Efesios 3:15 - Xochapa Mixteco

¹⁵ chi tixin mií ra kua níꞌi ndiꞌi yo ndóo ñuu ivi yóꞌó kivi yo ya ndaa, ta saa tu na ndoo nuu ndivi va.

Efesios 3:15 Mawu Ofanana

Los Hechos 11:26

Ta iin kuiya níi ndi̱xiyo nda xiꞌin na kándixa Jesús ñuu ikán. Ta kuaꞌa ni naꞌa sínaꞌa nda. Ta ñuu ikán ku nu núnu̱ú ndi̱kaꞌan naꞌa xiꞌin na kándixa Jesús nani na Cristiano.

Efesios 1:10

Ta ya ndi̱xiyo sěꞌe ikán kua kuu tá ná tindaa kivi ya sikitaꞌan ndiꞌi Ndioxi ñaꞌa ya chi̱tuni ra xaa súvi ra, ta saa kua nditaxi ndiꞌi ra ndivi xiꞌin ñuu ivi yóꞌó ndaꞌa Cristo, ya kaꞌnda chiñu ra nuu ya.

Efesios 1:21

Ta̱xi Ndioxi ichí ndaꞌa Cristo ya kaꞌnda ra chiñu nuu tá kúu ndiꞌi na chiñu naꞌnu xiꞌin na chee xáꞌnda chiñu ñuu ivi yóꞌó án chiñu naꞌnu ya chee xáꞌnda chiñu nuu ndivi tiempo vitin xiꞌin tiempo ya vaxi.

Efesios 3:14

Xaꞌa ya ñaa kua síkusiti i nuu Iva yo Ndioxi, ra kúu Iva Tata yo Jesucristo, ta káꞌan i xiꞌin ra xaꞌa ndo,

Efesios 3:16

Xíkan ni i ya mani nuu ra ya ná taxi ra Tachi I̱í ra koo ya xiꞌin ndo, saa taxi ra ndee ndaꞌa ndo ya vaꞌa nduxuxa nima ndo xiꞌin tuꞌun ra, ta vaꞌa ikan Ndioxi saa xiꞌin ndo, chi ndee ya kúu mií ra ta chee ni ya ta ni köo ndíꞌi tu xaꞌa va ya.

Colosenses 1:20

Ta tixin ya i̱kan ra nuu cruzin kua si̱kitaꞌan mani ra ndiꞌi ni kúu yo ñuu ivi yóꞌó xiꞌin mií ra tin ndiꞌi ñaꞌa ya si̱kuaꞌa ra xiꞌin ya íyo nuu ndivi tin ya íyo ñuu ivi yóꞌó. Ta tixin nií Jesucristo nduta ndi̱xita nuu cruzin tá ndi̱xiꞌi ra kua ta̱xi ra ichí ndaꞌa yo ndi̱kundoo vaꞌa yo xiꞌin Ndioxi.

El Apocalipsis 2:17

Ndiꞌi ndóꞌo̱ íyo soꞌo ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ñaꞌa ya väꞌa, xaꞌa ya köo síndikoo na ichí i, ta taxi i xita vaꞌa ya íyo sêꞌe kuxi na, xita vaꞌa yóꞌó náni ya maná ya ke̱e nuu ndivi. Saa taxi i iin yu̱ú yaa ndaꞌa iin iin na ikán, ta nuu yu̱ú ikán kunuu kivi na ya xa̱á. Ta nda iin naꞌa kündaa ini unkua ku kivi xa̱á iin iin na, iindaa mií na kundaa ini unkua ku kivi na ya xa̱á ―káchi Tata yo Jesucristo.

El Apocalipsis 3:12

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta taxi i ichí ndaꞌa na, nduu na naꞌa, na ndee ni, na xíniñuꞌu ni ini veꞌe ñuꞌu Ndioxi nuu ndivi. Tá kuꞌva ndíso ni itun ndíso xiní veꞌe, kuꞌva saa koo na ikán. Ta veꞌe ñuꞌu Ndioxi ikán koo na ndiꞌi saa kúu kivi. Ta chinuu i kivi Ndioxi, ra xáa kaꞌnu i sata iin iin na. Saa chinuu i kivi ñuu Ndioxi, ñuu Jerusalen ya xa̱á, sata iin iin na. Ta chinuu tu i kivi mií va i ya xa̱á, chinuu i ya sata iin iin na.