Efesios 4:32 - Xochapa Mixteco

³² Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

Efesios 4:32 Mawu Ofanana

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Marcos 11:25

Tá íyo ndo káꞌan ndo xiꞌin ra, ta xaa kaꞌnu ini ndo xaꞌa naꞌa na väꞌa kúni ndo xíni ndo, tá ndá ya väꞌa i̱kan na xiꞌin ndo, xaa kaꞌnu ini ndo xaꞌa kuachi na, ta saa xaa kaꞌnu ini Iva yo ra íyo nuu ndivi xaꞌa kuachi ndo.

San Lucas 1:78

Saa chi kúndaꞌvi ni ini Iva yo xíni ra yoo, 2 yakan ti̱ꞌvi ra seꞌe ra, ra ke̱e nuu ndivi, ta ra ikán ku ra káa tá káa nuu túvi inka kivi.

San Lucas 11:4

Saa xaa kaꞌnu ini un xaꞌa kuachi nde, saa chi saa tu ndee va xáa kaꞌnu ini nde xaꞌa kuachi na íkan ya väꞌa xiꞌin nde. Täxi un ndikava nde ndaꞌa ya väꞌa, chindee un ndeꞌe nuu ya väꞌa, kachi ndo xiꞌin ra ―káchi Jesús xiꞌin nda.

San Lucas 17:4

Vani uxa ichí íkan ra ya väꞌa xiꞌin ndo iin kivi, sundi tá tu vaxi ra uxa saa ichí nuu ndo káꞌan ra xiꞌin ndo: “Ndíko koo ini i xaa kaꞌnu ini un xaꞌa i”, káchi ra xiꞌin ndo, ta xaa kaꞌnu ini ndo xaꞌa ra ―káchi Jesús xiꞌin nda ítaꞌan xiꞌin ra.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

San Lucas 6:37

’Käꞌan ndo xaꞌa inka naꞌa ya íyo kuachi na, saa chi köo xíni ndo nima na. Täxi ndo kuachi xaꞌa na, ta ni Ndioxi täxi ra kuachi xaꞌa ndo. Xaa kaꞌnu ini ndo xaꞌa kuachi taꞌan ndo, ta saa xaa kaꞌnu ini Ndioxi xaꞌa kuachi ndo.

Los Hechos 28:2

Ta yáꞌa ni vaꞌa ndi̱kuiso na ñuu ikán ndeꞌe, saa ndi̱kaꞌmi na ñu̱ꞌu̱ ndisaa nde chi vixin ni, ta kúun síin savi.

ROMANOS 12:10

Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo ñani ndo án kuꞌva ndo na ka̱ku xiꞌin ndo. Chinuu vaꞌa ndo tuꞌun na taꞌan ndo, saa xaa toꞌo taꞌan ndo.

1 Corintios 13:4

Naꞌa, na íyo ya kúꞌvi ini táxi Ndioxi nima na, ta kaꞌnu ni va ini na, vií ni ini na, köo uní ini na, köo kútai ni ini na, ni köo xáa kaꞌnu na mií na,

2 Corintios 2:10

Vaꞌa ná kundaa ini ndo, chi tá xáa kaꞌnu ini ndo xaꞌa kuachi i̱kan ra ñaa, ta saa tu yeꞌe va, xáa kaꞌnu ini i xaꞌa ra, xaꞌa ya i̱kan ra saa xiꞌin ndóꞌo̱ na veꞌe ñuꞌu. Ta nuu Cristo kua íkan i saa, xáa kaꞌnu ini i xaꞌa ra, xaꞌa ya kúꞌvi ni ini i xíni i ndóꞌo̱.

2 Corintios 2:7

Ta vitin xíniñuꞌu ndo xaa kaꞌnu ini ndo xaꞌa ra ya ná chindee taꞌan ndo xiꞌin ra nduvaꞌa ini ra, ya ná küsuchi ni ka ini ra.

2 Corintios 6:6

Xaꞌa ya vaꞌa ni íyo nde nuu naꞌa kua sínaꞌa nde mií nde nuu na ya kúu nde taa, nda xáa chiñu nuu Ndioxi, chi íyo ni ya xínituni nde xaꞌa ya xíni nde ya ndaa, ta xáꞌa ndee ni ini nde nuu ndiꞌi ya, ni köo ndíko koo ini nde, vaꞌa ni ini nde xiꞌin naꞌa. Íkan nde saa xaꞌa ya íyo Tachi I̱í Ndioxi xiꞌin nde, ta ndinuꞌu ni ini nde kúꞌvi ini nde xíni nde na,

Efesios 5:1

Ta vitin xíniñuꞌu ndo xaa nduxa ndo ya ikan ndo ya vaꞌa, koo ndo tá kuꞌva íyo mií Ndioxi, chi ndu̱u ndo seꞌe ra, na kúꞌvi ni ini ra xíni ra.

Santiago 5:11

Ta nuu ndeꞌe ta ndee ni va vaꞌa kée nda ikán chi ndi̱xaꞌa ndee ni ini nda ya ndo̱ꞌo ni nda. Xa xi̱ni soꞌo mií ndo ndá kuꞌva ndo̱ꞌo ra Job, ndi̱xaꞌa ndee ni ini ra xiꞌin ya ndo̱ꞌo ni ra, yakan vaꞌa ni ndi̱niꞌi ra nuu Ndioxi tá sindiꞌi. Ndiꞌi ya yóꞌó sínaꞌa ya mií yo ya íyo tuꞌva Iva yo ya xaa kaꞌnu ini ra xaꞌa yo, chi kúndaꞌvi ni ini ra xíni ra yoo.

2 Pedro 1:7

Ta xíniñuꞌu ndo kuꞌvi ni ini ndo kuni ndo na taꞌan yo, na ndíkun Tata yo Jesucristo xiꞌin ndiꞌi ka naꞌa.

1 Juan 1:9

Sundi tá tu náꞌma yo kuachi yo nuu Ndioxi ta xáa kaꞌnu ini ra xaꞌa yo, ndíkata ra ndiꞌi kuachi yo, saa ndása vaꞌa ra yoo, saa chi vaꞌa ni mií ra, ndaa ni ini ra ta síxinu ndiꞌi ra ya káꞌan ra.

1 Juan 2:12

Ndóꞌo̱, na kándixa Jesucristo ta tá íin seꞌe i saa íin ndo, ta vitin táa i tutu yóꞌó xaa ya nuu ndo ya káꞌan i xiꞌin ndo. Ndioxi ta xáa kaꞌnu ini ra xaꞌa kuachi yo, xaꞌa ya i̱kan Tata yo Jesucristo xaꞌa yo.