El Apocalipsis 18:14 - Xochapa Mixteco

¹⁴ Xaꞌa ya ikán kua kaꞌan na xíko xiꞌin na ñuu Babilonia, kachi na saa: Ndóꞌo̱ ndóo ñuu Babilonia, köo ka ya kuika ya ka̱chi ni ini ndo xiꞌin. Ndiꞌi ñaꞌa ya luvi ni ya kúsini ni ndo xiꞌin, nda iin ichí köo ka ñaꞌa kuu mií ndo.

El Apocalipsis 18:14 Mawu Ofanana

San Mateo 11:8

¿Án sana ndi̱xika tu ini ndo kuni ndo iin taa ra ndíxi vaꞌa ni? Süvi saa íyo ya. Chi na kuika, na ndíxi vaꞌa ni, ta köo ndóo na iku yuyu, veꞌe vaꞌa ni va ndóo na ikán.

San Lucas 12:20

Ta saa ndi̱kaꞌan Ndioxi xiꞌin ra, káchi ra saa: “Yóꞌo̱ kíꞌvi ku yóꞌo̱, ñûu vitin kuvi un, ta ndiꞌi ñaꞌa ya kúu mií un ya vaꞌa inka va na koo ya”, káchi Ndioxi xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 16:25

Saa ndi̱kuiin ra Abraham káꞌan ra: “Seꞌe, kuñuꞌu ini un, kivi xi̱taku un ñuu ivi ta vaꞌa ni ndi̱xiyo un. Ndi̱xiyo ndiꞌi ya kúni un, ta ra Lázaro yóꞌó ndo̱ꞌo ni ra ndaꞌvi. Yakan kua íyo vaꞌa ra vitin, ta yóꞌo̱ ndóꞌo ni un.

1 Corintios 10:6

Xaꞌa ya ndo̱ꞌo xii yo saa kua, sínaꞌa Ndioxi yoo ya ná kütoo yo ikán yo ya väꞌa, tá kuꞌva i̱kan na ikán.

Santiago 4:2

Kútoo ni ndo koo kuaꞌa ñaꞌa ndo, ta köo kúchiñu ndo niꞌi ndo ya. Nda ìyo kaꞌni ndo naꞌa xaꞌa ya köo kúchiñu ndo niꞌi ndo ya kúni ndo, saa xáa ndo sâa ndo síkuaꞌa ndo kuachi ta xáa ndo kánitaꞌan ndo. Köo kúchiñu ndo niꞌi ndo ya kúni ndo, chi köo ndúku ndo ya nuu Ndioxi.

El Apocalipsis 18:13

Ni köo ka na sata kuaꞌa canela, ni iku ya yaꞌvi ni ya támi xáꞌan, ni na sata xuxa vaꞌa síchoꞌma na, án xuxa itun, án nduta támi ni xáꞌan án nduta vino, án ceite, án ita harina, xiꞌin trigo, ni sindiki, ni levo, ni kuai, ni itun carreta, ni na xáa chiñu nuu na, köo ka naꞌa sata ñaꞌa.

El Apocalipsis 18:15

Ta na xíko ikán ta ndu̱u kuika ni na, chi kuaꞌa ni ñaꞌa ndi̱xiko na nuu na ñuu Babilonia, ta na ikán ta ku íꞌvi ni na tá ná kuni na ya ndóꞌo ni na ñuu Babilonia, saa kundita xíka na xaꞌa ya íꞌvi na tixuꞌvi na xiꞌin na ñuu ikán, ñaa kuaku ni na ta kusuchi ni ini na.