Efesios 6:19 - Xochapa Mixteco

¹⁹ Saa kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i tá káꞌan ndoso i tuꞌun vaꞌa xaꞌa ra xiꞌin naꞌa, ya ná kuchiñu na kundaa ini na xaꞌa ñaꞌa ya chi̱tuni Ndioxi ndi̱xiyo sěꞌe, ya kúu tuꞌun vaꞌa xaꞌa ra.

Efesios 6:19 Mawu Ofanana

Los Hechos 13:46

Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa: ―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío.

Los Hechos 14:3

Xaꞌa ya ikán kua ndi̱ndoo naꞌá ka ra Pablo xiꞌin ra Bernabé xiꞌin na, ta ndi̱nuni loꞌo káꞌan ndoso nda tuꞌun Tata yo. Xaꞌa ya kúꞌvi ini ra xíni ra yoo, yakan ta̱xi ra ndee ra ndaꞌa nda íkan nda yatuꞌun ra.

Los Hechos 18:26

Ta ni köo íꞌvi ra káꞌan ra, ndi̱kiꞌvi ra ini veꞌe ñuꞌu sinagoga ñuu Éfeso ikán, ta ndinuni loꞌo káꞌan ra xiꞌin na. Saa xi̱ni soꞌo ra Aquila xiꞌin yá Priscila síꞌi ra ya káꞌan ra Apolos ikán. Ta ñaa ta̱va síin na ra ndi̱kani vaꞌa ka na ichí xaꞌa Ndioxi nuu ra.

Los Hechos 19:8

Ta xáꞌan ra Pablo veꞌe ñuꞌu sinagoga ñuu Éfeso káꞌan ndoso ra tuꞌun Ndioxi xiꞌin na. Ta ndinuꞌu ni ini ra ndítuꞌun ra xiꞌin na ndíkani ra nuu na síxinu ra ini na ya ná kundaa ini na ndá kuꞌva kaꞌnda chiñu Ndioxi nuu na. Saa i̱kan ra xiꞌin na tixin uni yoo.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

Los Hechos 28:31

Nda iin naꞌa köo ndi̱keꞌe ra ya ndi̱kaꞌan ndoso ra xiꞌin na xaꞌa ichí nuu xáꞌnda chiñu Ndioxi. Saa sínaꞌa ra na xaꞌa Tata yo Jesucristo ta köo ya ndi̱kan na xiꞌin ra.

Los Hechos 4:13

Saa tá xi̱ni soꞌo na ikán ya ndi̱kaꞌan ra Pedro tin ra Juan, ñaa ndi̱kanda ni ini na xíni ñaꞌa na, chi ndinuni loꞌo ini nda káꞌan nda, ni köo íꞌvi nda káꞌan nda. Ta ni süvi nda ndi̱sikuaꞌa ku nda. Ta vaꞌa ni káꞌan nda. Xaꞌa ya ikán kua vaꞌa ndi̱kuni ñaꞌa na ya xi̱taꞌan nda xiꞌin Jesús.

Los Hechos 4:29

Ta vitin káꞌan nde xiꞌin un chindee un ndeꞌe, Tata, chi xíto mií un ndá kuꞌva síꞌvi ni na ndeꞌe saa chi ndíkasi na nuu nde ya ná käꞌan ka nde tuꞌun un. Ta taxi un ndee un ndaꞌa nde ya ná ku ïꞌvi nde kaka nde ndikani nde tuꞌun un.

Los Hechos 4:31

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

Los Hechos 9:27

Ta iin ra ndíkun Jesús ku ra chi̱ndee ra Saulo, Bernabé náni ra. Ra ikán ku ra ndáka ra ndi̱xaꞌan ra xiꞌin ra nuu nda apóstol. Saa ndi̱tuꞌun ra xiꞌin nda ya ndi̱tuvi Jesús nuu ra tá kuaꞌan ra ichí ta ndi̱kaꞌan ra xiꞌin ra. Yakan tá ndi̱xiyo ra ñuu Damasco ta köo ndi̱ndiꞌvi ra, ndinuni loꞌo ndi̱kaꞌan ndoso ra tuꞌun xaꞌa Jesús ―káchi ra Bernabé xiꞌin nda.

