Efesios 6:24 - Xochapa Mixteco

²⁴ Ta mií Ndioxi ná chikaa ni ya vaꞌa ndiꞌi ndóꞌo̱ yáꞌa ni kúꞌvi ini xíni Tata yo Jesucristo. Saa ná koo.

Efesios 6:24 Mawu Ofanana

San Mateo 22:37

Saa ndi̱kuiin Jesús, káchi ra saa: ―Ley ya xíniñuꞌu ni ka kua yóꞌó: “Kuꞌvi ini yo kuni yo Ndioxi xiꞌin ndiꞌi nima yo, xiꞌin ndiꞌi ya vaꞌa yo, xiꞌin ndiꞌi ya xínituni yo”.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

2 Corintios 8:12

Saa chi tá ndá yo táxi ya kúu mií yo ndaꞌa Ndioxi, tá tu ndinuꞌu ni ini yo táxi yo ya, ta ndíkiꞌin vaꞌa ra ya. Chi Ndioxi ta köo ndúku ra ñaꞌa ya köo kúu mií yo nuu yo.

2 Corintios 8:8

Ta ya káꞌan i xiꞌin ndo kuꞌva soꞌva, ta süvi yeꞌe xáꞌnda chiñu ku i nuu ndo, káꞌan i xiꞌin ndo saa ya kúni i ná kuni ndo ndá kuꞌva íyo ndúvi inka na taꞌan yo ya chindee taꞌan na xiꞌin na taꞌan yo, na ndaꞌvi. Ta kuꞌva saa kúni i ná ikan ndo tá kuꞌva íkan na taꞌan yo ikán. Saa kua vaꞌa sinaꞌa ndo mií ndo nuu na ya ndixa kua kúꞌvi ni ini ndo xíni ndo na.

Efesios 6:23

Ñani yo, mií Ndioxi ná taxi ni ya koo vaꞌa ini ndo, ta ná kundaa ni ini ndo kuni ndo ra xiꞌin ya kúꞌvi ni ini ra xíni ra ndóꞌo̱, ta saa ná koo Tata yo Jesucristo xiꞌin ndo ndiꞌi saa ichí.

Filipenses 1:1

Yeꞌe Pablo xiꞌin ra Timoteo, nde xáa chiñu nuu Tata yo Jesucristo ku nde táa tutu yóꞌó xaa ya nuu ndiꞌi ndóꞌo̱, na ñani yo, na i̱í, na ndíkun Jesucristo, ndóo ñuu Filipos. Tíꞌvi ni nde tuꞌun mani xaa ya nuu ndiꞌi ndo, saa tu tá kúu ndiꞌi ndóꞌo̱ na kúnaꞌnu xáꞌnda chiñu veꞌe ñuꞌu, xiꞌin ndiꞌi na chíndee taꞌan xiꞌin ndo.

Colosenses 4:18

Ta yeꞌe, Pablo, ku i káꞌan ndioxi xiꞌin ndo, xiꞌin ndaꞌa mií i táa i ya káꞌan i xiꞌin ndo. Ta ndikaꞌán ini ndo xaꞌa i ya ndíkaa i veꞌe kàà yóꞌó. Ta mií Tata yo Jesucristo ná chikaa ni ya vaꞌa ndóꞌo̱. Saa ná koo.

2 Timoteo 4:22

Ta mií Tata yo Jesucristo ná koo xiꞌin un. Saa ná chikaa ni Iva yo Ndioxi ya vaꞌa ndiꞌi ndo.

Tito 2:7

Tá kuꞌva kúni un ikan nda ñani yo, kuꞌva saa xíniñuꞌu un vívií koo un nuu na ya ná kuni na ikán na tá íkan un. Tá sínaꞌa un na ñani yo ta ndinuꞌu ni ini un sinaꞌa un na, toꞌo ndituꞌun un tuꞌun ya ndaa xiꞌin na.

Tito 3:15

Ta ndiꞌi nda ñani yo, nda ndóo xiꞌin i yóꞌó tíꞌvi ni nda tuꞌun mani xaa ndaꞌa un. Saa kaꞌan ndioxi ni un xiꞌin ndiꞌi nda ñani yo tin kuꞌva yo, na ndáa ni ini xíni Tata yo. Ta mií Iva yo Ndioxi ná chikaa ni ya vaꞌa ndiꞌi ndo. Saa ná koo.

HEBREOS 13:25

Ta mií Ndioxi ná chikaa ni ka ya vaꞌa ndóꞌo̱. Saa ná koo ya.