Efesios 6:21 - Xochapa Mixteco

²¹ Ta ra ñani yo Tíquico ku ra vaꞌa ni ítaꞌan xiꞌin i xáa chiñu nde nuu Tata yo Jesucristo, ta ra ñaa ku ra ndituꞌun xiꞌin ndo xaꞌa i xiꞌin ndiꞌi ya ndóꞌo i.

Efesios 6:21 Mawu Ofanana

Los Hechos 20:4

Ta nda kuaꞌan xiꞌin ra Pablo ku ra Sópater, ra ke̱e ñuu Berea, inka ra Aristarco xiꞌin ra Segundo nda ke̱e ñuu Tesalónica ku uvi saa nda ikán, ta inka ra Gayo ke̱e ñuu Derbe xiꞌin ra Timoteo, ta ra Tíquico tin ra Trófimo ku nda ke̱e chí estado Asia. Ndiꞌi nda ikán ku nda kuaꞌan xiꞌin ra Pablo ndi̱xaa nda xiꞌin ra nda estado Asia ikán.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

Filipenses 1:12

Na taꞌan yo, kúni i ná kundaa ini ndo xaꞌa ya ndíkaa i veꞌe kàà yóꞌó. Chi xaꞌa ya chíndee taꞌan ya xiꞌin i xíta niꞌnu ka tuꞌun vaꞌa xaꞌa Tata yo Jesucristo va kua ndíkaa i yóꞌó.

Colosenses 1:7

Ta ya yóꞌó kua xi̱ni soꞌo ndo si̱naꞌa ra ñani yo, ra Epafras, ra xáa chiñu xiꞌin nde nuu Tata yo Jesucristo. Ta ndinuꞌu ni ini ra xáa chiñu ra nuu Tata yo ya chindee ra ndóꞌo̱.

1 Timoteo 4:6

Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.

2 Timoteo 4:12

Ta ra Tíquico, ti̱ꞌvi i ra kuaꞌan ra ñuu Éfeso.

Tito 3:12

Tá ná tiꞌvi i ra Artemas án ra Tíquico xaa iin nda nuu un, ta xaꞌa ni un ndee kama ni xaa loꞌo un koto un yeꞌe nda ñuu Nicópolis. Ikán ndikitaꞌan yo, chi ndi̱kani ini i ndoo i koo i ikán ndiꞌi yoó vixin.

FILEMÓN 1:16

Chi ra xáa chiñu xiꞌin ya nduxa nuu un ku ra, sundi vitin ta yáꞌa ni ka va vaꞌa ndee xaa chiñu ra nuu un, süvi tá xa̱a chiñu ra yachi saa ikan ra, chi ra ñaa, ta ñani yo ndu̱u ra vitin, ta kúꞌvi ni ini yeꞌe xíni i ra, ta ndisaa ka vi mií un, tá káa ra veꞌe mií un saa ndu̱u ra ndee ni ka ndaa yaꞌvi ra nuu un tixin Tata yo Jesucristo.

1 Pedro 5:12

Ra Silvano ñani yo ku ra ndee ni tuun ndíkun Tata yo Jesucristo, ta ra yóꞌó ku ra kuniꞌi tutu yóꞌó xaa ya ndaꞌa ndo, ta̱a i uvi ndaa tuꞌun xaa ya nuu ndo ya xáꞌa ni i ndee xiꞌin ndo káꞌan i xiꞌin ndo xaꞌa tindoꞌo ya ndee ni ndóꞌo ndo vitin, ta ya ñaa kua káꞌan ya ndee ni kúꞌvi ini Ndioxi xíni ra ndóꞌo̱.

2 Pedro 3:15

Ta kuñuꞌu ini ndo xaꞌa ya kaꞌnu ni ini Tata yo Jesucristo kua ndátun ra yoo, chi kúni ra sikaku ra ndiꞌi naꞌa. Ta suvi taꞌan ya káꞌan i xiꞌin ndo yóꞌó kua ndi̱kaꞌan tu ra Pablo ñani va yo xiꞌin ndo. Tá ta̱a ra nuu ndo xiꞌin ya ndíchi vaxi nuu Ndioxi kua ta̱a ra.