Efesios 6:20 - Xochapa Mixteco

²⁰ Ta mií Iva yo Ndioxi ku ra ta̱xi chiñu ndaꞌa i ya kaꞌan ndoso i tuꞌun ra, ta xaꞌa ya ñaa kua ndíkaa i veꞌe kàà yóꞌó. Ta kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i kaꞌan i xiꞌin naꞌa, ta ná ku ïꞌvi i kaꞌan i xiꞌin na.

Efesios 6:20 Mawu Ofanana

Los Hechos 21:33

Saa ku̱yati mií ra ndíso chiñu xiꞌin nda lapa ikán ta xa̱ꞌnda ra chiñu ya katun nda ndaꞌa ra Pablo xiꞌin uvi cadena. Ñaa ndi̱ndakan tuꞌun ñaꞌa ra, káchi ra saa: ―¿Unku yóꞌo̱, ta unkua i̱kan un kua yakan xáa nduvaꞌa ni na xiꞌin un? ―káchi ra xiꞌin ra Pablo.

Los Hechos 26:29

―¡Án siloꞌo án kuaꞌa sixinu i ini un, Ndioxi ná kachi ta ndikundikun un ichí ra saa tu ndiꞌi na ndóo xíni soꞌo ya káꞌan i, ta ná nduu na tá kuꞌva íyo yeꞌe, sundi süvi tá kuꞌva núꞌni i xiꞌin cadena yóꞌó! ―káchi ra Pablo xiꞌin na.

Los Hechos 28:20

Xaꞌa ya ñaa kua ka̱na i ndóꞌo̱ ndi̱kitaꞌan yo yóꞌó, kaꞌan i xiꞌin ndo kundaa ini ndo ndá xaꞌa kua núꞌni i xiꞌin cadena yóꞌó. Xaꞌa ya ndíkun i ichí iin ta̱a ra xi̱ndatun ndiꞌi na taꞌan yo na Israel kixi sikaku yoo kua núꞌni i ―káchi ra Pablo xiꞌin na.

Los Hechos 28:31

Nda iin naꞌa köo ndi̱keꞌe ra ya ndi̱kaꞌan ndoso ra xiꞌin na xaꞌa ichí nuu xáꞌnda chiñu Ndioxi. Saa sínaꞌa ra na xaꞌa Tata yo Jesucristo ta köo ya ndi̱kan na xiꞌin ra.

Los Hechos 5:29

Saa ndi̱kuiin ra Pedro xiꞌin nda taꞌan ra, káchi nda saa: ―Ya xíniñuꞌu ni nde xaa súvi nde kua kúni Ndioxi nuu ya xaa súvi nde ya kúni na ñuu ivi yóꞌó.

2 Corintios 3:12

Ta xa kúndaa teꞌe ini nde xaꞌa ya saa íyo ya, yakan kua ndee ni vaꞌa ndítuꞌun teꞌe nde xiꞌin ndo.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Efesios 4:1

Yeꞌe, Pablo, ndíkaa i veꞌe kàà xaꞌa ya xáa chiñu i nuu Tata yo Jesucristo, ta xíkan ni i ya mani nuu ndo ya ná koo ndo tá kuꞌva kúni mií ra, xaꞌa ya ñaa kua ka̱na ra ndóꞌo̱.

Efesios 6:19

Saa kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i tá káꞌan ndoso i tuꞌun vaꞌa xaꞌa ra xiꞌin naꞌa, ya ná kuchiñu na kundaa ini na xaꞌa ñaꞌa ya chi̱tuni Ndioxi ndi̱xiyo sěꞌe, ya kúu tuꞌun vaꞌa xaꞌa ra.

Filipenses 1:20

Chi yeꞌe ta ya ndee ni kúni i kua xaa kaꞌnu ni i Tata yo Jesucristo xiꞌin ikin kuñu i ndiꞌi saa ichí tá táku i án tá ndi̱xiꞌi i, saa chi kúndaa teꞌe ini i ya täxi Tata yo kukaꞌan nuu i, ta siín mií ra ná chindee yeꞌe ya kuchiñu i xaa kaꞌnu ni i ra vitin xiꞌin ndiꞌi saa kivi ya vaxi.

