Efesios 5:7 - Xochapa Mixteco

⁷ Yakan köo yuꞌu ndo xiꞌin na ñaa xaꞌa ya káꞌan na xiꞌin ndo.

Efesios 5:7 Mawu Ofanana

2 Corintios 6:14

Ndóꞌo̱, na veꞌe ñuꞌu, ta kätun ndo mií ndo xiꞌin naꞌa, na köo kándixa Ndioxi, chi tá ná ikan ndo saa, ta tá káa iin sindiki kiti táꞌvi xiꞌin inka kiti va saa ndúu ndo. Chi xa xíni mií ndo chiñu vaꞌa ta köo ítaꞌan ya xiꞌin chiñu kíꞌvi ya väꞌa, ni ñu̱ꞌu̱ yéꞌe̱ ta köo ítaꞌan ya xiꞌin ya naá.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Efesios 5:11

Ta ïkan ndo ñaꞌa väꞌa taꞌan ñaꞌa ya íkan na ñaa nuu naá. Ta vaꞌa ndituꞌun ndo xiꞌin na ya ná kundaa ini na xaꞌa ñaꞌa ya väꞌa íkan na.

1 Timoteo 5:22

Saa kuenta ni koo un tá chínuu ndaꞌa un sata iin ra ñani yo ya ndíkuiso chiñu ra xiꞌin na veꞌe ñuꞌu. Saa chi tá väꞌa íkan ra, ta mií un ndíkuiso kuachi xaꞌa ya íkan ra ñaa. Yakan yóꞌo̱, ta kuenta ni koo un, kundaa ni un mií un, nina ya vaꞌa ndikani ini un ikan un.

El Apocalipsis 18:4

Saa xi̱ni soꞌo i tachi inka na nuu ndivi, káchi ya saa: ―Ndóꞌo̱ ñuu mií i, xíniñuꞌu ndo kana koo ndo ñuu väꞌa yóꞌó, ya ná ïkan ndo taꞌan ya väꞌa íkan na. Xíniñuꞌu ndo kana koo ndo ya ná ndöꞌo ndo ya ndee ni kundoꞌo mií na xaꞌa kuachi na.