Efesios 4:10 - Xochapa Mixteco

¹⁰ Yakan ta nu̱u̱ ra ta saa nda̱a tuku ra nda ni̱nù nuu ndee ni sukun, ya kuchiñu sikutu ndiꞌi ra ndee kúu mií ra.

Efesios 4:10 Mawu Ofanana

San Mateo 24:34

Ya ndaa káꞌan i xiꞌin ndo, naꞌa na táku xíto ya xa̱á seña yóꞌó, ta kutaku ka na nda kivi tá ná xinu ndiꞌi ya ndi̱tuꞌun i xiꞌin ndo.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Juan 1:16

Ta xaꞌa ya chútu ni ya vaꞌa ini ra ikán, ta nda yoo ndi̱niꞌi ya vaꞌa xiꞌin ra. Ndakua ndíkun taꞌan ya táxi ra ndaꞌa yo.

San Juan 19:24

Saa ndi̱kaꞌan nda lapa xiꞌin taꞌan nda, káchi nda saa: ―Ndäta yo ya, vaꞌa ka ná chikaa yo suerte sata ya, ta saa kuni yo unku yo ndoo ya ndaꞌa ―káchi nda xiꞌin taꞌan nda. Saa ku̱u nuu si̱xinu nda ya káꞌan tuꞌun Ndioxi káchi ya saa: “Ndi̱taꞌvi nda toto i, ta chi̱kaa nda suerte sata ya”, káchi tuꞌun Ndioxi. Tá kuꞌva káꞌan tuꞌun ikán saa íyo ya i̱kan nda lapa ikán xiꞌin toto Jesús.

San Juan 19:28

Jesús ta xa kúndaa ini ra, ya xa xa̱a súvi ndiꞌi ra chiñu ya ta̱xi Ndioxi ndaꞌa ra, saa ndi̱kaꞌan ra inka tuꞌun, ya xa̱a súvi ra tuꞌun Ndioxi, ya ta̱a na xinaꞌa, káchi ra saa: ―Íchi ni i tikuii ―káchi ra.

San Juan 19:36

Köo ndi̱xaꞌnu na siꞌin Jesús, ta xaꞌa ya yóꞌó kua xa̱a súvi na ya ta̱a na xaꞌa ra xinaꞌa, chi ya ta̱a na xaꞌa ra káchi ya saa: “Nda iin leke ra täꞌnu”, káchi ya.

Los Hechos 1:11

Saa xa̱á nda káꞌan nda, káchi nda saa: ―Ndóꞌo̱ na ñuu estado Galilea, ¿ndachu kua xíto ni ndo nuu ndivi ndíta ndo? Suvi Jesús, ra xi̱ni ndo nda̱a kuaꞌan nuu ndivi, suvi ra ñaa ku ra ndiko koo tuku, tá kuꞌva nda̱a ra kuaꞌan ra, saa kuu ndiko koo ra ―káchi nda ikán xiꞌin nda apóstol.

Los Hechos 1:9

Tá ndiꞌi ndi̱kaꞌan ra xiꞌin nda saa xíto ka nda nuu ra, ñaa nda̱a ra kuaꞌan ra nuu ndivi i̱kan Ndioxi. Saa nu̱u iin viko ndi̱kasi yaa ñaꞌa ya, ta köo ka ra ndi̱xini nda.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

Los Hechos 3:18

Sundi Ndioxi ta xa̱a nduvi ndiꞌi ra ya íyo nuu tuꞌun ra, ya ta̱a ndiꞌi nda ndi̱kaꞌan ndoso tuꞌun yuꞌu ra xinaꞌa, chi ya ikán káchi ya saa: “Xíniñuꞌu ndoꞌo ni Cristo, ra tiꞌvi Ndioxi kixi sikaku yoo ñuu ivi yóꞌó”, káchi ya ta̱a nda ―káchi ra Pedro xiꞌin na.

2 Corintios 12:2

Ta xa íyo uxi kumi kuiya ku ya ndi̱xaꞌan i nuu ndivi, nda nuu ndivi ya uni kua ndi̱xaꞌan i. Ta köo xíni i ndá kuꞌva kua ndi̱xaꞌan i, án xiꞌin ikin kuñu i kua ndi̱xaꞌan i, án xiꞌin nima i kua ndi̱xaꞌan i, köo xíni i, iindaa mií Ndioxi ku ra xíni.

Efesios 3:19

Saa káꞌan ni i xiꞌin Ndioxi ya ná taxi ra ya xínituni ndo ndaꞌa ndo ya ná kuchiñu ndo kundaa ini ndo chi ya kúꞌvi ni ini ra xíni ra ndóꞌo̱ ta yáꞌa ni ka ndee ya ikán nuu ndá ka ya xínituni ndo. Káꞌan ni i xiꞌin ra xaꞌa ndo ya ná xinu ndo kuni taꞌan ni ndo xiꞌin ra, saa ná sikutu ni ra ya vaꞌa ini ndo.

Colosenses 1:19

Ta kúsini ni mií Iva yo Ndioxi ta̱xi ra ndiꞌi ni kúu ñaꞌa ya kúu mií ra ndaꞌa Tata yo Jesucristo.

Colosenses 2:9

Ta iin tá kuꞌva íyo ini mií Iva yo Ndioxi iin kuꞌva ndaa saa íyo tu ikin kuñu mií Tata yo Jesucristo va.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 4:14

Jesús, ra kúu Seꞌe Ndioxi ku iin sutu ra ndee ni chee, ra ndee ni kaꞌnu nuu yo. Ta ra ikán ku ra nda̱a nuu ndivi, yakan tuun ni ná kandixa yo ra, ta ná xïkuiin yo ya ndáa ini yo ra.

HEBREOS 7:26

Jesús ku ra ku sutu chee ni ka, ra ndee ni xíniñuꞌu yo. Saa chi ra ikán ta ra i̱í ni ku ra, nda iin kuachi ni ya väꞌa köo ndi̱kan ra, ta köo íyo yuꞌu ra xiꞌin na íkan kuachi, saa nda̱a ra kuaꞌan ra nuu ndivi, ta sukun ni ka nda̱a ra kuaꞌan ra.

HEBREOS 8:1

Ta ya káꞌan i xiꞌin ndo yóꞌó kua ndee ni ndee xíniñuꞌu ndo kundaa ini ndo: Jesucristo ku ra ku sutu chee, kaꞌnu ni ra nuu yo, ta nda̱a ra ndi̱kunduꞌu ra ñaꞌñu kuáꞌá Ndioxi nuu íyo tai kaꞌnu itun toꞌo xáꞌnda chiñu ra xiꞌin Ndioxi.