Filipenses 1:7

Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

Colosenses 4:3

Ta kaꞌan ni ndo xiꞌin ra ya ná kuna ra yeꞌe nuu nde ya ndituꞌun ka nde tuꞌun vaꞌa xaꞌa ra xiꞌin naꞌa ya ná kuchiñu ndituꞌun nde xaꞌa ñaꞌa ya ndi̱xiyo sěꞌe yachi, chi vitin ta xa si̱tuvi ra ya tixin Tata yo Jesucristo nuu na, ta xaꞌa ya ndítuꞌun i xaꞌa ra kua ndíkaa i veꞌe kàà yóꞌó.

Colosenses 4:4

Saa kaꞌan ni ndo xiꞌin ra ya ná chindee ra yeꞌe kuchiñu i ndituꞌun teꞌe ni i ya ndaa xaꞌa ra xiꞌin naꞌa.

1 Tesalonicenses 2:2

Saa chi xíni mií ndo tá täꞌan xaa nde ñuu ndo ta xiꞌna ñuu Filipos ndi̱yaꞌa nde, ta ikán ka̱ni ni na ndeꞌe, xa̱a ndu̱vaꞌa ni na xiꞌin nde. Saa tá ndi̱xaa nde ñuu ndo ta ndee ni sáa ini na ñuu ndo xíni na ndeꞌe, ta köo ndi̱ndiꞌvi nde nuu na, chi ndinuꞌu ni va ini nde ndi̱kaꞌan nde xiꞌin ndo xaꞌa tuꞌun vaꞌa ya ta̱xi Iva yo Ndioxi ndaꞌa nde.

2 Timoteo 1:16

Saa káꞌan ni i xiꞌin Iva yo Ndioxi ya ná kundaꞌvi ni ini ra kuni ra na veꞌe ra ñani yo, ra Onesíforo. Chi ndee ni kuaꞌa ichí ndi̱xaꞌa ra ndee xiꞌin i, ta köo ndi̱kukaꞌán nuu ra kuni ra yeꞌe xaꞌa ya ndíkaa i veꞌe kàà yóꞌó.

2 Timoteo 2:9

Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

FILEMÓN 1:10

Xaꞌa ya ñaa kua xíkan ni i ya mani nuu un ñani yo Filemón, xaꞌa ra Onésimo ñani yo, chi ra ñaa ta tá íyo seꞌe mií i saa íyo ra, xaꞌa ya ndi̱kundikun ra ichí Tata yo Jesucristo ini veꞌe kàà nuu ndíkaa i yóꞌó.

FILEMÓN 1:9

sundi yeꞌe, ta köo kúni i ikan i saa xiꞌin un, xáku ndaꞌvi va i nuu un xaꞌa ya íyo ni ya kúꞌvi ini Ndioxi nima i. Ta xa xíni mií un, yeꞌe, ta xa ku̱chee va i vitin, ta síin tu ndíkaa i veꞌe kàà yóꞌó va xaꞌa ya ndíkun i Tata yo Jesucristo.

1 Juan 3:16

Jesucristo si̱naꞌa ra yoo ndá kuꞌva kúꞌvi ini ra xíni ra yoo chi ta̱xi ra mií ra xaꞌa yo, ndi̱xiꞌi ra xaꞌa yo. Ta saa tu yoo va xíniñuꞌu yo taxi yo mií yo xaꞌa na ñani taꞌan yo.

Judas 1:3

Ñani mani, xa yachi vi kúni ni i taa i tutu yóꞌó xaa ya ndaꞌa ndo nuu káꞌan i xiꞌin ndo xaꞌa ya síkaku Iva yo Ndioxi yoo. Ta nda vitin vi táa i ya xaa ya nuu ndo ya ndúku ni i ya mani nuu ndo káꞌan i xiꞌin ndo, täxi ndo sindaꞌvi nda sínaꞌa ya vata ndóꞌo̱, ta xaꞌa ni ka ndo nde ya kandixa ni ndo tá kuꞌva ku̱ndaa ini na ñuu Ndioxi.