El Apocalipsis 4:2 - Xochapa Mixteco

² Ta iin ku̱u soꞌva ndi̱kava nduu ndiꞌi Tachi I̱í Ndioxi yeꞌe, ñaa si̱tuvi ya nuu i xi̱ni i iin tai toꞌo chee ni nuu ndivi, saa xi̱ni i índuꞌu iin naꞌa nuu tai ikán.

El Apocalipsis 4:2 Mawu Ofanana

San Mateo 22:43

Saa ndi̱kaꞌan ra xiꞌin nda, káchi ra saa: ―Tá tu ndixa seꞌe sikua ra rey David ku Cristo, ta ¿ndachu ndi̱kaꞌan ra David, tixin Tachi I̱í Ndioxi ndi̱kaꞌan ra xaꞌa Cristo kúu ra ra kaꞌnu nuu ra, káchi ra saa:

HEBREOS 8:1

Ta ya káꞌan i xiꞌin ndo yóꞌó kua ndee ni ndee xíniñuꞌu ndo kundaa ini ndo: Jesucristo ku ra ku sutu chee, kaꞌnu ni ra nuu yo, ta nda̱a ra ndi̱kunduꞌu ra ñaꞌñu kuáꞌá Ndioxi nuu íyo tai kaꞌnu itun toꞌo xáꞌnda chiñu ra xiꞌin Ndioxi.

El Apocalipsis 1:10

Saa ku̱u iin kivi ta kúu ya kivi domingo, kivi i̱í nuu mií yo kándixa Tata yo Jesucristo, saa ku̱ndaa ini i ya ndee ni ndee xa̱á íyo Tachi I̱í Ndioxi xiꞌin i, ñaa xi̱ni soꞌo i tachi iin ra chí sata i, ndee ka vi ndi̱kaꞌan ra, tá kuꞌva ndáꞌi itun trompeta saa ndee ni ndi̱kaꞌan ra, káchi ra saa:

El Apocalipsis 12:5

Saa ka̱ku seꞌe yá taa loꞌo ku ya ka̱ku, ta ra ikán ku ra kaꞌnda chiñu xiꞌin ndiꞌi ndee Ndioxi, saa kuniꞌi ra iin kàà ya kâní ni, ya kuchiñu sindiꞌi xaꞌa ra na sáa ini xíni ñaꞌa. Tá ka̱ku seꞌe yá ta ndi̱kiꞌin tatun Ndioxi ra ínuu ra nuu ndaꞌa ya kuaꞌan ra xiꞌin ya nuu Ndioxi, ra índuꞌu nuu tai toꞌo nuu ndivi.

El Apocalipsis 17:3

Saa xa̱a Tachi I̱í Ndioxi sata i, ta ndi̱kiꞌin iin tatun yeꞌe ndi̱xaꞌan i xiꞌin ya iku yuyu. Saa xi̱ni i iin yá ñaꞌa, yóso yá iin kiti ìyo ni káa, kiti kuáꞌa ku ri. Ta ri ikán inii kúu sata ri íyo tuꞌun väꞌa ya káꞌan kini ni xaꞌa Ndioxi, saa kúu mií ri uxa xiní ri tin uxi ndikin ri.

El Apocalipsis 19:4

Saa si̱kusiti ndiꞌi oko kumi na xikuaꞌa xiꞌin kumi ya táku, ndi̱kuita ndee na si̱kusiti na nda nuu ñuꞌú ya xáa kaꞌnu na Ndioxi, ra íyo nuu tai toꞌo chee ni. Saa ndi̱kaꞌan na, káchi na saa: “Saa ná koo. Ná xaa kaꞌnu ni yo Ndioxi”, káchi na.

El Apocalipsis 20:11

Saa xi̱ni i tai i̱í itun toꞌo, itun yaa ku nu, ta índuꞌu Ndioxi nuu itun tai ikán. Saa xi̱nu ñuu ivi yóꞌó xiꞌin ndivi, xi̱nu ya kuaꞌan xika ya nuu Ndioxi, nda iin ka naꞌa köo ndi̱xini ka ya, ni köo ka náꞌa nuu ndi̱xiyo ya.

El Apocalipsis 21:10

Saa ndi̱kiꞌin tatun Ndioxi yeꞌe tixin Tachi I̱í Ndioxi, ndi̱xaꞌan i xiꞌin ya iin iku chee ni ta sukun ni ya. Ta ikán si̱naꞌa ya yeꞌe ñuu ya i̱í ya kúu ñuu Jerusalén ya xa̱á, vaxi nu̱u ya nuu ndivi nuu íyo Ndioxi.

