Efesios 5:21 - Xochapa Mixteco

²¹ Xíniñuꞌu ndo xaa ni̱nu̱ ndo mií ndo ya chindee taꞌan ndo xiꞌin taꞌan ndo xaꞌa ya xáa toꞌo ndo Jesucristo.

Efesios 5:21 Mawu Ofanana

1 Corintios 16:16

Yakan xíkan ni i ya mani nuu ndo ya xaa súvi ni ndo ya káꞌan naꞌa, na íin tá íin na ñaa. Ta saa ikan ndo xiꞌin ndiꞌi naꞌa, na ndee ni ndee xáa chiñu nuu Tata yo.

2 Corintios 5:11

Ta xíni nde ya xíniñuꞌu ndiꞌi naꞌa xaa toꞌo na Ndioxi, xaꞌa ya ñaa kua xáꞌa ni nde ndee ya síxinu nde ini na ya ná xi̱nu ini na kundikun na ya ndaa. Chi mií Ndioxi ku ra xíni vaꞌa ndeꞌe, ta saa kúni nde ná kuni vaꞌa ndo ini nde, ndá kúꞌva ku mií ya ndaa íyo nde.

2 Corintios 7:1

Ta saa ñani mani yo, xa ndi̱kaꞌan Ndioxi xiꞌin yo ya ki̱ndoo ra xiꞌin yo, yakan ná kundaa ni yo mií yo, ná kuxika yo nuu ndá ka ñaꞌa väꞌa, ya xáa yakua ikin kuñu yo xiꞌin ya vaꞌa yo. Ná nditaxi ndiꞌi yo mií yo ndaꞌa Ndioxi, ya xaa toꞌo yo ra, saa kua nduu yo na i̱í nuu ra.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

Efesios 5:22

Saa ndóꞌo̱ ná síꞌi, ná íyo i̱í, xaa ni̱nu̱ ndo mií ndo ya kandixa ndo ya káꞌan i̱í ndo xiꞌin ndo tá kuꞌva íkan ndo xiꞌin Tata yo Jesucristo.

Efesios 5:24

Tá kuꞌva kándixa na veꞌe ñuꞌu ya káꞌan Tata yo Jesucristo xiꞌin na, kuꞌva saa xíniñuꞌu ná síꞌi kuni soꞌo ná ya káꞌan i̱í ná xiꞌin ná.

Filipenses 2:3

Ndiꞌi ya íkan ndo, ta nda iin ya chïnuu vaꞌa ndo tuꞌun ndo xiꞌin, kütai ni ini ndo xaꞌa ya íkan ndo. Ni̱nu̱ xaa ndo mií ndo. Chinuu vaꞌa ni ndo tuꞌun na taꞌan ndo, tá íin naꞌa, na ndee ni ka ndáa yaꞌvi nuu ndo, saa ikan ndo xiꞌin na.

1 Timoteo 2:11

Tá síkuaꞌa ná tuꞌun Ndioxi, ta vaꞌa táxíín ná koo ná kuni soꞌo ná, toꞌo ná kundoo ná.

1 Timoteo 3:4

Saa xíniñuꞌu nda kuniꞌi vií nda na veꞌe nda, ta vií ná sinaꞌa nda seꞌe nda ya ná xaa súvi na ya káꞌan nda, saa kua koo toꞌo na nuu ndiꞌi naꞌa.

HEBREOS 13:17

Xaa súvi ndo chiñu káꞌan na xáꞌnda chiñu nuu ndo veꞌe ñuꞌu xiꞌin ndo, saa chi na ikán, ta ndíꞌi ni ini na xaꞌa ndo, köo ndíkundee na, chi xíni na vaxi kivi ta taxi na kuenta ndaꞌa Ndioxi xaꞌa ndo. Yakan kuni soꞌo ni ndo ya káꞌan na xiꞌin ndo, ta saa kusini ni na xaa súvi na chiñu ya íkan na, chi tá ná xaa soꞌo ndo nuu na, ta ni köo ñaꞌa niꞌi vi ndo.

1 Pedro 2:13

Xaꞌa ya ndíkun ndo Tata yo Jesucristo, ta xaa toꞌo ndo ndiꞌi na chiñu, ni nda rey ku nda án ndá ka na kúu mií chiñu ndee ni nuu ndo ku na, ta xaa toꞌo ndo ndiꞌi na.

1 Pedro 2:17

Xaa toꞌo ndo ndiꞌi naꞌa, ta kuꞌvi ni ini ndo kuni ndo nda ñani yo xiꞌin ná kuꞌva yo, na ndíkun Tata yo Jesucristo. Ta xaa kaꞌnu ni ndo Ndioxi, saa xaa toꞌo ndo na chiñu naꞌnu, na kúu rey.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.