Efesios 5:30 - Xochapa Mixteco

³⁰ Saa chi tá íin ñaꞌñu ikin kuñu ra, saa íin yo nuu ra.

Efesios 5:30 Mawu Ofanana

ROMANOS 12:5

Ta saa íyo ndiꞌi yo kándixa Jesucristo, ni kuaꞌa ni nuu ku yo, ni xa síin, xa síin chiñu íkan iin iin yo, sundi tá íyo ikin kuñu ra saa ndúu yo xiꞌin ra. Iin nuu ndúu ndiꞌi yo xiꞌin ra, xaꞌa ya ikán kua iin ndúu yo xiꞌin na taꞌan yo xaꞌa ra.

1 Corintios 6:15

¿Án köo kúndaa ini ndo, iin iin ñaꞌñu ikin kuñu yo ta kúu ya ikin kuñu Tata yo Jesucristo? Ta ¿án vaꞌa sikitaꞌan yo ikin kuñu Tata yo Jesucristo xiꞌin ikin kuñu iin ñaꞌa yá xíko mií nuu ndiꞌi taa? ¡Küvi ikan yo saa!

Efesios 1:23

Ta na veꞌe ñuꞌu tá káa mií ikin kuñu Cristo saa íin na. Ta mií ra ku ra táxi ndá ka ñaꞌa ya kúmani nuu na, saa síkutu ni ra ya vaꞌa íyo ya ini na xaꞌa ya íyo ra xiꞌin na.

Efesios 5:29

Saa chi nda iin naꞌa, ta köo na kúndasi nuu xíni ikin kuñu na, ya kúꞌvi ka ini na xíni va na ku ya, xáa vií na xiꞌin ya, táxi na xíxi ya, saa ndáa na ya. Ta kuꞌva saa íkan mií Cristo xiꞌin yo na veꞌe ñuꞌu, ndáa ra yoo.

Colosenses 2:19

Chi na ñaa, ta köo táxi na kaꞌnda chiñu Cristo nuu na, ra kúu xi̱ní xáꞌnda chiñu nuu ndiꞌi na veꞌe ñuꞌu, chi mií ra kú ra táxi táku ndiꞌi na, ta ikin kuñu ra ku ndiꞌi yo kándixa ñaꞌa. Tá kuꞌva íyo tuchi ya chítaꞌan ikin kuñu yo, kuꞌva saa íyo Jesucristo xiꞌin yo chíndee ra yoo ya ná kuchiñu yo ndikitaꞌan vaꞌa yo xiꞌin taꞌan yo, ta saa kuchiñu yo kuaꞌnu yo tá kuꞌva kúni mií Ndioxi.