Efesios 5:4 - Xochapa Mixteco

⁴ Ni käꞌan kini ndo, ni ndá ka tuꞌun ya köo ndáa yaꞌvi käꞌan ndo, ni käꞌan siki ndo xaꞌa ndá ka ñaꞌa ya kini ni káa, ni käꞌan ndo ndá ka tuꞌun ya kini. Ta ya vaꞌa ni ikan ndo kua kaꞌan ndo tuꞌun vaꞌa ya táxi ndo tixaꞌvi ndaꞌa Ndioxi.

Efesios 5:4 Mawu Ofanana

San Marcos 7:22

xiꞌin ya síkuiꞌna, tin ya kútoo ni na koo kuaꞌa ñaꞌa na, xiꞌin ndiꞌi ka ya kini íkan na ivi yóꞌó, saa tu ya síndaꞌvi na naꞌa, xiꞌin ya kútoo ni na ikan na ñaꞌa ya kúni mií na xiꞌin ikin kuñu na, xiꞌin ya kúu uni ini na, tin ya távi chiꞌña na inka naꞌa, tin ya kútai ni ini na, xiꞌin ya ndíkani ini na xaꞌa ya köo ndáa yaꞌvi inka naꞌa.

San Juan 6:23

Saa kúu ta ndi̱xaa ka barco tun ke̱e ñuu Tiberias, ndi̱xaa nu yati yuꞌu tikuii ikán, nuu ta̱xi Jesús xita vaꞌa xi̱xi na yachi, tá ta̱xi ra tixaꞌvi ndaꞌa Ndioxi,

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

2 Corintios 1:11

tá káꞌan ni ndo xiꞌin Ndioxi xaꞌa nde. Tá tu kuaꞌa ni naꞌa káꞌan xaꞌa nde xiꞌin Ndioxi, ta saa kuaꞌa ni na taxi tixaꞌvi ndaꞌa ra xaꞌa ya vaꞌa níꞌi ndeꞌe nuu ra.

2 Corintios 9:15

Ta ndixaꞌvi ni Ndioxi xaꞌa ya kúꞌvi ni ini ra xíni ra yoo, ta ni köo níꞌi yo tuꞌun kaꞌan yo xiꞌin ra ya taxi yo tixaꞌvi ndaꞌa ra xaꞌa ya vaꞌa ni íkan ra xiꞌin yo.

Efesios 1:16

ta köo ndíndoso ini i xaꞌa ndo, ndiꞌi saa ichí káꞌan ni i xiꞌin Ndioxi, ta xáku ndaꞌvi ni i nuu ra xaꞌa ndo.

Efesios 4:29

Nda iin tuꞌun väꞌa ná käna koo ka yuꞌu ndo kaꞌan ndo, ndisaa tuꞌun vaꞌa ya chíndee taꞌan ndo xiꞌin inka naꞌa, ya táxi ndo ndee ndaꞌa na xíni soꞌo ya káꞌan ndo, ndisaa ya ikán vaꞌa kaꞌan ndo.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

Colosenses 3:8

Ta vitin sindoo ndo ndiꞌi ya sáa ni ini íyo nima ndo, xiꞌin ya ndee ni kueꞌe ndo, saa tu ya ndíkani väꞌa ini ndo xaꞌa naꞌa, án ya ndee ni kini ndáꞌi ndo, xiꞌin ndiꞌi tuꞌun kini ni kána koo yuꞌu ndo káꞌan ndo.

1 Tesalonicenses 3:9

Ta ndixaꞌvi ni ndo ya íkan ndo saa, yáꞌa ni vi kúsini nde nuu Ndioxi xaꞌa ya xi̱ni soꞌo nde íkan ndo saa, ni köo níꞌi nde kuꞌva taxi nde tixaꞌvi ndaꞌa ra xaꞌa ndo.

1 Tesalonicenses 5:18

Ndiꞌi saa ichí taxi ndo tixaꞌvi ndaꞌa ra xaꞌa ndiꞌi ñaꞌa, saa chi saa kúni Ndioxi ikan ndo xaꞌa ya ndíkun ndo Jesucristo.

FILEMÓN 1:8

Ñani yo, yeꞌe, ta íyo ni va ichí i ya kaꞌnda i chiñu nuu un ya xaa súvi un ya kúni i, xaꞌa ya kúu i ra xíka káꞌan ndoso tuꞌun vaꞌa xaꞌa Tata yo Jesucristo,

HEBREOS 13:15

Ta vitin, xaꞌa ya íyo Jesucristo nima yo kua ná xaa kaꞌnu ni yo Ndioxi ndiꞌi saa kivi, chi tá íkan yo saa ta tá íin ñaꞌa ya sóko yo nuu Ndioxi saa íin ya vaꞌa kána koo yuꞌu yo káꞌan yo, yakan kua ná xaa kaꞌnu yo Iva yo Ndioxi.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.

2 Pedro 2:7

Sundi ra Lot ta ndikaku va ra i̱kan Ndioxi, iin taa ra vaꞌa ni ndi̱xiyo ra, ta ni köo ndíkundee ka ini ra xaꞌa ya väꞌa i̱kan naꞌa, na väꞌa xi̱ndoo tiempo ndi̱xiyo ra.

Judas 1:10

Ta saa íkan nda vata ñaa, nda sínaꞌa tuꞌun Ndioxi, chi ni köo íꞌvi nda káꞌan ndikuu nda xaꞌa ñaꞌa ya köo kúndaa ini nda xiꞌin. Tá íkan kiti köo ya xínituni va saa íkan nda chi síndiꞌi xaꞌa nda mií va nda.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.