Efesios 5:24 - Xochapa Mixteco

²⁴ Tá kuꞌva kándixa na veꞌe ñuꞌu ya káꞌan Tata yo Jesucristo xiꞌin na, kuꞌva saa xíniñuꞌu ná síꞌi kuni soꞌo ná ya káꞌan i̱í ná xiꞌin ná.

Efesios 5:24 Mawu Ofanana

San Lucas 10:17

Tá ndi̱ko koo uni xiko uxi saa nda ndi̱xaꞌan nda ndi̱kaꞌan nda tuꞌun Ndioxi xiꞌin naꞌa, ta kúsini ni nda xa̱á káꞌan nda xiꞌin Jesús, káchi nda saa: ―Tata, nda tachi nduvaꞌa xíni soꞌo tuꞌun káꞌan nde xiꞌin ya chi ndee ni ndee kúu mií un ―káchi nda xiꞌin ra.

Efesios 5:23

Saa chi taa, ií ná síꞌi ku nda ku xi̱ní xiꞌin ná, tá kuꞌva íyo Cristo xiꞌin na veꞌe ñuꞌu. Mií ra ku xi̱ní xiꞌin na ta ndáa chiñu ra xiꞌin na, ta sikaku ra na, chi ikin kuñu mií ra ku na.

Efesios 5:25

Saa ndóꞌo̱ taa, nda íyo yá síꞌi, vaꞌa kuꞌvi ni ini ndo kuni ndo yá síꞌi ndo, tá kuꞌva kúꞌvi ni ini Cristo xíni ra yoo veꞌe ñuꞌu, ta nda ndi̱taxi ra mií ra ya ndi̱xiꞌi ra xaꞌa yo.

Efesios 5:33

Xaꞌa ya ñaa kua ndiꞌi ndóꞌo̱ taa, ta xíniñuꞌu ndo kuꞌvi ni ini ndo kuni ndo yá síꞌi ndo, tá kuꞌva kúꞌvi ini ndo xíni ndo mií ndo, ta saa yá síꞌi ndo, xíniñuꞌu yá xaa toꞌo yá ndóꞌo̱.

Colosenses 3:20

Ta saa ndóꞌo̱, na vali, xaa súvi ni ndo ya káꞌan iva siꞌí ndo xiꞌin ndo, chi tá íkan ndo saa kua xáa sií ni ndo ini Tata yo Jesucristo.

Colosenses 3:22

Saa ndóꞌo̱ xáa chiñu xiꞌin ya nduxa, kundiꞌi ni ini ndo xaa súvi ndo ndiꞌi chiñu ya xáꞌnda chiñu na xitoꞌo ndo nuu ndo. Kündiꞌi ini ndo án xíto na nuu ndo án köo xíto na nuu ndo, ya ndee ni kua xíniñuꞌu ndo kundiꞌi ini ndo xaa súvi ndo chiñu xiꞌin ya ndaa, xaꞌa ya xáa toꞌo ndo Iva yo Ndioxi.

Tito 2:7

Tá kuꞌva kúni un ikan nda ñani yo, kuꞌva saa xíniñuꞌu un vívií koo un nuu na ya ná kuni na ikán na tá íkan un. Tá sínaꞌa un na ñani yo ta ndinuꞌu ni ini un sinaꞌa un na, toꞌo ndituꞌun un tuꞌun ya ndaa xiꞌin na.

Tito 2:9

Saa sinaꞌa un na ñani yo, na sa̱ta xitoꞌo na xáa chiñu xiꞌin na xiꞌin ya uꞌvi, vívií ná xaa súvi na chiñu ya xáꞌnda xitoꞌo na nuu na. Toꞌo ná ikan na chiñu na, ta ná ndïkuiin kueꞌe na yuꞌu xitoꞌo na.