Efesios 6:9 - Xochapa Mixteco

⁹ Saa ndóꞌo̱ xáa chiñu naꞌa nuu, koto vií ndo xiꞌin na xáa chiñu xiꞌin ya nduxa nuu ndo, ta käꞌan ndo xiꞌin na ya ndee ni sitixuꞌvi ndo na tá väꞌa íkan na chiñu nuu ndo, chi Ndioxi ra íyo nuu ndivi ku ra kíꞌin kuenta xiꞌin na ñaa. Ta suvi tu ra kíꞌin kuenta xiꞌin mií va ndo, chi iin káchi ndáa yaꞌvi ndiꞌi ndo nuu ra.

Efesios 6:9 Mawu Ofanana

San Mateo 22:10

Saa ka̱na koo nda xáa chiñu nuu ra kuaꞌan nda ichí ndíkaya ndiꞌi nda na ndítaꞌan nda. Na vaꞌa tin na väꞌa ta ndíkaya ndiꞌi ñaꞌa nda, saa chu̱tu ndaa na veꞌe ra nuu íyo viko ikán.

San Mateo 22:8

Saa ndi̱kaꞌan ra xiꞌin nda xáa chiñu nuu ra, káchi ra saa: “Xa íyo nduvi ndiꞌi ñaꞌa kuniñuꞌu yo kuxi na viko tíndaꞌa, ta na ka̱na i kixi kuxi, ta köo ndi̱xiin na kixi na chi köo ichí na kuxi na xiꞌin yo xaꞌa ya kini ni na.

San Mateo 24:48

Sundi tá tu iin moso ra iku ini ku ra, ñaa xa̱á ra ndikani ini ra, kachi ra saa: “Ni ndïko koo yachi xitoꞌo yo”, kachi ra.

San Mateo 24:51

Ta ndee ni sitixuꞌvi ñaꞌa patrón ra. Ñaa tiꞌvi ñaꞌa ra kuꞌun ra nuu ndóo na väꞌa, na uvi ini. Ta ikán ku nuu kuaku ni na ndakua ndikaxi nuꞌu na, xaꞌa ya ndee ni tíxuꞌvi na.

San Mateo 7:12

’Yakan tá kuꞌva kúni ndo ikan naꞌa ya vaꞌa xiꞌin ndo, saa xíniñuꞌu ndo ikan ndo ya vaꞌa xiꞌin na. Saa kua xáa súvi ndo ley ya ta̱a ra Moisés xiꞌin nda profeta xinaꞌa ―káchi Jesús xiꞌin na.

San Lucas 6:31

Tá kuꞌva kúni ndo ikan naꞌa xiꞌin ndo, saa ikan ndo xiꞌin na.

San Juan 13:13

Ndóꞌo̱, ta káꞌan ndo xiꞌin i kúu i Maestro ta kúu i ra kaꞌnu nuu ndo, káchi ndo. Ta ya ndaa ndixa kua káꞌan ndo xiꞌin i, saa chi ikán ku i.

Los Hechos 10:34

Saa xa̱á ra Pedro káꞌan ra xiꞌin na, káchi ra saa: ―Vitin ku̱ndaa ini i, Ndioxi ta köo ndi̱kaxin ra naꞌa, iin káchi ndáa yaꞌvi ndiꞌi yo nuu ra.

ROMANOS 2:11

Saa chi Ndioxi, ta köo ndíkaxin ra naꞌa, iin káchi íkan ra xiꞌin ndiꞌi na.

1 Corintios 1:2

Saa tíꞌvi nde tutu yóꞌó xaa ya ndaꞌa ndóꞌo̱, ñani yo, ndóo ñuu Corinto. Saa chi ndóꞌo̱ ku ndo ka̱na Ndioxi ta xa xa̱a i̱í ra ndóꞌo̱ tixin Tata yo Jesucristo. Ta iin káchi saa xa̱a i̱í tu ra ndiꞌi ka na ndóo ndiꞌi saa kúu ñuu nuu xáa kaꞌnu na kivi Tata yo Jesucristo, chi saa tu na ikán va, Tata tu na ikán va ku ra.

1 Corintios 7:22

Saa chi tá ra sa̱ta naꞌa xáa chiñu nuu na kúu un tá kivi ka̱na Tata yo yóꞌo̱. Ta vitin xa ndi̱sa̱ña ndika un i̱kan Tata yo. Ta saa tu naꞌa, na ndóo ndika tá kivi ka̱na Tata yo na, ya kundikun na ra, ndu̱u na tá íin naꞌa, na sa̱ta ra ndíkun ñaꞌa na.

Colosenses 3:25

Ta saa ndikaꞌán ini ndo ndiꞌi naꞌa, na íkan ya väꞌa ta kuꞌva saa ndikiꞌin na yaꞌvi na, saa chi Ndioxi ta iin káchi xaa nduvaꞌa ra xiꞌin ndiꞌi naꞌa.

Colosenses 4:1

Saa ndóꞌo̱ xáa chiñu naꞌa nuu, ikan ndo ya vaꞌa, ya ndaa xiꞌin na xáa chiñu nuu ndo. Ta ndikaꞌán ini ndo chi saa tu ndóꞌo̱ va, nuu ndivi íyo ra xáꞌnda chiñu nuu ndo.

Santiago 2:13

Saa chi ndiꞌi na köo kúndaꞌvi ini xíni inka na, ta kuꞌva saa kündaꞌvi ini Ndioxi kuni ra naꞌa tá ná xaa nani ra kuachi xiꞌin na ñuu ivi. Sundi naꞌa, na ku̱ndaꞌvi ini xi̱ni inka naꞌa, ta kuꞌva saa kundaꞌvi ini Ndioxi kuni ra na.

Santiago 2:8

Tá tu ya ndixa ni kua kándixa ndo ley Ndioxi ya ndee ni ndáa yaꞌvi, ta vaꞌa ni va íkan ndo, chi soꞌva káꞌan ley ikán: “Ná kuꞌvi ni ini ndo kuni ndo naꞌa tá kuꞌva kúꞌvi ini ndo xíni ndo mií ndo”, káchi ya.

Santiago 5:4

Ta koto vaꞌa ndo, chi káꞌan kuachi va xuꞌun na xa̱a chiñu tátu nuu ndo ya si̱kuiꞌna ndo, ndi̱kasi ndaa ndo ya, si̱ndaꞌvi ndo na, köo ndi̱chaꞌvi ndo na. Ta ya köo ndíchaꞌvi ndo na ikán kua káꞌan kuachi ni na xaꞌa ndo nda nuu ndivi ndi̱xinu koo ya káꞌan na xaꞌa ndo xiꞌin Iva yo Ndioxi, ra ndee ni ndee kúu mií.