Efesios 6:1 - Xochapa Mixteco

¹ Ndóꞌo̱ na vali, xaa súvi ndo chiñu ya xáꞌnda chiñu iva siꞌí ndo nuu ndo. Ikan ndo saa chi ya ñaa kua vaꞌa ni nuu mií Tata yo Jesucristo.

Efesios 6:1 Mawu Ofanana

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

ROMANOS 12:2

Ta köo ndo tá kuꞌva íyo na ñuu ivi yóꞌó, vaꞌa ka nditaxi ndiꞌi ndo mií ndo ndaꞌa ra ná ndinama ra ya xínituni ndo. Ná nduxaa kuꞌva ndíkani ini ndo. Saa kuchiñu ndo kundaa ini ndo, ta xaa súvi ndo ya kúni mií ra, ta saa kua ikan ndo ya vaꞌa, ya ndaa, ya xáa sini ndo ini ra.

ROMANOS 16:2

Ndikiꞌin vaꞌa ni ndo yá, ikan ndo ya xaꞌa Tata yo. Tá kuꞌva vívií ndíkiꞌin ndo ndiꞌi naꞌa, na xáa chiñu nuu Tata yo, saa ndikiꞌin vií ndo yá. Chindee taꞌan ni ndo xiꞌin yá, saa chi kuaꞌa ni naꞌa chíndee taꞌan yá xiꞌin, nda ni mií i ta chi̱ndee taꞌan ni yá xiꞌin i.

ROMANOS 7:12

Ta ley Ndioxi ya ta̱a ra Moisés ku ya i̱í ni, ta ndiꞌi ya xáꞌnda chiñu ra ku tuꞌun ya ií ni, vaꞌa ni ya, ndaa ni ya.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

1 Timoteo 5:4

Tá tu íyo ná kuâá ndi̱xiꞌi ndaa, ta íyo seꞌe ná án seꞌe ñani ná, ta na veꞌe ná ikán ku na xíniñuꞌu kundaa ñaꞌa, saa xáa kaꞌnu na Ndioxi xaꞌa ya íkan na saa. Ta saa kua xáa súvi na tá kuꞌva i̱kan iva siꞌí na xiꞌin na, tá íkan na saa ta xáa sií ni na ini Ndioxi.

1 Pedro 2:13

Xaꞌa ya ndíkun ndo Tata yo Jesucristo, ta xaa toꞌo ndo ndiꞌi na chiñu, ni nda rey ku nda án ndá ka na kúu mií chiñu ndee ni nuu ndo ku na, ta xaa toꞌo ndo ndiꞌi na.