Efesios 3:14 - Xochapa Mixteco

¹⁴ Xaꞌa ya ñaa kua síkusiti i nuu Iva yo Ndioxi, ra kúu Iva Tata yo Jesucristo, ta káꞌan i xiꞌin ra xaꞌa ndo,

Efesios 3:14 Mawu Ofanana

San Lucas 22:41

Saa ku̱xika loꞌo ra, tá kuꞌva nuu ndíkava yu̱ú tá síkana yo ya. Ta ikán si̱kusiti ra, xa̱á ra káꞌan ra xiꞌin Ndioxi,

Los Hechos 20:36

Tá si̱ndiꞌi ra ndi̱kaꞌan ra xiꞌin na, saa si̱kusiti ra xiꞌin ndiꞌi na xikuaꞌa ikán, xa̱á ra káꞌan ra xiꞌin Ndioxi.

Los Hechos 21:5

Tá ndi̱xinu uxa kivi, ta ka̱na koo nde kuaꞌan nde. Kuaꞌan nda ná síꞌi nda xiꞌin nda, ndáka ná seꞌe vali ná kuaꞌan xiꞌin ná. Tá ndi̱xaa nde nuu yoti yuꞌu nduta ñûꞌu ikán, saa si̱kusiti ndiꞌi nde káꞌan nde xiꞌin Ndioxi.

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

Los Hechos 9:40

Ñaa xa̱ꞌnda ra Pedro chiñu ya ná kee ndiꞌi na cuarto nuu índuꞌu yá. Ta saa ka̱na koo na. Tá ke̱e ndiꞌi na, ta ñaa si̱kusiti ra xa̱á ra káꞌan ra xiꞌin Ndioxi. Saa ndi̱koto ra nuu yá, káꞌan ra xiꞌin yá, káchi ra saa: ―Nana Tabita, kuándikoo ―káchi ra xiꞌin yá. Saa ndi̱xuna nuu yá. Tá xi̱ni yá ra Pedro, ta ndi̱koo yá ndi̱kunduꞌu koo yá.

Efesios 1:3

Ta saa ná xaa kaꞌnu ni yo Ndioxi ra kúu Iva Tata yo Jesucristo, chi ta̱xi ni ra ndiꞌi ya vaꞌa íyo nuu ndivi ndaꞌa yo tixin Jesucristo.

Efesios 3:15

chi tixin mií ra kua níꞌi ndiꞌi yo ndóo ñuu ivi yóꞌó kivi yo ya ndaa, ta saa tu na ndoo nuu ndivi va.

Filipenses 2:10

Yakan kua ndiꞌi ni kúu naꞌa, tá ná kuni soꞌo na kivi ra, ta sikusiti ndiꞌi na nuu ra. Ta saa sikusiti ndiꞌi ni kúu na ndóo nuu ñuꞌú xiꞌin ya íyo nuu ndivi tin ndiꞌi ya íyo tixin ñuꞌú ni̱nu̱ nuu ra.