Efesios 4:5 - Xochapa Mixteco

⁵ Ta iindaa va ku Tata yo Jesucristo, iindaa ku ya ndaa kándixa yo, iindaa ku tu ya chi̱chi va yo.

Efesios 4:5 Mawu Ofanana

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 2:36

Ta xaꞌa ya ñaa kua xíniñuꞌu kundaa ini ndiꞌi ndóꞌo̱ na taꞌan yo Israel chi suvi mií Jesús ra chi̱nuu ndo nuu cruzin ku ra kúu Cristo ra sikaku yoo ―káchi ra Pedro xiꞌin nda.

ROMANOS 3:30

Iin mituꞌun ku Ndioxi mií ra ndaa ni, ta iin káchi íkan ra xiꞌin naꞌa, na ndúu vaꞌa nuu ra, na köo kuachi kúu mií nuu ra, án na judío ku na, án süvi na judío ku na. Xaꞌa ya kándixa na Jesucristo kua ndúu na, naꞌa na vaꞌa nuu ra.

1 Corintios 1:13

Ta ¿án ndi̱taꞌvi taꞌan va Cristo kua? ¿Án ra Pablo va ku ra ndi̱xiꞌi nuu cruzin xaꞌa kuachi ndo kua? Ta ¿án tixin kivi ra ikán va kua chi̱chi ndo kua?

1 Corintios 1:2

Saa tíꞌvi nde tutu yóꞌó xaa ya ndaꞌa ndóꞌo̱, ñani yo, ndóo ñuu Corinto. Saa chi ndóꞌo̱ ku ndo ka̱na Ndioxi ta xa xa̱a i̱í ra ndóꞌo̱ tixin Tata yo Jesucristo. Ta iin káchi saa xa̱a i̱í tu ra ndiꞌi ka na ndóo ndiꞌi saa kúu ñuu nuu xáa kaꞌnu na kivi Tata yo Jesucristo, chi saa tu na ikán va, Tata tu na ikán va ku ra.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.

1 Corintios 12:5

Ta kuaꞌa ni ku nuu kuꞌva ya táxi Tata yo ikan iin iin yo, sundi mií ra, ta iindaa va ku ra.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

2 Corintios 11:4

Chi ndóꞌo̱ ta ya vaꞌa ndíkuiso ndo ku ndiꞌi va tuꞌun ya ndíkani inka nda taa nuu ndo, ni xa síin kua káꞌan nda xiꞌin ndo, sínaꞌa nda ndóꞌo̱. Ta saa vaꞌa ni ndíkuiso ndo inka nuu tachi, ta süvi taꞌan Tachi I̱í Ndioxi ya xa ndi̱kiꞌin ndo ku ya káꞌan nda xaꞌa xiꞌin ndo, ta saa vaꞌa ni xíni soꞌo ndo ya káꞌan nda xiꞌin ndo xaꞌa tuꞌun vaꞌa xaꞌa Jesucristo. Ta süvi taꞌan kuꞌva si̱naꞌa nde ndóꞌo̱ kua káꞌan nda xiꞌin ndo, chi xa síin va kua káꞌan nda xiꞌin ndo.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Efesios 4:13

Saa xíniñuꞌu yo ikan yo nda ná xinu koo ndiꞌi yo nduu yo iin yuꞌu xaꞌa ya kándixa yo ra tin ya kúndaa ini yo xaꞌa Tata yo Jesucristo, ra kúu Seꞌe Ndioxi. Chi yoo ta kúni yo xinu koo yo nduu yo naꞌa, na xuxa ini xiꞌin tuꞌun ra, saa xinu yo nduu yo tá kuꞌva káa mií ra.

Filipenses 2:11

Ta ndiꞌi ni kúu naꞌa ndikuni ra ta kaꞌan na xaꞌa ra, kachi na saa: “Jesucristo ku ra Chee ni xáꞌnda chiñu nuu ndiꞌi yo”, kachi na. Ta saa kua ndikunuu sukun ni ya toꞌo Iva yo Ndioxi nduu chee ni ya.

Filipenses 3:8

Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.

