Efesios 4:28 - Xochapa Mixteco

²⁸ Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.

Efesios 4:28 Mawu Ofanana

San Lucas 19:8

Ñaa ndi̱kundichi ra Zaqueo xa̱á ra káꞌan ra xiꞌin Tata yo Jesús káchi ra saa: ―Koto un, Tata, vitin ta iin nditaꞌvi sava i ñaꞌa kúu mií i xiꞌin na ndaꞌvi. Ta sindiko koo ndiꞌi tu i ñaꞌa tá kúu na si̱ndaꞌvi i, nda kumi ichí ka kuaꞌa nduu ya sindiko koo i ndaꞌa na ―káchi ra xiꞌin Jesús.

San Lucas 3:8

Xiꞌna ndiko koo ini ndo xaꞌa ndiꞌi kuachi ndo, ta ikan ndo ya vaꞌa xiꞌin ya ndaa, saa kixi ndo kuchi ndo, saa chi saa sinaꞌa ndo mií ndo ya ndixa kua ndi̱ko koo ini ndo kuaꞌan ndo ichí Ndioxi. Ta käꞌan tai ndo kúu ndo seꞌe sikua ra Abraham, ta kaꞌan ndo: “Xaa kaꞌnu ini Ndioxi xaꞌa kuachi nde”, kachi ndo. Saa chi Ndioxi kúu mií ra ndee ya kuchiñu ra ndisama ra yu̱ú yóꞌó nduu ya naꞌa, ta seꞌe sikua ra Abraham nduu na.

San Juan 12:6

Ta süvi ya ndixa ndíꞌi ini ra xaꞌa na ndaꞌvi kua ndi̱kaꞌan ra saa. Ndi̱kaꞌan ra saa chi ra kuiꞌna ku ra, saa chi mií ra ku ra ndíso ñaꞌa nuu kuakee xuꞌun xíniñuꞌu Jesús xiꞌin nda ítaꞌan xiꞌin ra, ta sava ichí síkuiꞌna ra ya.

San Juan 13:29

Ta sava nda ndi̱kani ini ya kuꞌun ra sata ra ñaꞌa kuniñuꞌu nda viko án ná taxi ra xuꞌun ndaꞌa na ndáꞌvi, káꞌan nda, chi mií ra ku ra ndíso ñaꞌa ñúꞌu xuꞌun.

ROMANOS 12:13

Saa koo ndúvi ndo ya chindee ndo na ndaꞌvi veꞌe ñuꞌu, na ñuu Ndioxi. Ta ndikuiso vaꞌa ndo naꞌa, na xáa veꞌe ndo, án ñuu yati vaxi na, án ñuu xika vaxi na, ta ndikuiso ndo na. Saa taxi ndo kuxi na, ta taxi ndo nuu kusun na.

1 Corintios 4:12

Ta ndee ni ndee xáa chiñu nde, ndakua kúnaa nde xiꞌin chiñu. Tá távi chiꞌña na ndeꞌe, ta chíkaa nde ya vaꞌa na. Saa tá sítixuꞌvi ni na ndeꞌe, ta xáꞌa ndee ndiꞌi ini nde xaꞌa ya íkan na xiꞌin nde.

2 Corintios 8:12

Saa chi tá ndá yo táxi ya kúu mií yo ndaꞌa Ndioxi, tá tu ndinuꞌu ni ini yo táxi yo ya, ta ndíkiꞌin vaꞌa ra ya. Chi Ndioxi ta köo ndúku ra ñaꞌa ya köo kúu mií yo nuu yo.

2 Corintios 8:2

Ta kuaꞌa ni nuu tindoꞌo ya uꞌvi ni ndi̱yaꞌa na nuu, ta saa ni kúsini ni na. Vani ndaꞌvi ni na, ta köo xíꞌnda na, ndee ni vaꞌa chi̱ndee na xiꞌin xuꞌun ya kuaꞌan ndaꞌa na ndaꞌvi, ndíkun Jesucristo ndóo ñuu Jerusalén.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

1 Timoteo 6:18

Vaꞌa kaꞌan un xiꞌin nda ñani yo, nda ndúkuika ni, ya xíniñuꞌu nda ikan ni nda ya vaꞌa. Ta ná küxiꞌnda nda, ná kusini ni nda nditaꞌvi nda ñaꞌa nda xiꞌin inka naꞌa.

Tito 3:14

Saa nda ñani yo xiꞌin ná kuꞌva yo, ná sikuaꞌá na ikan ni na ya vaꞌa, ta ná chindee taꞌan ná xiꞌin naꞌa, na kúmani ñaꞌa nuu. Ta saa kua nduu na naꞌa, na ndáa yaꞌvi ni, na xáa chiñu ni.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.