El Apocalipsis 21:5

Saa ndi̱kaꞌan ra índuꞌu nuu tai toꞌo, káchi ra saa: ―Ndasa xa̱á ndiꞌi i ñaꞌa ya si̱kuaꞌa i yachi. Saa ndi̱kaꞌan tuku ra xiꞌin i, káchi ra saa: ―Taa tuꞌun ya káꞌan i xiꞌin un, chi ya ndaa ni ndixa ku ya káꞌan i xiꞌin un ―káchi ra xiꞌin i.

El Apocalipsis 3:21

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta yeꞌe taxi i koo na xiꞌin i nuu ndivi ya kaꞌnda chiñu na xiꞌin i. Saa chi yeꞌe ta xa ku̱chiñu i nuu ya väꞌa, yakan ta̱xi Iva i Ndioxi ichí ndaꞌa i ndi̱kunduꞌu i xiꞌin ra ñaꞌñu kuáꞌá ra, íyo i xáꞌnda chiñu i xiꞌin ra.

El Apocalipsis 4:10

Ta iin káchi káꞌan kumi saa ya táku ikán xáa kaꞌnu ya Ndioxi, ta saa tu oko kumi saa na xikuaꞌa, na ndi̱kava nduu ndóo sata tai ra, síkusiti na nuu ra xáa kaꞌnu ñaꞌa na, ta ki̱ndaa na corona ya oro ínuu xiní na, ki̱ꞌin na ya chi̱ndoo na nuu ra, ya xáa kaꞌnu ñaꞌa na, saa káꞌan na xiꞌin ra káchi na saa:

El Apocalipsis 4:5

Ta iin ndíyeꞌe taxan maꞌñu nuu ndíchi tai toꞌo chee ikán, ndee ka vi níꞌi ta ndáꞌi ka vi savi. Ta suvi mií nuu ndíchi tai ikán ndíta uxa ñu̱ꞌu̱ xíxi ya, ta uxa ñu̱ꞌu̱ ikán ku uxa Tachi Ndioxi.

El Apocalipsis 4:9

Ni köo xíkuiin kumi saa ya táku ikán táxi ni ya tixaꞌvi ndaꞌa Ndioxi, saa xáa kaꞌnu ni ya ra, ta xáa toꞌo ni ñaꞌa ya ra índuꞌu nuu mií tai toꞌo ikán, chi ra ikán ku ra táku, ta kutaku ka ra ndiꞌi saa kúu kivi ya vaxi ―káchi kumi saa ya táku ikán.

El Apocalipsis 5:1

Saa xi̱ni i iin tutu ya ndi̱suvi, íyo ya ndaꞌa kuáꞌá ra índuꞌu nuu tai toꞌo ikán. Ta ndiꞌi nuu tutu ikán xiꞌin sata ya, íyo tuꞌun ya ta̱a na. Ta ndási tuun ya xiꞌin ya kixín ya kúu sello ya.

El Apocalipsis 5:13

Ta saa xi̱ni soꞌo i ndiꞌi ya si̱kuaꞌa Ndioxi, ya íyo nuu ndivi tin ya íyo ñuu ivi yóꞌó xiꞌin ya íyo tixin ñuꞌú tin ya íyo ini nduta ñûꞌu, xa̱á ndiꞌi ya xáa kaꞌnu ya ra chee ra índuꞌu nuu tai toꞌo xiꞌin kiti Levo loꞌo ikán, káchi ya saa: Ná kunuu vaꞌa ni ya toꞌo ra, ta ná kaꞌan vaꞌa ni yo xaꞌa ra, chi ndee ni ndee kúu mií ra ta nda iin ichí ndïꞌi xaꞌa chiñu kúu mií ra índuꞌu nuu tai toꞌo, ta saa tu kiti levo loꞌo va, káchi ya si̱kuaꞌa Ndioxi.

El Apocalipsis 6:16

Kuaꞌan ndiꞌi na ikán nduku na nuu tiseꞌe na, ta káꞌan na xiꞌin iku sukun tin yu̱ú naꞌnu ni, káchi na saa: ―Koyo ndo sata nde ya tiseꞌe ndo ndeꞌe ya ná küni ra índuꞌu nuu tai toꞌo ndeꞌe, saa tiseꞌe ndo ndeꞌe nuu kiti Levo, chi sáa ni ini ri xíni ri ndeꞌe.