Efesios 5:1 - Xochapa Mixteco

¹ Ta vitin xíniñuꞌu ndo xaa nduxa ndo ya ikan ndo ya vaꞌa, koo ndo tá kuꞌva íyo mií Ndioxi, chi ndu̱u ndo seꞌe ra, na kúꞌvi ni ini ra xíni ra.

Efesios 5:1 Mawu Ofanana

San Mateo 5:45

Ikan ndo ya vaꞌa xiꞌin na, ta saa kundaa ini naꞌa ya ndixa kúu ndo seꞌe Ndioxi, ra íyo nuu ndivi. Chi saa mií ra íkan ra ya vaꞌa xiꞌin ndiꞌi naꞌa, táxi ra ndíyeꞌe ñu̱ꞌu̱ nuu na väꞌa xiꞌin na vaꞌa, saa ni síkuun ra savi sata na vaꞌa xiꞌin na väꞌa.

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Juan 1:12

Sundi tá kúu ndiꞌi na ndíkiꞌin vaꞌa ñaꞌa, ta kándixa na kivi ra. Ta ndaꞌa na ikán kua táxi ra ichí ndúu na seꞌe Ndioxi.

Efesios 4:32

Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

Colosenses 3:12

Chi mií Ndioxi ku ra ndi̱kaxin ndóꞌo̱ xaꞌa ya kúꞌvi ni ini ra xíni ra ndóꞌo̱ ya nduu ndo na ñuu ra, na i̱í. Xaꞌa ya ñaa kua xíniñuꞌu ndo koo vií ndo xiꞌin taꞌan ndo, kundaꞌvi ini ndo kuni ndo naꞌa, saa ikan ndo ya vaꞌa xiꞌin na, xaa toꞌo taꞌan ndo, xaꞌa ndee ini ndo xiꞌin taꞌan ndo.

1 Juan 4:11

Ñani yo, tá tu soꞌva kúꞌvi ini Ndioxi xíni ra mií yo, ta saa tu yoo va xíniñuꞌu yo kuꞌvi ni ini yo kuni taꞌan yo.