El Apocalipsis 7:2 - Xochapa Mixteco

² Saa xi̱ni i inka tatun Ndioxi ke̱ta ya chí nuu kétá ñu̱ꞌù, ta kúu mií ya sello Ndioxi ra táku. Saa ndi̱ndaꞌi koꞌo ya, ndee ka vi ndi̱kaꞌan ya xiꞌin kumi saa na tatun ikán, na xa íyo ichí ndaꞌa ya sitivi na ñuu ivi yóꞌó xiꞌin nduta ñûꞌu,

El Apocalipsis 7:2 Mawu Ofanana

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

2 Corintios 1:22

Saa chi̱nuu ra tuni ra mií yo ta ya yóꞌó kúu Tachi I̱í ra ya ta̱xi ra ndaꞌa yo íyo xiꞌin yo. Ya yóꞌó kua xiꞌna ta̱xi ra ndaꞌa yo chi kúni ra ná kundaa ini yo ya ndixa kua sixinu ra ya ndi̱kaꞌan ra taxi ra ndaꞌa yo.

Efesios 1:13

Ta saa i̱kan tu Ndioxi xiꞌin ndóꞌo̱ va, tá xi̱ni soꞌo ndo tuꞌun vaꞌa ya ndaa, ya kúu tuꞌun vaꞌa xaꞌa Cristo nuu kuchiñu ndo kaku ndo, ta ka̱ndixa ndo ya. Saa chi̱nuu ra tuni ra ndóꞌo̱, ta ya ikán ku Tachi I̱í ra, ya xa ki̱ndoo ra taxi ra ndaꞌa ndo.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

1 Tesalonicenses 1:9

Ndiꞌi ni kúu ñaꞌñu káꞌan vaꞌa ni na xaꞌa ndo ya ndi̱kuiso vaꞌa ni ndo ndeꞌe tá ndi̱xaa nde nuu ndo. Saa káꞌan na xaꞌa ndo ya si̱ndoo ndo ya káñuꞌu ndo ndioxi ndíi, ta chi̱kaa ini ndo kundikun ndo Ndioxi ra ndaa ni, ra táku.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

HEBREOS 12:22

Sundi ndóꞌo̱, ta süvi taꞌan iku ikán kua ndi̱kuyati ndo nuu. Chi ndóꞌo̱, ta nuu iku ya náni Sión kua ku̱yati ndo, ya yóꞌó ku ñuu Jerusalén, ya íyo nuu ndivi ni̱nù ya kúu ñuu Ndioxi ra táku, nuu íyo kuaꞌa ni mil tatun Ndioxi xáa kaꞌnu ya ra.

El Apocalipsis 1:3

Ta vaꞌa ni kée naꞌa, na káꞌvi tuꞌun yóꞌó nuu inka naꞌa, ta saa vaꞌa ni tu kée naꞌa, na xíni soꞌo tuꞌun yóꞌó ta xáa súvi na ya káꞌan ya. Saa chi xa ku̱yati ni kivi nuu sixinu ndiꞌi Ndioxi ya ndi̱kaꞌan ra, xaꞌa ya íyo nuu tutu yóꞌó.

El Apocalipsis 10:1

Sindiꞌi saa xi̱ni i inka tatun Ndioxi ya kúu mií chiñu ndee ni, ke̱ta ya nuu ndivi ta iin súvi níí viko sata ya. Ta iin ndi̱kava nduu ndiꞌi kiti tilanchi xi̱ní ya. Ta nuu ya tá yéꞌe̱ ñu̱ꞌù, saa yéꞌe̱ ya. Ta xaꞌa ya, tá íin ñu̱ꞌu̱ ya ndee ni ndíkuita yáa xíxi ya, saa íin xaꞌa ya.

El Apocalipsis 10:4

Xa íyo tuꞌva i taa i tuꞌun ya xi̱ni soꞌo i tá ndee ni ndi̱ndaꞌi savi, ñaa xi̱ni soꞌo i ke̱ta tachi na nuu ndivi ndi̱kaꞌan ya xiꞌin i, káchi ya saa: “Ini mií un ná ndi̱kaa sěꞌe tuꞌun ya xi̱ni soꞌo un tá ndi̱ndaꞌi uxa nuu savi, ta nda iin ya xi̱ni soꞌo un täa un”, káchi tachi na ke̱ta nuu ndivi xiꞌin i.

El Apocalipsis 16:12

Ta tatun ya iñu ndi̱so ndee ya copa níꞌi ya nuu nduta i̱tà chee náni Éufrates, saa ndi̱kun ndi̱ndichi ndiꞌi tikuii i̱tà ikán. Saa ndi̱ndoo ndíka iin ichí nuu yáꞌa nda rey nda ki̱xi chi nuu kétá ñu̱ꞌù.

El Apocalipsis 5:2

Saa xi̱ni i iin tatun Ndioxi ya ndee ni ndaku, ta ndee ka vi ndi̱kaꞌan ya, káchi ya saa: ―¿Unku vi ra kúu mií ichí ya ndaxin ra ya kixin núꞌni toko tutu yóꞌó ta ndikani ra ya? ―káchi tatun Ndioxi ikán.

El Apocalipsis 8:3

Sindiꞌi xi̱ni i inka tatun Ndioxi ndi̱xaa ya ndi̱kundichi ya yati nuu íin nama i̱í nuu sóko na ñaꞌa nuu Ndioxi. Ta níꞌi tatun ikán koꞌo choꞌma, ya oro. Saa ndi̱niꞌi kuaꞌa ka ya xuxa vaꞌa choꞌma ya nuu Ndioxi ya ná ndaa xiko ikán kuꞌun ya nuu Ndioxi xiꞌin ndiꞌi tuꞌun ya káꞌan na i̱í, na kúu ñuu Ndioxi xiꞌin ra.

El Apocalipsis 9:14

Tachi na ya ndi̱kaꞌan xiꞌin tatun Ndioxi, ya iñu ikán kua, káchi saa: ―Ndaxin kumi saa tatun Ndioxi, ya núꞌni yuꞌu i̱tà kaꞌnu ni, nduta náni Éufrates ―káchi tachi na ikán.

El Apocalipsis 9:4

Ñaa ndi̱kaꞌan Ndioxi xiꞌin ri ya ná käxi ri iku kuii, ni nda iin ñaꞌa kuii ni itun kuii ná käxi ri, ndisaa naꞌa, na köo tuni Ndioxi íyo taan, ndisaa na ikán ku na ná tiin ri, káchi Ndioxi xiꞌin ri.