Los Hechos 9:29

Ndinuni loꞌo ndítuꞌun ra xaꞌa Tata yo Jesús xiꞌin naꞌa, ta ni köo íꞌvi ra káꞌan ra xiꞌin na judío, na káꞌan tuꞌun griego, ta na ikán ndúku na kuꞌva kaꞌni na ra.

ROMANOS 15:30

Ñani yo xiꞌin kuꞌva yo, xáku ndaꞌvi ni i nuu ndo, tixin ndee Jesucristo xiꞌin tixin ya kúꞌvi ni ini Tachi I̱í Ndioxi xíni ya yoo, xíkan ni i ya mani nuu ndo, kaꞌan ni ndo xiꞌin Ndioxi xaꞌa i,

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

1 Corintios 1:5

Saa chi tixin Jesucristo kua ta̱xi ni Ndioxi ya vaꞌa ndaꞌa ndo ya kuchiñu ndo ndituꞌun ndo ya vaꞌa xiꞌin na ivi, saa ta̱xi ra ya ndíchi ni ndaꞌa ndo.

1 Corintios 2:7

Ndeꞌe, ta sínaꞌa nde ya ndíchi kúu mií Ndioxi, ya ndi̱xiyo sěꞌe yachi nda kivi tá xi̱koo xaꞌa ñuu ivi yóꞌó. Nda saa vi chi̱tuni Ndioxi ya ndíchi yóꞌó ya kuchiñu niꞌi ni yo ya vaꞌa xiꞌin ya.

1 Corintios 4:1

Tá kivi ndíkani ini ndo xaꞌa yeꞌe xiꞌin ra Apolos, ta xíniñuꞌu ndo ndikani ini ndo ya kúu nde ndisaa moso kuiti nda xáa chiñu nuu Tata yo Jesucristo, ta ka̱na ra ndeꞌe xaꞌa ya ndáa ini ra xíni ra ndeꞌe sinaꞌa nde naꞌa xaꞌa chiñu ra ya íyo sěꞌe.

2 Corintios 1:11

tá káꞌan ni ndo xiꞌin Ndioxi xaꞌa nde. Tá tu kuaꞌa ni naꞌa káꞌan xaꞌa nde xiꞌin Ndioxi, ta saa kuaꞌa ni na taxi tixaꞌvi ndaꞌa ra xaꞌa ya vaꞌa níꞌi ndeꞌe nuu ra.

2 Corintios 3:12

Ta xa kúndaa teꞌe ini nde xaꞌa ya saa íyo ya, yakan kua ndee ni vaꞌa ndítuꞌun teꞌe nde xiꞌin ndo.

2 Corintios 6:11

Ndiꞌi ndóꞌo̱ ñani yo ndóo ñuu Corinto, ndee ni vaꞌa téꞌe ndi̱kaꞌan nde xiꞌin ndo, saa xu̱na nde nima nde nuu ndo.

2 Corintios 7:4

Ta ndinuꞌu ni ini i ndi̱kaꞌan i xiꞌin ndo ya ndee ni kúsini i xiꞌin ndo, vaꞌa ni kúni i xiꞌin ndo, ta̱xi ni ndo ndee ndaꞌa i, vani ndee ni ti̱xuꞌvi nde.

2 Corintios 8:7

Saa chi ndóꞌo̱, ta vaꞌa ni va íkan ndo: Ndee ni vaꞌa ndáa ini ndo xíni ndo Ndioxi, ta saa vaꞌa ni tu vií ndítuꞌun ndo tuꞌun ra xiꞌin naꞌa, ta xíni vaꞌa ndo ya ndaa xaꞌa Ndioxi. Saa íyo ndúvi ni ndo ya chindee taꞌan ndo xiꞌin na taꞌan yo xaꞌa ya kúꞌvi ini ndo xíni ndo na, chi saa si̱kuaꞌa ndo nuu nde. Yakan xíkan ni nde ya mani nuu ndo ya ná chindee taꞌan loꞌo ndo xiꞌin xuꞌun na ñani yo, na ndóo ñuu Jerusalén.

