Efesios 4:15 - Xochapa Mixteco

¹⁵ Vaꞌa ka ná kuxuxa ini yo xaꞌa ndiꞌi ni kúu kuꞌva ya ndíkani ini yo, ta saa nduu yo tá káa mií Cristo, ná sinaꞌa taꞌan yo xiꞌin ya ndaa xaꞌa ya kúꞌvi ini yo xínitaꞌan yo. Chi mií Tata yo Cristo ku ra ku xi̱ní, ra xáꞌnda chiñu nuu yo veꞌe ñuꞌu.

Efesios 4:15 Mawu Ofanana

San Juan 1:47

Tá xi̱ni Jesús kúyati ra Natanael xaa ra nuu ra, ta saa ndi̱kaꞌan ra xaꞌa ra, káchi ra saa: ―¡Ra vaxi yóꞌo̱ ta mií ra ñuu Israel, ra ndaa ni ini ku ra, ta ni köo ya síki íyo ini ra! ―káchi Jesús xaꞌa ra.

ROMANOS 12:9

Tá kúꞌvi ni ini ndo xíni taꞌan ndo, ta ndixa ndinuꞌu ini ndo kuꞌvi ini ndo kuni taꞌan ndo. Kundasi nuu ndo kuni ndo ya väꞌa, ta chikaa ni ndo ndee ya kundikun ndo ya vaꞌa.

1 Corintios 11:3

Saa kúni i ná kundaa ini ndo, chi Cristo ku xi̱ní xiꞌin nda taa, ta nda taa ku xi̱ní xiꞌin ná síꞌi nda, ta Ndioxi ku xi̱ní xiꞌin Cristo.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

2 Corintios 8:8

Ta ya káꞌan i xiꞌin ndo kuꞌva soꞌva, ta süvi yeꞌe xáꞌnda chiñu ku i nuu ndo, káꞌan i xiꞌin ndo saa ya kúni i ná kuni ndo ndá kuꞌva íyo ndúvi inka na taꞌan yo ya chindee taꞌan na xiꞌin na taꞌan yo, na ndaꞌvi. Ta kuꞌva saa kúni i ná ikan ndo tá kuꞌva íkan na taꞌan yo ikán. Saa kua vaꞌa sinaꞌa ndo mií ndo nuu na ya ndixa kua kúꞌvi ni ini ndo xíni ndo na.

Efesios 1:22

Soꞌva i̱kan Ndioxi xiꞌin Tata yo Jesucristo, ndi̱taxi ra ndiꞌi ni kúu nuu ñaꞌa ikán ndaꞌa ra, to̱so ndiꞌi Ndioxi ya tixin xaꞌa ra, saa chi̱nuu ñaꞌa ra ya kúu ra xi̱ní xiꞌin ndiꞌi ni kúu ñaꞌa, i̱kan Ndioxi saa xiꞌin ra ya chindee taꞌan ra xiꞌin na veꞌe ñuꞌu.

Efesios 1:4

Nda yachi ka tá täꞌan xikoo xaꞌa ñuu ivi vi kua ndi̱kaxin ra yoo tixin Jesucristo ya ná nduu yo naꞌa, na i̱í, na köo nda iin kuachi ku mií nuu ra.

Efesios 2:21

Saa chi xaꞌa ya íkan mií ra xiꞌin yo kua vaꞌa ndúu yo tá káa veꞌe ya ndee ni tuun kuáꞌa, saa íin yo nuu Ndioxi chi yoo ku yo ndúu na veꞌe ñuꞌu Ndioxi ya i̱í, ta xaꞌa Tata yo Jesucristo kua ndúu yo saa.

Efesios 4:25

Xaꞌa ya ñaa kua ndïtuꞌun ka ndo tuꞌun vata. Vaꞌa ndi̱tuꞌun ndo nina ya ndaa xiꞌin taꞌan ndo, saa chi ndiꞌi yo kándixa ra, ta tá káa ikin kuñu mií ra saa íin ndiꞌi yo.

Efesios 5:23

Saa chi taa, ií ná síꞌi ku nda ku xi̱ní xiꞌin ná, tá kuꞌva íyo Cristo xiꞌin na veꞌe ñuꞌu. Mií ra ku xi̱ní xiꞌin na ta ndáa chiñu ra xiꞌin na, ta sikaku ra na, chi ikin kuñu mií ra ku na.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

1 Pedro 2:2

Koo ndo tá kuꞌva íin na vali, na sikan ka̱ku, na ndee ni káꞌun ini ta kúni ni na chichin na, kuꞌva saa xíniñuꞌu ndo nduku ni ndo nina tuꞌun ya vaꞌa, ya kúu tuꞌun Tata yo, saa kua nduu ndo na ndinuꞌu ni ndíkun ichí ra, ya kaku ndo.

2 Pedro 3:18

Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.