Efesios 6:12 - Xochapa Mixteco

¹² Ta süvi xiꞌin na taꞌan mií yo kua kánitaꞌan yo, chi xiꞌin tachi nduvaꞌa ya ndee ni naꞌnu tin ndiꞌi ni kúu ya kúu mií chiñu xáꞌnda chiñu ndiꞌi ñaꞌñu xiꞌin ka inka nuu ndiꞌi ndee kiti nǎꞌa ya íyo nuu naá ñuu ivi yóꞌó tin xiꞌin ya íyo nìnu nuu sukun ni ñuu ivi yóꞌó kua kánitaꞌan yo.

Efesios 6:12 Mawu Ofanana

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Marcos 4:19

sundi ndíꞌi ni ini na xaꞌa chiñu íyo ñuu ivi yóꞌó saa xáa na xáa chiñu ni na ya kúni na kuu mií na kuaꞌa ni ya kuika ñuu ivi yóꞌó, ñaa síndiꞌi xaꞌa ya tuꞌun Ndioxi íyo nima na.

San Lucas 13:24

―Xaꞌa ni ndo ndee ya kiꞌvi ndo yéꞌé ya táñú ni ya kuaꞌan nuu íyo Ndioxi, chi kuaꞌa ni naꞌa kúni kiꞌvi ta küchiñu na kiꞌvi na.

San Lucas 22:53

Ndiꞌi saa kivi ndi̱xiyo i xiꞌin ndo veꞌe ñuꞌu ta köo ya ndikan ndo xiꞌin i. Sundi vitin ti̱ndaa hora ya taxi Ndioxi ikan ndo ya kúni mií ndo, chi kiti nǎꞌa kaꞌnda chiñu nuu ndóꞌo̱ ñuu ivi yóꞌó tiempo vitin ―káchi Jesús xiꞌin nda.

San Juan 12:31

Vitin kua ti̱ndaa kivi ya taxi Ndioxi kuachi xaꞌa na ñuu ivi. Ta kindaa ra ichí ndaꞌa kiti nǎꞌa, ri xáꞌnda chiñu ñuu ivi yóꞌó, keta ri kuꞌun ri.

San Juan 14:30

’Ta soo uvi ndaa tuꞌun káꞌan i xiꞌin ndo, chi xa vaxi kiti nǎꞌa, kiti xáꞌnda chiñu nuu na ñuu ivi yóꞌó. Ta nda loꞌo köo xáꞌnda chiñu ri nuu yeꞌe.

San Juan 16:11

Ta suvi mií ya chindee na kundaa ini na saa chi xa ndi̱taꞌnda xaꞌa kiti nǎꞌa, kiti ínuu nuu ndiꞌi tachi nduvaꞌa, ri xáꞌnda nuu na ñuu ivi yóꞌó, ndi̱taꞌnda xaꞌa ri ya ndiꞌi xaꞌa ri.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

ROMANOS 8:38

Xíni teꞌe i, ya ndixa kua köo nda iin naꞌa, ni köo nda iin ndee ya kuchiñu xaa xíka yo nuu ya kúꞌvi ni ini Ndioxi xíni ra yoo. Ni ndee ya xáꞌni yoo, ni ya táku yo, ni ndee ya kúu mií na tatun Ndioxi, ni ndee kiti nǎꞌa, nda iin ndee yóꞌó küchiñu ya xaa xíka ya yoo nuu ya kúꞌvi ni ini Ndioxi xíni ra yoo, ni ya uꞌvi ni íyo nuu yo vitin, ni ya uꞌvi ni vaxi nuu yo,

1 Corintios 15:50

Vaꞌa ná kundaa ini ndo ñani yo: Chi nda iin yo ta küchiñu yo koo yo xiꞌin Ndioxi nuu xáꞌnda chiñu ra, tá ná kuu mií yo ikin kuñu yo taꞌan ya kúu mií yo táku yo ñuu ivi yóꞌó vitin. Chi ñaꞌa ya táꞌi ta küchiñu ya koo ya xiꞌin ñaꞌa ya nda loꞌo köo táꞌi.

