El Apocalipsis 18:11 - Xochapa Mixteco

¹¹ Saa ndiꞌi ni kúu na ñuu ivi na ndi̱xiko ñaꞌa, kusuchi ni ini na ta kuaku ni na, saa chi ndiꞌi xaꞌa ñuu ikán. Ta köo ka naꞌa sata nuu na.

El Apocalipsis 18:11 Mawu Ofanana

San Mateo 22:5

Ta na ka̱na ra kuꞌun, köo ndi̱xiin na kuꞌun na. Iin ra ke̱e kuaꞌan nuu ñuꞌú ra, inka ra kuaꞌan nuu xíko ra,

San Juan 2:16

Ta na xíko sata ndi̱kaꞌan ra xiꞌin na, káchi ra saa: ―¡Tava ndo ri yóꞌó ná kana koo ri kuꞌun ri! ¡Ta ndäsa ndo veꞌe Iva i ndúu ya nuu yaꞌvi! ―káchi ra xiꞌin na.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.

El Apocalipsis 18:15

Ta na xíko ikán ta ndu̱u kuika ni na, chi kuaꞌa ni ñaꞌa ndi̱xiko na nuu na ñuu Babilonia, ta na ikán ta ku íꞌvi ni na tá ná kuni na ya ndóꞌo ni na ñuu Babilonia, saa kundita xíka na xaꞌa ya íꞌvi na tixuꞌvi na xiꞌin na ñuu ikán, ñaa kuaku ni na ta kusuchi ni ini na.

El Apocalipsis 18:20

Saa xi̱ni soꞌo i tuꞌun ya ndi̱kaꞌan iin na, káchi ya saa: Ndóꞌo̱ ndóo nuu ndivi nuu íyo Ndioxi, ¡ta kusini ni ndo! Saa kusini ni ndóꞌo̱ ndi̱kaxin Ndioxi xáa chiñu nuu ra. Saa ndóꞌo̱ káꞌan tuꞌun yuꞌu Ndioxi, ndo ndi̱kaꞌan ndoso tuꞌun ra, xiꞌin ndiꞌi ndóꞌo̱ na i̱í xaꞌa ya ndíkun ndo Ndioxi. ¡Vaꞌa kusini ni ndiꞌi ndo! Chi xa̱a súvi Ndioxi ya ndaa xaꞌa ndo.

El Apocalipsis 18:23

Ni ñu̱ꞌu̱ yéꞌe̱ ta tüun ka ya ñuu na, Ni viko tindaꞌa nuu kúsini naꞌa köo ka ya koo. Ni naꞌa na ndi̱xiyo ni ndi̱xiko ta köo ka na koo, na ndasa ndee yóꞌo̱ nuu ku̱tai ni ini un ta köo ka na koo. Chi yóꞌo̱ ñuu chee ni ya Babilonia xa̱a tasi un xiꞌin ndiꞌi na ñuu ivi, ta si̱ndaꞌvi un na.

El Apocalipsis 18:3

Ta ndiꞌi na inka ñuu, si̱kuaꞌa na ya kini ni tá kuꞌva íkan na ñuu Babilonia. Tá íin naꞌa na xíꞌi ni vinu ta síxini rá na, saa íin na ñuu ikán. Chi nduta vino rá xíꞌi ni na ku ya káꞌan xaꞌa ndiꞌi nuu ya väꞌa, ya kini ni íkan na ta kúsini ni na xiꞌin ya íkan na. Chi na ñuu Babilonia ta táa sii na inka naꞌa ya ikan na ya väꞌa íkan na. Saa ndiꞌi nda rey ñuu ivi, iin ndi̱kitaꞌan yuꞌu nda xiꞌin na íkan taꞌan ya väꞌa íkan na ñuu ivi. Saa na xíko ñaꞌa nuu na ñuu Babilonia ndu̱kuika ni na xaꞌa ya ndee ni kuaꞌa ya savi kúu mií na ñuu Babilonia, káchi tatun ikán xiꞌin i.

El Apocalipsis 18:9

Ta kuaku ni mií nda rey ikán tá ná kuni nda ndee ni kána iꞌma xíxi ni ya. Chi i̱kan ni nda taꞌan ya väꞌa i̱kan na, saa ku̱sini ni nda xiꞌin ya savi ni ndi̱xiyo mi ñuu ikán.