Efesios 6:18 - Xochapa Mixteco

¹⁸ Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Efesios 6:18 Mawu Ofanana

San Mateo 17:21

Saa chi tachi nduvaꞌa taꞌan ya yóꞌó, ta xíniñuꞌu ndo kaꞌan ni ndo xiꞌin Ndioxi tin kuxi suꞌun ndo, saa kuchiñu ndo tava ndo ya ―káchi Jesús xiꞌin nda.

San Mateo 26:41

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

San Marcos 13:33

’Yakan kua káꞌan i xiꞌin ndo, kuenta ni koo ndo ta koo tuꞌva ndo, kaꞌan ni ndo xiꞌin Ndioxi, saa chi köo xíni ndo maa kua tindaa hora ya ndiko koo i.

San Marcos 14:38

Kundito ndo, ta kaꞌan ni ndo xiꞌin Ndioxi ya ná ndïkava ndo nuu kuachi. Ya ndaa kua kúni ni ndo xaa súvi ya kúni Ndioxi, sundi köo kúchiñu ndo xaa súvi ndo ya xiꞌin ndee mií ndo ―káchi Jesús xiꞌin nda.

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

San Lucas 22:46

Saa ndi̱kaꞌan ra xiꞌin nda, káchi ra saa: ―¿Ndachu ndóo ndo kíxi ndo? Kuandikoo ndo kaꞌan ndo xiꞌin Ndioxi, ya ná ndïkava ndo ndaꞌa ya väꞌa, ya kuni koto ndoso ndóꞌo̱ ―káchi ra xiꞌin nda.

San Lucas 3:26

Ta ra Nagai ku seꞌe ra Maat. Ta ra Maat ku seꞌe ra Matatías. Ta ra Matatías ku seꞌe ra Semei. Ta ra Semei ku seꞌe ra José. Ta ra José kú seꞌe ra Judá.

San Lucas 3:37

Ta ra Lamec ku seꞌe ra Matusalén. Ta ra Matusalén ku seꞌe ra Enoc. Ta ra Enoc ku seꞌe ra Jared. Ta ra Jared ku seꞌe ra Mahalaleel. Ta ra Mahalaleel ku seꞌe ra Cainán.

Los Hechos 1:14

Ndiꞌi saa ichí ndíkitaꞌan ndiꞌi nda káꞌan nda xiꞌin Ndioxi saa xáku ndaꞌvi nda nuu ra, ta ndíkitaꞌan tu siꞌí Jesús yá María va xiꞌin nda saa tu nda ñani va ra, ndíkitaꞌan na káꞌan na xiꞌin Ndioxi.

Los Hechos 10:2

Ta káñuꞌu ni ra Cornelio Ndioxi saa tu na veꞌe va ra, káñuꞌu ni na Ndioxi. Saa chíndee ni ra na judío, na ndaꞌvi, ta káꞌan ni ra xiꞌin Ndioxi.

Los Hechos 12:5

Ñaa ndakua iin ndáa tuun nda lapa ikán ra Pedro tá ndíkaa ra veꞌe kàà. Sundi na kándixa Jesús ta ndinuni loꞌo káꞌan na xaꞌa ra xiꞌin Ndioxi.

Los Hechos 6:4

Ta ndeꞌe kaꞌan nde xiꞌin Ndioxi saa kaka nde sinaꞌa nde naꞌa xaꞌa tuꞌun ra ―káchi nda xiꞌin na.

ROMANOS 12:12

Ta kusini ni ndo chi ndátun ndo taxi Ndioxi ya vaꞌa ndaꞌa ndo, tá vaxi tindoꞌo nuu ndo tíxuꞌvi ndo, ta kuaꞌa ndee ni ini ndo xiꞌin ya, ta xïkuiin ndo, kaꞌan ni ndo xiꞌin Ndioxi.

ROMANOS 8:15

Saa chi tachi ya ndi̱kiꞌin yo ta süvi ya sindoꞌo naꞌa kua, köo xáꞌnda chiñu ya nuu yo xiꞌin ya uꞌvi, yakan köo xíniñuꞌu yo ku iꞌvi yo sitixuꞌvi Ndioxi yoo. Chi Tachi Ndioxi, ya táku ini yo vitin, ndása ya yoo seꞌe Ndioxi. Ta táxi ya kaꞌan yo xiꞌin ra, kachi yo saa: “Iva mani mií i”, kachi yo xiꞌin ra.

Gálatas 4:6

Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

Efesios 1:16

ta köo ndíndoso ini i xaꞌa ndo, ndiꞌi saa ichí káꞌan ni i xiꞌin Ndioxi, ta xáku ndaꞌvi ni i nuu ra xaꞌa ndo.