2 Corintios 11:14

Ta vaꞌa ná ndïkanda ini yo xaꞌa ya íkan nda saa, chi saa íkan tu mií va kiti nǎꞌa, kiti Satanás: vaꞌa ndása ri mií ri, ndúu ri tá íyo na tatun Ndioxi, na yéꞌe̱.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

Gálatas 1:16

Xaꞌa ya ikán kua tá ndi̱xinu kivi ya chi̱tuni mií Ndioxi, ta saa kua si̱tuvi ra Seꞌe ra Jesucristo nuu i, ya ta̱xi ra chiñu ndaꞌa i kuꞌun i kaꞌan ndoso i tuꞌun vaꞌa xaꞌa Jesucristo xiꞌin naꞌa, na köo kúu judío. Tá kivi ku̱u saa, ta köo ndi̱xaꞌan i ndakan tuꞌun i nda iin naꞌa, na xíni ni ya sinaꞌa na yeꞌe.

Efesios 1:21

Ta̱xi Ndioxi ichí ndaꞌa Cristo ya kaꞌnda ra chiñu nuu tá kúu ndiꞌi na chiñu naꞌnu xiꞌin na chee xáꞌnda chiñu ñuu ivi yóꞌó án chiñu naꞌnu ya chee xáꞌnda chiñu nuu ndivi tiempo vitin xiꞌin tiempo ya vaxi.

Efesios 1:3

Ta saa ná xaa kaꞌnu ni yo Ndioxi ra kúu Iva Tata yo Jesucristo, chi ta̱xi ni ra ndiꞌi ya vaꞌa íyo nuu ndivi ndaꞌa yo tixin Jesucristo.

Efesios 2:2

Saa ndi̱xiyo ndo yachi, i̱kan ni ndo ya väꞌa xaꞌa ya xi̱ndikun ndo ichí taꞌan ya ndíkun na ñuu ivi yóꞌó, ta xa̱a súvi ndo ya ndi̱kaꞌan kiti nǎꞌa, kiti xáꞌnda chiñu nuu ndiꞌi tachi nduvaꞌa xiꞌin ndo, ta nda vitin ta xáꞌnda chiñu yaa va ri nuu naꞌa, na köo xíin kuni soꞌo ya káꞌan Ndioxi.

Efesios 3:10

Xaꞌa ya i̱kan Ndioxi soꞌva kua kúni ra ná kuni ndiꞌi na tatun ra, na naꞌnu xáa chiñu nuu ra xiꞌin ndiꞌi ndee tachi nduvaꞌa ya xáa chiñu maꞌñu ndivi ni̱nù. Ta xaꞌa ya i̱kan ra soꞌva xiꞌin na veꞌe ñuꞌu kua kúni ra ná kundaa ini ndiꞌi ndee yóꞌó, ya iindaa mituꞌun mií Ndioxi ku ra ndee ni ndixa ndíchi nuu ndiꞌi ni kúu ñaꞌa.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.

Colosenses 2:15

Ta xaꞌa ya ndi̱xiꞌi Tata yo Jesucristo nuu cruzin kua ku̱chiñu ra si̱ndiꞌi xaꞌa ra ndiꞌi nuu ndee ya xáꞌnda chiñu ñuu ivi yóꞌó. Ta nuu ndiꞌi ni kúu naꞌa ki̱ndaa ra ndee ikán ndaꞌa ndiꞌi tachi nduvaꞌa. Tá ndóꞌo naꞌa tá kuaꞌan na veꞌe kàà, núꞌni na kuaꞌan na xiꞌin ya nduxa. Ta saa i̱kan ra xiꞌin ndiꞌi ndee ikán, si̱ndiꞌi xaꞌa ndiꞌi ra ya.

2 Timoteo 2:5

Ta saa tu íyo iin taa ra kuaꞌan ku̱nu, ra kéꞌe taꞌan xiꞌin inka ra, ta xíniñuꞌu ra ikán xaa súvi ra ndiꞌi chiñu ya táꞌnda nuu ndiꞌi naꞌa, na xínu, saa vaꞌa kuchiñu ra xinu koo ra niꞌi ra ñaꞌa ya taxi na ndaꞌa ra.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.

HEBREOS 12:4

Chi ndóꞌo̱, vani ndee ni kánitaꞌan ndo xiꞌin tindoꞌo ya vaxi nuu ndo, sundi nda iin ndo täꞌan kuvi xaꞌa ya kánitaꞌan ndo xiꞌin ya väꞌa, köo ndóꞌo ndo tá kuꞌva ndo̱ꞌo mií Tata yo Jesucristo ndi̱xiꞌi ra xaꞌa yo.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.