Efesios 5:9 - Xochapa Mixteco

⁹ Ta xaꞌa ya íyo Tachi I̱í Ndioxi xiꞌin ndo kua ndu̱u ndo naꞌa, na vaꞌa ni, na köo ka kuachi kúu mií nuu ra, na ndee ni íyo ya ndaa ini.

Efesios 5:9 Mawu Ofanana

San Mateo 3:8

Xiꞌna xíniñuꞌu ndo ndiko koo ini ndo xaꞌa kuachi ndo, ta saa sinaꞌa ndo mií ndo ya ndixa kua ndi̱nama ini ndo xaꞌa ya väꞌa íkan ndo.

San Juan 1:47

Tá xi̱ni Jesús kúyati ra Natanael xaa ra nuu ra, ta saa ndi̱kaꞌan ra xaꞌa ra, káchi ra saa: ―¡Ra vaxi yóꞌo̱ ta mií ra ñuu Israel, ra ndaa ni ini ku ra, ta ni köo ya síki íyo ini ra! ―káchi Jesús xaꞌa ra.

ROMANOS 15:14

Ñani yo xiꞌin kuꞌva yo, xíni i ya ndee ni vaꞌa ini ndo, ta xa xíni ni ndo ya ndaa, yakan vaꞌa ni táxi ndo nuu taꞌan ndo.

ROMANOS 2:4

Xa kúndaa ini ndo, ya vaꞌa ni Ndioxi xiꞌin ndo, ta íyo ni ra ya kaꞌnu ini xiꞌin ndo xaꞌa ya väꞌa íkan ndo. Xaꞌa ya vaꞌa ni ini Ndioxi, ta ¿án ndiꞌi saa ichí kundee ini ra kuni ra ya väꞌa íkan ndo, káꞌán ndo? ¿án köo kúndaa ini ndo ya kúni Ndioxi sindikoo ndo ya väꞌa íkan ndo, ta ndikundikun ndo ichí ra? Xaꞌa ya ndátun ra ndiko koo ndo ichí ra, yakan íkan ni ra ya vaꞌa xiꞌin ndo.

Efesios 4:15

Vaꞌa ka ná kuxuxa ini yo xaꞌa ndiꞌi ni kúu kuꞌva ya ndíkani ini yo, ta saa nduu yo tá káa mií Cristo, ná sinaꞌa taꞌan yo xiꞌin ya ndaa xaꞌa ya kúꞌvi ini yo xínitaꞌan yo. Chi mií Tata yo Cristo ku ra ku xi̱ní, ra xáꞌnda chiñu nuu yo veꞌe ñuꞌu.

Efesios 4:25

Xaꞌa ya ñaa kua ndïtuꞌun ka ndo tuꞌun vata. Vaꞌa ndi̱tuꞌun ndo nina ya ndaa xiꞌin taꞌan ndo, saa chi ndiꞌi yo kándixa ra, ta tá káa ikin kuñu mií ra saa íin ndiꞌi yo.

Efesios 6:14

Yakan tuun ni kundikun ndo ichí Ndioxi, ikan ndo tá kuꞌva íkan nda lapa ndíkaa tuun ñií toko nda nuu ndíkaa i̱chi nda, ta kuꞌva saa xíniñuꞌu ndo koo ndúvi ndo xiꞌin ya ndaa. Saa tu tá kuꞌva ndáa nda lapa kándika nda xiꞌin kàà ya ndási kándika nda, ta kuꞌva saa xíniñuꞌu ndo koo ndo xiꞌin ya vaꞌa, ya ndaa, ya ná sïtikueꞌe kiti nǎꞌa ndóꞌo̱.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

Colosenses 3:18

Ndóꞌo̱, ná síꞌi, ná íyo ií, xaa ni̱nu̱ ndo mií ndo ya kandixa ndo ya káꞌan i̱í ndo, chi kuꞌva saa xíniñuꞌu ndo ikan ndo xaꞌa ya ndíkun ndo Tata yo Jesucristo.

1 Timoteo 6:11

Sundi yóꞌo̱, ñani yo Timoteo, ta ïkan un saa, vaꞌa kuxika un nuu ya ñaa chi ra xáa chiñu nuu Ndioxi kúu un, ta xaꞌa ni un ndee ya ikan un ndisaa ya vaꞌa, ya ndaa kúni Ndioxi saa kundaa ni ini un kuni un ra, ta kuꞌvi ni ini un kuni un naꞌa, ta xaꞌa ndee ini un xiꞌin ndiꞌi ndá ka tindoꞌo ya vaxi nuu un, vií koo un xiꞌin ndiꞌi na.

HEBREOS 1:8

Sundi xaꞌa Seꞌe ra, káchi ra saa: Yóꞌo̱ ku Ndioxi ta ndiꞌi saa ichí kaꞌnda chiñu un nuu na ñuu ivi yóꞌó, nda iin ichí ndïꞌi xaꞌa chiñu ya kúu mií un, ta ndǎku ni kaꞌnda chiñu un.

HEBREOS 11:33

Xaꞌa ya xi̱ndaa ni ini na ikán Ndioxi yakan kua vaꞌa ku̱chiñu na nuu inka na ñuu, tá ndi̱xaꞌan na nuu kuachi ka̱ni taꞌan na. Ta sava ka na vaꞌa ni xaa nani na kuachi xiꞌin inka naꞌa. Ta sava na ikán ndi̱kiꞌin na ya ki̱ndoo Ndioxi taxi ra ndaꞌa na. Ta sava na ku̱chiñu na ndi̱kasi na yuꞌu kiti lión, köo ndi̱kuchiñu ri tiin ri na.

1 Juan 2:29

Xa xíni yo Tata yo Jesucristo ku ra vaꞌa ni, ra ndaa ni ini, yakan ndiꞌi naꞌa, na íkan ya ndaa, ta na ñaa ku na kúu seꞌe Ndioxi.

3 Juan 1:11

Ñani yo, kündikun un ichí na íkan ya väꞌa, ichí na íkan ya vaꞌa kundikun un. Saa chi na íkan ya vaꞌa ta na ñaa ku seꞌe Ndioxi, ta na íkan ya väꞌa ta täꞌan kuni na Ndioxi.