Efesios 1:9

Ta si̱naꞌa ra ñaꞌa nuu yo ya chi̱tuni mií ra ndi̱xiyo sěꞌe nuu ra. Ta ndee ni kúsini ra si̱naꞌa ra ya yóꞌó nuu yo tixin seꞌe ra Jesucristo, chi saa chi̱kaa ini ra ikan ra xiꞌin yo.

Efesios 3:9

Ta̱xi Ndioxi chiñu ndaꞌa i ya kuchiñu i ndituꞌun i xiꞌin naꞌa xaꞌa ñaꞌa ya chi̱tuni mií ra ndi̱xiyo sěꞌe yachi, chi mií ra ku ra si̱kuaꞌa ndiꞌi ni kúu ñaꞌa ya íyo, ta nda yachi vi ndi̱xiyo sěꞌe ñaꞌa ya chi̱tuni mií ra, nda tá si̱kuaꞌa ra ñuu ivi yoꞌo vi kua i̱kan ra saa.

Colosenses 2:2

Saa ná taxi ni Ndioxi ndee ndaꞌa ndo ya xaꞌa ni ndo ndee xiꞌin taꞌan ndo xaꞌa ya kúꞌvi ni ini ndo xínitaꞌan ndo. Xaꞌa ya ñaa kua ndítuꞌun ni i xiꞌin ndo, ndíkani i nuu ndo chi kúꞌvi ni ini i xíni i ndóꞌo̱. Ta vaꞌa ná taxi ra ndukuika ni ndo xiꞌin ya ndíchi ni chi̱tuni Ndioxi ndi̱xiyo sěꞌe yachi, chi ya ndi̱xiyo sěꞌe ikán ku mií Tata yo Jesucristo.

Colosenses 4:3

Ta kaꞌan ni ndo xiꞌin ra ya ná kuna ra yeꞌe nuu nde ya ndituꞌun ka nde tuꞌun vaꞌa xaꞌa ra xiꞌin naꞌa ya ná kuchiñu ndituꞌun nde xaꞌa ñaꞌa ya ndi̱xiyo sěꞌe yachi, chi vitin ta xa si̱tuvi ra ya tixin Tata yo Jesucristo nuu na, ta xaꞌa ya ndítuꞌun i xaꞌa ra kua ndíkaa i veꞌe kàà yóꞌó.

1 Tesalonicenses 2:2

Saa chi xíni mií ndo tá täꞌan xaa nde ñuu ndo ta xiꞌna ñuu Filipos ndi̱yaꞌa nde, ta ikán ka̱ni ni na ndeꞌe, xa̱a ndu̱vaꞌa ni na xiꞌin nde. Saa tá ndi̱xaa nde ñuu ndo ta ndee ni sáa ini na ñuu ndo xíni na ndeꞌe, ta köo ndi̱ndiꞌvi nde nuu na, chi ndinuꞌu ni va ini nde ndi̱kaꞌan nde xiꞌin ndo xaꞌa tuꞌun vaꞌa ya ta̱xi Iva yo Ndioxi ndaꞌa nde.

1 Tesalonicenses 5:25

Ñani yo xiꞌin kuꞌva yo, ndúku ni nde ya mani nuu ndo kaꞌan ni ndo xiꞌin Ndioxi xaꞌa nde.

2 Tesalonicenses 3:1

Ya yóꞌó kua sindiꞌi káꞌan nde xiꞌin ndo, kaꞌan ndo xaꞌa nde xiꞌin Ndioxi ya ná kuchiñu kuita kama tuꞌun ra ndiꞌi ni kúu ñaꞌñu, ta ná ndikiꞌin vaꞌa ni na ya tá kuꞌva ndi̱kiꞌin vaꞌa ndóꞌo̱ ya.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

FILEMÓN 1:22

Saa xa káꞌan kuée tu i xiꞌin un, ya xaa súvi loꞌo un veꞌe un nuu ndoo loꞌo i koo i, chi xa káꞌan ni ndo xiꞌin Ndioxi xaꞌa i, ta mií ra ná kachi ta kama ni xaa i koto i ndóꞌo̱.

HEBREOS 13:18

Ta kaꞌan ni ndo xaꞌa ndeꞌe xiꞌin Ndioxi, saa chi xíni nde ya íyo vaꞌa ya xínituni nde nuu ra, ta ndisaa ya vaꞌa kúni nde ikan nde nuu ra.