El Apocalipsis 7:4 - Xochapa Mixteco

⁴ Saa xi̱ni soꞌo i ndi̱kaꞌan ya ndi̱saa ku naꞌa, na kúu mií sello Ndioxi, ta na ikán kúu na iin ciento uvi xiko kumi mil naꞌa, ka̱na koo na ikán tixin uxi uvi tiꞌvi seꞌe ñani sikua ra Israel.

El Apocalipsis 7:4 Mawu Ofanana

San Mateo 19:28

Saa ndi̱kaꞌan Jesús xiꞌin nda, káchi ra: ―Ya ndaa káꞌan i xiꞌin ndo, tá ná tindaa kivi ya nduxaa ñuu ivi yóꞌó, ta yeꞌe, Taa ra xa̱a ñuu ivi yóꞌó, ta koo i nuu tai toꞌo, itun luvi ni, ikán koo i kaꞌnda chiñu i. Ta ndóꞌo̱ ndíkun yeꞌe, uxi uvi saa ndo koo nuu iin iin tai toꞌo xaa nani ndo kuachi xiꞌin uxi uvi saa tiꞌvi na Israel.

San Lucas 14:22

Ñaa ke̱e ra moso ikán ndi̱xaꞌan ra ndi̱kaya ra na. Saa xa̱á ra káꞌan ra xiꞌin xitoꞌo ra, káchi ra saa: “Tata, xa i̱kan ndiꞌi i ya ndi̱kaꞌan un xiꞌin i, ta núna ka va nuu mesa”, káchi ra.

San Lucas 22:30

Ta ndóꞌo̱ ku ndo kundoo kuxi xiꞌin i nuu mesa i nuu kaꞌnda chiñu i. Saa kundoo ndo xiꞌin i nuu iin iin tai toꞌo xaa nani ndo kuachi uxi uvi saa tiꞌvi nda kúu tata ra Israel ―káchi Jesús xiꞌin nda.

Los Hechos 26:7

nda xinaꞌa iin saa nda kivi vitin ndátun na ñuu yo ya ki̱ndoo Ndioxi xaa súvi ra xiꞌin uxi uvi saa nda kúu seꞌe sikua ra Israel. Ta xaꞌa ya ikán kua káñuꞌu ni na Ndioxi nduvi niuun. Ta suvi xaꞌa ya ikán kua táxi na kuachi xaꞌa i vitin, Tata Rey Agripa.

ROMANOS 9:27

Ta saa íyo tu ya ta̱a ra profeta Isaías, ra ndi̱kaꞌan ndoso tuꞌun Ndioxi, ndi̱kaꞌan ra xaꞌa na Israel, káchi ra saa: “Yáꞌa ni vi kuaꞌa ku na ñuu Israel, nda tá kuaꞌa yoti yuꞌu nduta ñûꞌu saa kuaꞌa ku na, Sundi süvi ndiꞌi na ikán kaku, loꞌo va na kaku.

Santiago 1:1

Yeꞌe Santiago, ra xáa chiñu nuu Ndioxi xiꞌin nuu Tata yo Jesucristo ku i táa tutu yóꞌó xaa ya ndaꞌa ndiꞌi uxi uvi saa iin iin tiꞌvi ndóꞌo̱ ñani yo, na Israel, na kúu ñuu Iva yo Ndioxi, na ndi̱xita niꞌnu ndóo ndiꞌi ni kúu xaꞌa ñuu ivi. Ta káꞌan ndioxi i xiꞌin ndo.

El Apocalipsis 14:1

Saa ndi̱koto i ta xi̱ni i ndíchi Levo loꞌo ikán xiki ya náni Sión. Ta kuaꞌa ni naꞌa ndíta xiꞌin ri, saa ndi̱kaꞌi taan ndiꞌi na ikán xiꞌin sello Ndioxi, íyo kivi ra taan na xiꞌin kivi kiti Levo loꞌo ikán. Ta kúu na ikán iin ciento uvi xiko kumi mil.

El Apocalipsis 14:3

Naꞌa, na kuaꞌa ni ikán ku nda taa nda ndíta nuu íyo tai toꞌo nuu íyo Ndioxi, xíta nda iin yaa i̱í xa̱á. Saa íyo kumi saa ya táku ikán xiꞌin oko kumi saa na xikuaꞌa nuu íyo tai toꞌo ikán, ta xíni soꞌo na yaa ya xíta nda ikán. Ta nda iin ka naꞌa köo xíni kata yaa i̱í xíta nda ikán. Ndisaa nda kúu iin ciento uvi xiko kumi mil ikán ku nda xíni kata ya. Ndioxi si̱kaku ra nda ikán tañu naꞌa, na väꞌa íyo ñuu ivi yóꞌó.

El Apocalipsis 7:5

Uxi uvi mil na ikán, na kúu mií sello Ndioxi ku na kúu seꞌe ñani sikua ra Judá. Uxi uvi mil na ikán, na kúu mií sello Ndioxi ku na kúu seꞌe ñani sikua ra Rubén. Inka uxi uvi mil na kúu mií sello Ndioxi ku na kúu seꞌe ñani sikua ra Gad.

El Apocalipsis 9:16

Ta nda lapa nda yóso kuai kuaꞌan nuu íyo kuachi ku nda, kúu uvi ciento millón. Saa ku nda ikán káchi na xi̱ni soꞌo i.