Efesios 6:2 - Xochapa Mixteco

² Saa chi saa káꞌan ley Ndioxi ya ta̱a ra Moisés, káchi ya saa: “Xaa toꞌo ndo iva ndo xiꞌin siꞌí ndo”, chi ya yóꞌó ku ley ya núnu̱ú, ya káꞌan tá íkan ndo saa ta saa kua kee vaꞌa ni ndo, niꞌi ndo ya vaꞌa ndi̱kaꞌan Ndioxi taxi ra ndaꞌa ndo.

Efesios 6:2 Mawu Ofanana

ROMANOS 13:7

Tá tu íyo na níka ndo nuu, ta chaꞌvi ndo nuu na. Tá ndá ñaꞌa níka ndo xaꞌa nuu na chiñu, ta chaꞌvi ndo nuu na. Tá íyo naꞌa na xíniñuꞌu ndo xaa toꞌo ndo, ta vaꞌa xaa toꞌo ndo na, tá íyo na xíniñuꞌu xaa kaꞌnu ndo, ta vaꞌa xaa kaꞌnu ndo na.

Efesios 6:3

Chi saa káꞌan tuꞌun ra, káchi ya saa: “Tá íkan ndo saa, ta kee vaꞌa ni ndo xaꞌa ndiꞌi ñaꞌa ya íkan ndo, ta niꞌi ni ndo kuiya koo ndo ñuꞌu ivi yóꞌó”, káchi tuꞌun ra.

1 Timoteo 5:4

Tá tu íyo ná kuâá ndi̱xiꞌi ndaa, ta íyo seꞌe ná án seꞌe ñani ná, ta na veꞌe ná ikán ku na xíniñuꞌu kundaa ñaꞌa, saa xáa kaꞌnu na Ndioxi xaꞌa ya íkan na saa. Ta saa kua xáa súvi na tá kuꞌva i̱kan iva siꞌí na xiꞌin na, tá íkan na saa ta xáa sií ni na ini Ndioxi.