Efesios 4:19 - Xochapa Mixteco

¹⁹ Ni köo xíni ka na ya kaꞌa̱n nuu, xa ndi̱taxi ndiꞌi na mií na ndaꞌa ñaꞌa ya väꞌa, ya kaꞌa̱n ni nuu. Ta ndiꞌi saa ka ichí ndítaxi ni na mií na ndaꞌa ñaꞌa ya kini ni káa.

Efesios 4:19 Mawu Ofanana

San Marcos 7:22

xiꞌin ya síkuiꞌna, tin ya kútoo ni na koo kuaꞌa ñaꞌa na, xiꞌin ndiꞌi ka ya kini íkan na ivi yóꞌó, saa tu ya síndaꞌvi na naꞌa, xiꞌin ya kútoo ni na ikan na ñaꞌa ya kúni mií na xiꞌin ikin kuñu na, xiꞌin ya kúu uni ini na, tin ya távi chiꞌña na inka naꞌa, tin ya kútai ni ini na, xiꞌin ya ndíkani ini na xaꞌa ya köo ndáa yaꞌvi inka naꞌa.

Efesios 4:17

Ta ya yóꞌó kua káꞌan i xiꞌin ndo vitin xaꞌa ichí ya ta̱xi Cristo ndaꞌa i kua xáꞌnda chiñu i nuu ndo, káꞌan i xiꞌin ndo: ïkan ka ndo tá kuꞌva íyo naꞌa, na köo xíni Ndioxi. Saa chi na ikán ta íkan na ya väꞌa tá kuꞌva ndíkani ini mií na.

Colosenses 3:5

Ta vitin köo ka ndo tá kuꞌva ndi̱xiyo ndo yachi. Vaꞌa sindiꞌi xaꞌa ndo ya chíndaꞌa ndóꞌo̱ ikan ndo ya väꞌa, tá kúu nda taa ta küvi kiꞌvi nda xiꞌin inka ñaꞌa tá tu süvi yá síꞌi nda ku yá, ni ná síꞌi ta ná kïꞌvi ná xiꞌin inka taa tá tu süvi i̱í ná ku nda, ta saa küni ndo ikan ndo ndá ka ñaꞌa ya väꞌa, kütoo ni ndo ndikani ini ndo xaꞌa ya väꞌa, ta ni kütoo ni ndo koo kuaꞌa ni ñaꞌa ndo, chi tá íkan ndo saa, ta tá íin naꞌa, na xáa kaꞌnu ndioxi ndíi, saa íin ndo.

1 Timoteo 4:2

Ta kuni soꞌo na ya sínaꞌa naꞌa, na vata, na uvi yuꞌu, chi na vata ikán, ta ni köo xíni ka na ya kaꞌa̱n nuu, tá íin ya xa ndíi va saa ndu̱u ya xínituni na.

1 Pedro 4:3

Ta ndóꞌo̱ xa kuaꞌa ni tiempo ndi̱xika ndo tá kuꞌva xíka naꞌa, na köo kándixa Ndioxi ndóo ñuu ivi yóꞌó, ndi̱xika sií ndo xiꞌin ná síꞌi ta süvi ná síꞌi ndo ku ná, saa ná síꞌi ndi̱xika sií ná xiꞌin taa, ta süvi ií ná ku nda. Ndiꞌi nuu ya väꞌa kúni mií ndo i̱kan ndo. Ndee ni xi̱ꞌi ndo, ndakua ndi̱xini mií ndo ndi̱xika ndo, ta i̱kan ndo ya kaꞌa̱n ni nuu, ndi̱xika ndo nuu viko xa̱a kaꞌnu ndo ndioxi ya ndíi, ya köo kúu Ndioxi ndinuꞌu.

2 Pedro 2:22

Ta naꞌa, na íkan saa ta íkan na tá kuꞌva káchi na káꞌan: “Tina kiti ndúxan ta ndi̱ko koo tuku ri yáxi ri ñaꞌa ya ndu̱xan ri”, káchi na. Án tá íyo ya káꞌan na xaꞌa kiti kini, káchi na saa: “Ni vaꞌa ni ná sikuchi yo kiti kini ta kuaꞌan tuku ri chíchi ri ndaꞌi”, káchi na.

Judas 1:11

¡Ndaꞌvi ni nda! Chi kuaꞌan nda ichí taꞌan ya ndi̱xika ra Caín ra xa̱ꞌni ñani xinaꞌa. Ta saa íkan tu nda tá i̱kan ra Balán chi xíni ni nda ndá kuꞌva tava nda xuꞌun ndaꞌa naꞌa. Ta saa íkan tu nda tá kuꞌva i̱kan ra Coré xinaꞌa köo ndi̱xiin ra xaa súvi ra chiñu ya ndi̱taꞌnda nuu ra xaa súvi ra, ta saa kundoꞌo nda ñaa, síndiꞌi nda xaꞌa mií va nda.

El Apocalipsis 18:3

Ta ndiꞌi na inka ñuu, si̱kuaꞌa na ya kini ni tá kuꞌva íkan na ñuu Babilonia. Tá íin naꞌa na xíꞌi ni vinu ta síxini rá na, saa íin na ñuu ikán. Chi nduta vino rá xíꞌi ni na ku ya káꞌan xaꞌa ndiꞌi nuu ya väꞌa, ya kini ni íkan na ta kúsini ni na xiꞌin ya íkan na. Chi na ñuu Babilonia ta táa sii na inka naꞌa ya ikan na ya väꞌa íkan na. Saa ndiꞌi nda rey ñuu ivi, iin ndi̱kitaꞌan yuꞌu nda xiꞌin na íkan taꞌan ya väꞌa íkan na ñuu ivi. Saa na xíko ñaꞌa nuu na ñuu Babilonia ndu̱kuika ni na xaꞌa ya ndee ni kuaꞌa ya savi kúu mií na ñuu Babilonia, káchi tatun ikán xiꞌin i.