Efesios 2:22

Ta ndixaꞌvi ni mií ra chi ndóꞌo̱ xiꞌin na judío ta tá káa veꞌe ñuꞌu nuu íyo Ndioxi, saa íin ndo, chi íyo Tachi I̱í ra ini ndo.

Efesios 3:18

Saa kua kuchiñu ndóꞌo̱ xiꞌin ndiꞌi na taꞌan ndo, na i̱í, kundaa ini ndo ndá kuꞌva kua ndee ni kúꞌvi ini Ndioxi xíni ra ndóꞌo̱, tá kuꞌva káa nuu ndee ni kâní án tá kuꞌva káa nuu ndee ni ndíka kuꞌva saa káa ya kúꞌvi ni ini ra xíni ra ndóꞌo̱, án tá kuꞌva káa ya súkun ni, án tá kuꞌva káa nuu yáꞌa ni kúnu kuꞌva saa káa ya kúꞌvi ni ini ra xíni ra ndóꞌo̱.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Efesios 6:19

Saa kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i tá káꞌan ndoso i tuꞌun vaꞌa xaꞌa ra xiꞌin naꞌa, ya ná kuchiñu na kundaa ini na xaꞌa ñaꞌa ya chi̱tuni Ndioxi ndi̱xiyo sěꞌe, ya kúu tuꞌun vaꞌa xaꞌa ra.

Filipenses 1:4

Ta kúsini ni i tá káꞌan i xaꞌa ndo xiꞌin ra ndiꞌi saa ichí.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

Colosenses 1:3

Ndiꞌi saa ichí tá káꞌan nde xaꞌa ndo xiꞌin Iva yo Ndioxi, ra kúu Iva Tata yo Jesucristo, ta táxi ni nde tixaꞌvi ndaꞌa ra xaꞌa ndo.

Colosenses 1:4

Saa chi ndeꞌe, ta ku̱ndaa ini nde xaꞌa ndo, ya ndee ni ndáa ini ndo xíni ndo Tata yo Jesucristo, ta saa kúꞌvi ni ini ndo xíni ndo na ñuu Ndioxi, na i̱í.

Colosenses 4:2

Ñani yo xiꞌin kuꞌva yo, xïkuiin ndo kaꞌan ni ndo xiꞌin Ndioxi, saa koo ndúvi ni ndo ndiꞌi saa kivi ya taxi ni ndo tixaꞌvi ndaꞌa ra.

1 Tesalonicenses 5:17

Kaꞌan ni ndo xiꞌin Ndioxi ndiꞌi saa ichí, xïkuiin ndo.

1 Timoteo 2:1

Ñani yo, ya núnu̱ú ndúku i nuu un kua yóꞌó, kaꞌan ni ndo xiꞌin Ndioxi xaꞌa ndiꞌi naꞌa. Ta kuaku ndaꞌvi ndo nuu ra ná chindee ra na, ná chikaa ra ya vaꞌa ndiꞌi na. Saa kaꞌan ni ndo xiꞌin ra taxi ndo tixaꞌvi ndaꞌa ra xaꞌa ya ndi̱kuiin ra yuꞌu ndo xaꞌa ya káꞌan ndo xaꞌa xiꞌin ra.

2 Timoteo 1:3

Ndiꞌi saa ichí tá káꞌan i xiꞌin Ndioxi ta ndíkaꞌán ni ini i xaꞌa un, saa káꞌan i xaꞌa un xiꞌin ra. Nduvi niuun táxi i ndixaꞌvi ndaꞌa ra xaꞌa un. Saa xáa súvi ni i ya kúni Ndioxi, tá kuꞌva xa̱a súvi ni xii sikua i ñaꞌa nuu ra, saa íkan i ta köo táxi ya xínituni i kuachi xaꞌa i.

FILEMÓN 1:5

Saa chi ku̱ndaa ini i xaꞌa un ya ndee ni kúꞌvi ini un xíni un Tata yo Jesucristo, saa ndáa ni ini un xíni un ra, ta saa kúꞌvi ni tu ini un xíni un na ñuu Ndioxi, na i̱í va.

HEBREOS 5:7

Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

Judas 1:20

Sundi ndóꞌo̱ ñani yo, ta iin tuun saa ná chindee taꞌan ni ndo xiꞌin taꞌan ndo ya ndinuni kundikun ndo tuꞌun i̱í ya kándixa ndo, ta kaꞌan ni ndo xiꞌin Ndioxi tá kuꞌva kúni mií Tachi I̱í Ndioxi.