini ka vi i xiꞌin un ñani yo, Filemón. Vaꞌa ka vi kúni i xiꞌin un chi xaꞌa ya kúꞌvi ni ini un xíni un na veꞌe ñuꞌu, na i̱í kua chíkaa ni un ndee xiꞌin na, vaꞌa ni kúni na.

2 Juan 1:4

Kúsini ni i ya ndi̱kitaꞌan i xiꞌin sava ndo xíka ndo ichí ya ndaa tá kuꞌva íyo ya ta̱xi Iva yo Ndioxi xa̱ꞌnda chiñu ra nuu yo, saa íyo ya íkan ndo.