Efesios 6:17 - Xochapa Mixteco

¹⁷ Saa tu tá kuꞌva íkan nda lapa ñúꞌu ñaꞌa xi̱ní nda ya ndási ya xi̱ní nda, kuꞌva saa xíniñuꞌu ndo kundaa ni ini ndo ya íyo ndee Jesucristo xiꞌin ndo ya sikaku ya ndóꞌo̱ nuu ya väꞌa. Saa tu tá kuꞌva íkan nda lapa xa íyo ndúvi nda xiꞌin i̱chi nda, kuꞌva saa xíniñuꞌu ndo koo ndúvi ndo xiꞌin tuꞌun Ndioxi ya táxi Tachi I̱í ra ndaꞌa ndo.

Efesios 6:17 Mawu Ofanana

San Mateo 4:4

Saa ndi̱kuiin Jesús ndi̱kaꞌan ra, káchi ra saa: ―Tuꞌun Ndioxi káchi ya saa: “Süvi ndisaa ya kuxi naꞌa saa kutaku na. Xíniñuꞌu tu na kandixa ni na tuꞌun Ndioxi va saa kutaku na”, káchi tuꞌun Ndioxi ―káchi Jesús xiꞌin kiti nǎꞌa.

San Mateo 4:7

Saa ndi̱kuiin Jesús, káchi ra saa: ―Saa tuku káchi tuꞌun Ndioxi: “Väꞌa koto ndoso naꞌa Ndioxi” ―káchi Jesús xiꞌin kiti nǎꞌa.

Efesios 5:26

I̱kan ra saa xiꞌin yo ya kuchiñu ra ndasa i̱í ra yoo. Ta xaꞌa ya xi̱ni soꞌo yo tuꞌun vaꞌa xaꞌa ra kua ndu̱u yo naꞌa, na i̱í nuu ra, saa chi̱chi yo xiꞌin tikuii xaꞌa ya kándixa yo ra.

1 Tesalonicenses 5:8

Sundi yoo ndíkun Tata yo Jesucristo, ta nduvi xíka yo nuu yéꞌe̱, yakan ná koo kaxin teꞌe ini yo. Tá íkan yo saa ta saa kua ndáa ni ini yo xíni yo ra, saa kúꞌvi ni ini yo xíni yo ra. Ta saa kua ndási ndaꞌa ra nima yo tá íin nda lapa nda íyo kàà ndási ya kándika nda, saa íin yo. Ta ndíkaa teꞌe ya téꞌe xi̱ní nda ya ndási ya xi̱ní nda, kuꞌva saa íkan ra xiꞌin yo ndáa ra xíni yo xaꞌa ya kúndaa teꞌe ini yo ya sikaku ra yoo.

HEBREOS 4:12

Saa chi tuꞌun Ndioxi, ta ya táku ku ya ta ndee ni kúnu kuakiꞌvi ya xáꞌnda ya. Ndee ni ka ndee tuꞌun ra nuu iin i̱chi̱ ya xi̱ín ni uvi saa yuꞌu. Chi tuꞌun ra, ta kuakiꞌvi ya xáꞌnda ya nima naꞌa, iin saa nda nuu vaꞌa na, xiꞌin tivavi na, xiꞌin mbeke ya ñúꞌu ini leke na, ta vaꞌa xíto ndoso ya ndiꞌi ya xínituni na xiꞌin ya ndíkani ini na, ya íyo nima na.

HEBREOS 6:5

Na ikán ta kúndaa ini na ya vaꞌa ni ku tuꞌun Ndioxi, saa kúndaa ini na ya ndee ni ndee kúu mií ra kaꞌnda chiñu ra kivi vaxi.

El Apocalipsis 1:16

Saa íyo uxa kiti kimi ndaꞌa kuáꞌá ra, ta yuꞌu ra kéta iin i̱chi̱ ya xíin ni uvi saa yuꞌu. Tá kuꞌva ndee ni ndíndii kàà uxi uvi ndaa nduvi, kuꞌva saa ndee ni ndíyeꞌe nuu ra.

El Apocalipsis 12:11

Sundi vitin ta xa ku̱chiñu na nuu ri. Saa chi kiti Levo loꞌo ikán ndi̱taxi ri mií ri xaꞌa na ta nií ri ikán ku rá ta̱xi ndee ndaꞌa na. Ta saa tu tuꞌun ya ndaa, ya ndíkuiin na xaꞌa Tata yo Jesucristo, ta̱xi ya ndee ndaꞌa na. Xaꞌa uvi ndee yóꞌó kua ku̱chiñu na ku̱ndee na nuu kiti nǎꞌa. Ta nda loꞌo köo ndi̱ndiꞌvi na kuvi na, ta̱xi ndiꞌi na mií na ya kuvi na xaꞌa ya kándixa na Ndioxi.

El Apocalipsis 19:15

Saa ke̱ta iin i̱chi yáꞌa ni xiín yuꞌu ra. Ta xiꞌin ya ikán si̱tikueꞌe ni ra naꞌa, na ndóo ndiꞌi ni kúu saa ñuu ivi. Ta ndee ni ndee kaꞌnda chiñu ra nuu ndiꞌi na ikán xiꞌin kàà ya káa tá káa iin itun káni ni. Tá íkan naꞌa tá kóꞌni na kiti uva, xáñu ndoso na ri saa kána nduta ri, ta xiꞌin rá ikán síkuaꞌa na nduta vinu. Kuꞌva saa ikan ra xiꞌin na väꞌa ikán, chi ndee ni ndee kúu mií Ndioxi.

El Apocalipsis 2:16

Xaꞌa ya ñaa kua vaꞌa ka ná ndiko koo ini ndo xaꞌa ya íkan ndo, ta sindikoo ndo ichí ñaa. Süvi ka vi ya kama ni ndiko koo i kani taꞌan i xiꞌin na ñaa xiꞌin i̱chi̱ ya xíin ni kéta yuꞌu i.