Tito 1:1

Yeꞌe ku ra Pablo, ta suvi mií i ku ra xáa chiñu nuu Iva yo Ndioxi, ta xíka tu i chiñu nuu Tata yo Jesucristo va. Ta yeꞌe ku ra táa tutu yóꞌó xaa ya nuu un ñani yo Tito, chi mií Iva yo Ndioxi ku ra ndi̱kaxin yeꞌe, saa xa̱ꞌnda chiñu ra nuu i ya kaka i chindee taꞌan i xiꞌin na ñuu ra, na ndi̱kaxin ra, ya ndinuꞌu ni ini na ná kundaa ini na kuni na ra. Ta saa vaꞌa ná kundaa ini na ya ndaa xaꞌa Tata yo Jesucristo, tá kuꞌva kúni mií Iva yo Ndioxi.

Tito 1:4

Ta tíꞌvi i tutu yóꞌó xaa ya ndaꞌa un ñani yo Tito. Chi yóꞌo̱, ta tá íyo seꞌe mií i saa íyo un, xaꞌa ya iin káchi ndáa ini yo xíni yo Tata yo Jesucristo, ra síkaku yoo. Ta ná ikan Iva yo Ndioxi xiꞌin Tata yo Jesucristo ya vaꞌa xiꞌin un, ná kundaꞌvi ni ini ra kuni ra yóꞌo̱, ná taxi ra koo vaꞌa ini un.

HEBREOS 13:7

Kuñuꞌu ini ndo xaꞌa naꞌa, na xi̱ndiso chiñu xiꞌin ndo, na ndi̱kaꞌan ndoso tuꞌun Ndioxi xiꞌin ndo. Koto ndo ndá kuꞌva vaꞌa ni i̱kan na tá kivi xi̱taku na ñuu ivi yóꞌó, ta ndá kuꞌva vaꞌa ni xi̱ndaa ini na xi̱ni na Ndioxi. Ta kuꞌva saa ikán ndóꞌo̱, tá i̱kan na ikán, saa ikan ndo.

HEBREOS 6:6

Xaꞌa ya íkan kua küvi ka ndiko koo tuku ini na, chi tá ná ikan tuku na saa, ta tá íin na xáꞌni tuku Seꞌe Ndioxi nuu cruzin va saa íin na, chi kúsiki ndaa na ra nuu ndiꞌi naꞌa.

Santiago 2:18

Küvi kaꞌan yo xiꞌin taꞌan yo, kachi yo: “Yóꞌo̱ ta ndee ni ndáa ini un xíni un Tata yo, ta yeꞌe ta ndee ni vaꞌa xáa súvi i chiñu vaꞌa nuu ra”, kachi yo. Ta vaꞌa sinaꞌa un ndisaa ya ndáa ni ini un xíni un ra, ta sïnaꞌa un chiñu ya xáa súvi un nuu ra. Sundi yeꞌe ta sinaꞌa i ya ndáa ni ini i xíni i ra xiꞌin chiñu ya vaꞌa ni xáa súvi i nuu ra.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.

2 Pedro 1:1

Yeꞌe, Simón Pedro ra xáa chiñu nuu Tata yo Jesucristo ku i táa tutu ya tíꞌvi i xaa ndaꞌa ndóꞌo̱ ñani yo, na xa iin káchi luvi ni kándixa ra tá kuꞌva kándixa mií nde ra. Saa chi mií Tata yo Jesucristo ra síkaku yoo, ra kúu Iva yo Ndioxi ku iin taa ra ndee ni ndaa ini.

Judas 1:20

Sundi ndóꞌo̱ ñani yo, ta iin tuun saa ná chindee taꞌan ni ndo xiꞌin taꞌan ndo ya ndinuni kundikun ndo tuꞌun i̱í ya kándixa ndo, ta kaꞌan ni ndo xiꞌin Ndioxi tá kuꞌva kúni mií Tachi I̱í Ndioxi.

Judas 1:3

Ñani mani, xa yachi vi kúni ni i taa i tutu yóꞌó xaa ya ndaꞌa ndo nuu káꞌan i xiꞌin ndo xaꞌa ya síkaku Iva yo Ndioxi yoo. Ta nda vitin vi táa i ya xaa ya nuu ndo ya ndúku ni i ya mani nuu ndo káꞌan i xiꞌin ndo, täxi ndo sindaꞌvi nda sínaꞌa ya vata ndóꞌo̱, ta xaꞌa ni ka ndo nde ya kandixa ni ndo tá kuꞌva ku̱ndaa ini na ñuu Ndioxi.