El Apocalipsis 8:3 - Xochapa Mixteco

³ Sindiꞌi xi̱ni i inka tatun Ndioxi ndi̱xaa ya ndi̱kundichi ya yati nuu íin nama i̱í nuu sóko na ñaꞌa nuu Ndioxi. Ta níꞌi tatun ikán koꞌo choꞌma, ya oro. Saa ndi̱niꞌi kuaꞌa ka ya xuxa vaꞌa choꞌma ya nuu Ndioxi ya ná ndaa xiko ikán kuꞌun ya nuu Ndioxi xiꞌin ndiꞌi tuꞌun ya káꞌan na i̱í, na kúu ñuu Ndioxi xiꞌin ra.

El Apocalipsis 8:3 Mawu Ofanana

San Lucas 1:10

Tá xa̱á ra chóꞌma ra, ta saa xa̱á ndiꞌi na ñuu káꞌan na xiꞌin Ndioxi, ndíta na keꞌe káꞌan na xiꞌin ra.

ROMANOS 8:34

Ta ¿án ndá naꞌa káꞌan xaꞌa yo kuvi yo xaꞌa kuachi yo? Nda iin naꞌa küchiñu ikan saa xiꞌin yo, chi Jesucristo ku ra xa ndi̱xiꞌi xaꞌa kuachi yo, ta ndi̱taku ra, ta vitin íyo ra ñaꞌñu kuáꞌá Ndioxi, ta íyo ra xáku ndaꞌvi ra xaꞌa yo.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

HEBREOS 9:4

Ta ini Cuarto ikán íyo iin ñaꞌa nuu chóꞌma nda sutu xuxa vaꞌa nuu Ndioxi, iin ndíxi níí ya oro. Ta saa íyo tu iin xatun náni arca, ta ini nu ikán ndíkaa iin kisi nuu ñúꞌu maná, saa ndíkaa tu itun vara xi̱niñuꞌu ra Aarón, itun na̱na ndíxin, ta ñúꞌu tu yu̱ú nuu ta̱a ra Moisés uxi saa nuu ley Ndioxi ya ta̱xi Ndioxi ndaꞌa ra, nuu ndi̱kaꞌan Ndioxi xiꞌin ra ya xaa súvi ra ya ndi̱kaꞌan ra xiꞌin ra.

El Apocalipsis 10:1

Sindiꞌi saa xi̱ni i inka tatun Ndioxi ya kúu mií chiñu ndee ni, ke̱ta ya nuu ndivi ta iin súvi níí viko sata ya. Ta iin ndi̱kava nduu ndiꞌi kiti tilanchi xi̱ní ya. Ta nuu ya tá yéꞌe̱ ñu̱ꞌù, saa yéꞌe̱ ya. Ta xaꞌa ya, tá íin ñu̱ꞌu̱ ya ndee ni ndíkuita yáa xíxi ya, saa íin xaꞌa ya.

El Apocalipsis 14:18

Saa ke̱ta inka tatun Ndioxi nuu íyo nama i̱í ya ndíchi nuu Ndioxi nuu ndivi. Ta tatun ikán kua kúu mií ichí ya kaꞌnda chiñu ya nuu ñu̱ꞌu̱ xíxi. Saa ndee ka vi ndi̱kaꞌan ya xiꞌin tatun ya níꞌi i̱chi xiín ni ikán, káchi ya saa: ―Xiꞌin i̱chi xiín ni níꞌi un ñaa xáa un kaꞌnda ndiꞌi un kiti uva, chi xa ndi̱xinu ni ri ―káchi ya.

El Apocalipsis 5:8

Tá ti̱in soꞌva ri tutu ikán, ta ndikun si̱kusiti kumi saa ya táku ikán xiꞌin oko kumi saa na xikuaꞌa, si̱kusiti na nuu kiti Levo loꞌo ikán. Ta níꞌi iin iin na xikuaꞌa ikán itun arpa xiꞌin iin koꞌo chôꞌma ya oro nuu xíxi xuxa vaꞌa ya támi ni xáꞌan, ta iꞌma kána koo ini ya ikán kua káꞌan xaꞌa tuꞌun ya káꞌan naꞌa, na i̱í xiꞌin Ndioxi.

El Apocalipsis 6:9

Saa tá xa̱ꞌnda tuku Levo loꞌo ikán inka sello ya uꞌun. Ta xi̱ni i ndíchi nama i̱í nuu ndivi nuu ndóso ñaꞌa ya sóko na nuu Ndioxi, ta tixin nama i̱í ikán xi̱ni i ndóo ya vaꞌa naꞌa, na ndi̱xiꞌi xaꞌa ya ndi̱kaꞌan ndoso na tuꞌun Ndioxi, ta köo ndi̱sindikoo na ichí ra, ndee ni tuun xi̱ndikun na ya.

El Apocalipsis 7:2

Saa xi̱ni i inka tatun Ndioxi ke̱ta ya chí nuu kétá ñu̱ꞌù, ta kúu mií ya sello Ndioxi ra táku. Saa ndi̱ndaꞌi koꞌo ya, ndee ka vi ndi̱kaꞌan ya xiꞌin kumi saa na tatun ikán, na xa íyo ichí ndaꞌa ya sitivi na ñuu ivi yóꞌó xiꞌin nduta ñûꞌu,

El Apocalipsis 8:4

Ta xíxi mií xuxa vaꞌa ya ñúꞌu ini koꞌo choꞌma ínúú nuu ndaꞌa mií tatun ikán kuandaa iꞌma ya kuaꞌan ya, iin káchi ítaꞌan ya kuaꞌan ya nuu Ndioxi xiꞌin tuꞌun ya káꞌan naꞌa, na i̱í xiꞌin ra.

El Apocalipsis 8:5

Saa ti̱in tatun ikán koꞌo choꞌma ta si̱kutu ndaa ya koꞌo ikán xiꞌin ñu̱ꞌu̱ yêꞌé ya íyo nuu íin nama i̱í ikán. Ñaa ki̱ꞌin ya ñu̱ꞌu̱ yêꞌé ikán xa̱ta ya nuu ñuꞌú ñuu ivi yóꞌó. Saa ndikun xa̱á nde ni ndee ndáꞌi savi, iin ndá níꞌi kúu, káni ka vi taxan, ñaa xa̱á ndee ni táan.

El Apocalipsis 9:13

Saa ti̱vi tatun Ndioxi, ya iñu, itun trompeta ya. Ñaa xi̱ni soꞌo i ke̱ta tachi naꞌa káꞌan na tañu kumi ndikin kiti, ya íyo nuu íin nama i̱í, ya ndi̱kuaꞌa xiꞌin oro, ya íin yati nuu íyo Ndioxi.