Efesios 4:14 - Xochapa Mixteco

¹⁴ Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.

Efesios 4:14 Mawu Ofanana

San Mateo 11:7

Saa ka̱na koo nda ikán kuaꞌan nda, ta xa̱á Jesús káꞌan ra xaꞌa ra Juan xiꞌin na ndóo ikán, káchi ra saa: ―Tá ndi̱xaꞌan ndo xi̱to ndo ra Juan iku yuyu, ¿ta unkua ndi̱kani ini ndo kuni ndo? ¿Án ndi̱kani ini ndo kuni ndo iin taa ra vita ni ini, ta iin ndíko koo mií ra tá kuꞌva ndóꞌo itun ndoo tá vaxi tachi?

San Mateo 24:11

Ta kuaꞌa ni nda profeta vata kana koo, saa sindaꞌvi ni nda naꞌa.

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

Los Hechos 23:21

Sundi kändixa un ya káꞌan na, chi yáꞌa uvi xiko ku taa nda chi̱taꞌan tuꞌun kaꞌni sěꞌe ñaꞌa nda. Ni küxi nda ta ni köꞌo nda tikuii ndakua ná kaꞌni ñaꞌa nda, che. Tá ndá nda ná sïxinu ya ta ná ndikava chiꞌña sata nda, che. Ta vitin xa íyo tuꞌva na chiñu ndátun na unkua kachi yóꞌo̱ ―káchi ra xiꞌin ra.

1 Corintios 12:2

Ta xa kúndaa ini ndo ndá kuꞌva ndi̱xiyo ndo yachi tá täꞌan kandixa ndo Tata yo Jesucristo, ta̱xi ndo xa̱ꞌnda chiñu naꞌna ndioxi ya ndíi, ya meꞌme nuu ndo.

1 Corintios 14:20

Ñani yo, vaꞌa ndikani ini ndo tá kuꞌva ndíkani ini naꞌa, na xa xuxa ini, ta ndïkani ini ndo tá kuꞌva ndíkani ini na vali xaꞌa ñaꞌa ya káꞌan i xiꞌin ndo. Ndisaa nuu ya väꞌa ná koo naá ni ini ndo tá kuꞌva naá ni nuu na vali nuu ya väꞌa, saa ná koo ndo.

1 Corintios 3:19

Saa chi ñaꞌa ya ndee ni ndíchi nuu na ñuu ivi yóꞌó, tá káa iin ya kíꞌvi saa káa ya nuu Ndioxi. Saa káꞌan tuꞌun Ndioxi ya ta̱a na xinaꞌa, káchi ya soꞌva: “Na ndíchi ni túvi na, ta xiꞌin ya ndíchi kúu mií na kua koyo na ikán Ndioxi”, káchi ya.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

Gálatas 3:1

¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo.

Efesios 6:11

Ta kuenta ni koo ndo iin kundixi níí ndo ndee táxi Ndioxi ndaꞌa ndo ya vaꞌa kuchiñu ndo nuu ndee kiti nǎꞌa, kiti kúni sindaꞌvi ndóꞌo̱.

1 Timoteo 3:6

Nda ñani yo, nda kúni kuu mií taꞌan chiñu yóꞌó, ta köo xíniñuꞌu koo nda, nda sikan xa̱á xíni tuꞌun Ndioxi, saa chi ìyo ni ndutái ini nda ta koyo nda nuu ya väꞌa, tá ndo̱ꞌo mií kiti nǎꞌa.

2 Timoteo 1:15

Xa xíni mií un ya si̱ndoo ndaꞌa ndiꞌi na taꞌan yo, na ndóo estado Asia yeꞌe, saa i̱kan ra Figelo xiꞌin ra Hermógenes xiꞌin i.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

2 Timoteo 4:3

Saa chi vaxi kivi, ta küaꞌa ka naꞌa kuni soꞌo na tuꞌun Ndioxi ya ndaa, ya kúu ichí ndaku nuu kutaku na. Ta saa xáa na kuni soꞌo na tuꞌun ya kúni mií na. Ta saa ndikundikun na kuaꞌa ni nda sínaꞌa ndisaa ya kútoo mií na kuni soꞌo na.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

Santiago 1:6

Sundi tá ndúku ndo ya nuu ra ta vaꞌa kundaa ni ini ndo ra ya taxi ra ya ndaꞌa ndo, käka uvi ini ndo, chi naꞌa, na xíka uvi ini ta íyo na tá kuꞌva kánda ni nuu nduta ñûꞌu tá xíka ni tachi ta ndá yokan síkuiko nuu rá, saa íin na.

Santiago 3:4

Ta saa tu itun barco xíka nuu tikuií, ni ndee ni naꞌnu nu ta ndee ni káni ndaa tachi sata nu, ta mií ra káva nu ta iin itun loꞌo va ku nu síkanda ra, saa kuaꞌan nu nda nuu kúni mií ra.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

1 Juan 2:26

Táa i ya yóꞌó xaa nuu ndo ya ná kiꞌin ni ndo kuenta xiꞌin naꞌa, na kúni sindaꞌvi ndóꞌo̱.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

Judas 1:12

Ta nda vata káꞌan yo xaꞌa yóꞌó ta nda síndiꞌi xaꞌa va ku nda vikó ya táva ndo nuu ndíkaꞌán ini ndo xaꞌa Tata yo Jesucristo, chi tá xáa nda nuu ndóo ndo ta ndee ni xíxi nda tin xíꞌi nda ndakua xáa ini nda, ndisaa xaꞌa mií va nda ndee ni ndíꞌi ini nda, ta ni köo xáa toꞌo nda Ndioxi. Tá íin nda paxto ndáa kiti sana nda, ta ndisaa xaꞌa mií va nda ndíꞌi ni ini nda kuxi nda, saa íin nda ñaa. Saa íin tu nda tá íyo vi̱kó ya köo savi ndíso, ya síndiꞌi xaꞌa tachi. Saa íin tu nda tá íin itun kuiꞌi xa xíniñuꞌu kuun kuiꞌi ndaꞌa, ta ni köo kuiꞌi kúun ndaꞌa nu. Tá íin itun ta̱va vaꞌa naꞌa tioꞌo saa íin nda. Xa ndi̱ꞌi vaꞌa xaꞌa nda.

El Apocalipsis 19:20

Ta Taa ra chee ni ra yóso kuai yaa xiꞌin nda lapa ítaꞌan xiꞌin ra, tíin nda kiti ìyo ni káa ikán saa tíin tu nda ra profeta vata. Ta ra ikán ku ra si̱ndaꞌvi naꞌa xaꞌa ya i̱kan ra kuaꞌa ni yatúꞌun nuu na, ta ta̱xi na ndi̱kunuu sello ra taan na, saa xa̱a kaꞌnu na naꞌna mií kiti ìyo ni káa ikán. Ta saa xi̱ni i tíin ra nda kíꞌin ra nda síkana táku ra ini xitun chee ni nuu ndee ni xíxi ñu̱ꞌu̱ xiꞌin ñu̱ꞌu̱ káꞌndi ya náni azufre.