Efesios 5:11 - Xochapa Mixteco

¹¹ Ta ïkan ndo ñaꞌa väꞌa taꞌan ñaꞌa ya íkan na ñaa nuu naá. Ta vaꞌa ndituꞌun ndo xiꞌin na ya ná kundaa ini na xaꞌa ñaꞌa ya väꞌa íkan na.

Efesios 5:11 Mawu Ofanana

San Mateo 18:15

Saa ndi̱kaꞌan ka Jesús xiꞌin na, káchi ra saa: ―Tá íyo iin ra ñani un, ta íkan ra ya väꞌa xiꞌin un, ta vaꞌa kuꞌun iin mií un kaꞌan un xiꞌin ra ndá xaꞌa kua íkan ra saa xiꞌin un. Tá xi̱ni soꞌo ra ya ndi̱kaꞌan un xiꞌin ra, ta vaꞌa ni ke̱e un chi si̱xinu un ini ra ndi̱kitaꞌan vaꞌa ra xiꞌin un.

San Lucas 3:19

Ta ndi̱kaꞌan tu ra xiꞌin ra gobernador Herodes va xaꞌa ya ti̱ndaꞌa ra xiꞌin yá Herodías, yá síꞌi ñani ra, ra Felipe tin xaꞌa inka ka ñaꞌa ya väꞌa íkan ra.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

ROMANOS 13:12

Xa ñǔu ni va ku ya, ta xa kama ni va kúni tuvi. Xaꞌa ya ñaa kua ná ïkan ka yo ya väꞌa taꞌan ya íkan naꞌa, na xíka nuu naá. Ná ikan yo ya vaꞌa, ya íin tá íin naꞌa, na xíka nuu yéꞌe̱. Tá kuꞌva íyo nda lapa ndiꞌi saa kivi íyo tuꞌva nda xiꞌin ndaꞌa chiñu nda. Tá íyo nda ikán, saa xíniñuꞌu yo koo ndúvi ni yo ndiꞌi saa kivi, ya kaka ni yo nuu yéꞌe̱.

ROMANOS 16:17

Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.

ROMANOS 6:21

Ta ni köo ñaꞌa vaꞌa ndi̱niꞌi ndo xaꞌa ya i̱kan ndo saa. Ndá ya kúkaꞌan nuu ndo xiꞌin va ku ya ndi̱niꞌi ndo, chi ichí nuu ndi̱xika ndo, ta ndisaa ichí nuu ndíꞌi xaꞌa ndo xíꞌi va ndo ndi̱xiyo ya ikán.

Gálatas 6:8

Saa chi ndiꞌi naꞌa chíꞌi ya kúni ikin kuñu na, ta kuꞌva saa koo ñaꞌa ndikiꞌin na, ndikiꞌin na ya ndiꞌi xaꞌa na kuvi na. Sundi naꞌa, na chíꞌi ya kúni Tachi I̱í Ndioxi, ta niꞌi na nuu Tachi I̱í ra kutaku na ndiꞌi saa tiempo.

Efesios 4:22

Xaꞌa ya ñaa kua köo ka ndo tá kuꞌva ndi̱xiyo ndo yachi. Vaꞌa sindoo ndaꞌa ndo kuꞌva yata ya ndi̱xiyo ndo, chi ya ikán ta kúni ya sindaꞌvi ya ndóꞌo̱ ya xaa súvi ndo ya kúni mií ya.

Efesios 5:12

Chi nda kúkakaꞌan nuu yo kaꞌan yo xaꞌa ñaꞌa, ya väꞌa íkan sěꞌe na ñaa.

Efesios 5:7

Yakan köo yuꞌu ndo xiꞌin na ñaa xaꞌa ya káꞌan na xiꞌin ndo.

Colosenses 1:12

Saa taxi ndo tixaꞌvi ndaꞌa Iva yo Ndioxi xiꞌin ya kúsini ni ndo, chi táxi ra ndiꞌi ñaꞌa ya xíniñuꞌu yo ndaꞌa yo ya kuchiñu yo ndikiꞌin yo ñaꞌa ya ndi̱kaꞌan ra nditaꞌvi ra xiꞌin ndiꞌi yo ñuu ra, yo i̱í, yo xíka nuu yéꞌe̱.

1 Tesalonicenses 5:7

Chi naꞌa, na kíxi, ta ñǔu kíxi na, ta na xíꞌi ta ñǔu xíꞌi na.

2 Tesalonicenses 3:14

Tá tu ndá na íkan saa, köo xíin na xaa súvi na ya káꞌan nde xiꞌin ndo nuu tutu yóꞌó, ta kiꞌin vaꞌa ndo kuenta unku na, saa kuxika ndo nuu na ñaa, kütaꞌan ka ndo xiꞌin na ya ná kukaꞌan nuu na.

2 Tesalonicenses 3:6

Ñani yo xiꞌin kuva yo, tixin ndee Tata yo Jesucristo ya kúu mií nde kua xáꞌnda chiñu nde nuu ndo ya ná kuxika ndo nuu na ñani yo xiꞌin kuꞌva yo, na köo xíin xaa chiñu, chi ndiꞌi na íkan saa ta köo xáa súvi na ya si̱naꞌa nde ndóꞌo̱.

1 Timoteo 5:20

Tá tu ya ndixa kua íyo kuachi nda ta köo xíin nda sindoo nda ya väꞌa íkan nda, ta vaꞌa kaꞌan un xiꞌin nda nuu chútu ndiꞌi na veꞌe ñuꞌu ya ná sindikoo nda ya väꞌa íkan nda. Ta saa ku íꞌvi naꞌa ya ná ïkan na tá kuꞌva íkan nda.

1 Timoteo 5:22

Saa kuenta ni koo un tá chínuu ndaꞌa un sata iin ra ñani yo ya ndíkuiso chiñu ra xiꞌin na veꞌe ñuꞌu. Saa chi tá väꞌa íkan ra, ta mií un ndíkuiso kuachi xaꞌa ya íkan ra ñaa. Yakan yóꞌo̱, ta kuenta ni koo un, kundaa ni un mií un, nina ya vaꞌa ndikani ini un ikan un.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

2 Timoteo 3:5

Ta kaꞌan na ya káñuꞌu ni na Ndioxi, sundi kuꞌva íkan na, ta ndínaꞌa na mií na ya köo ndinuꞌu ini na ndíkun na ra. Ta yóꞌo̱, ta vaꞌa kuxika un nuu na ñaa. Kütaꞌan un xiꞌin na.

2 Timoteo 4:2

ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.

Tito 2:15

Ta ya yóꞌó kua xíniñuꞌu un sinaꞌa un na ñani yo. Ta xa íyo ichí ta̱xi Tata yo Jesucristo ndaꞌa un ya xaꞌa un ndee xiꞌin na, saa ndaꞌi un xiꞌin na tá väꞌa íkan na. Ta nda iin na ná kündasi nuu kuni yóꞌo̱.

El Apocalipsis 18:4

Saa xi̱ni soꞌo i tachi inka na nuu ndivi, káchi ya saa: ―Ndóꞌo̱ ñuu mií i, xíniñuꞌu ndo kana koo ndo ñuu väꞌa yóꞌó, ya ná ïkan ndo taꞌan ya väꞌa íkan na. Xíniñuꞌu ndo kana koo ndo ya ná ndöꞌo ndo ya ndee ni kundoꞌo mií na xaꞌa kuachi na.