Efesios 3:10 - Xochapa Mixteco

¹⁰ Xaꞌa ya i̱kan Ndioxi soꞌva kua kúni ra ná kuni ndiꞌi na tatun ra, na naꞌnu xáa chiñu nuu ra xiꞌin ndiꞌi ndee tachi nduvaꞌa ya xáa chiñu maꞌñu ndivi ni̱nù. Ta xaꞌa ya i̱kan ra soꞌva xiꞌin na veꞌe ñuꞌu kua kúni ra ná kundaa ini ndiꞌi ndee yóꞌó, ya iindaa mituꞌun mií Ndioxi ku ra ndee ni ndixa ndíchi nuu ndiꞌi ni kúu ñaꞌa.

Efesios 3:10 Mawu Ofanana

ROMANOS 11:33

¡Ndíkanda ni va ini yo xaꞌa ya kuika kúu mií Ndioxi, ta saa ndee ni vi ndíchi ra, íyo ka vi ya xínituni ra. Nda iin mituꞌun naꞌa küchiñu kundaa ini ya ndikani na ndá kuꞌva xáa súvi ra chiñu ya kúni mií ra!

ROMANOS 8:38

Xíni teꞌe i, ya ndixa kua köo nda iin naꞌa, ni köo nda iin ndee ya kuchiñu xaa xíka yo nuu ya kúꞌvi ni ini Ndioxi xíni ra yoo. Ni ndee ya xáꞌni yoo, ni ya táku yo, ni ndee ya kúu mií na tatun Ndioxi, ni ndee kiti nǎꞌa, nda iin ndee yóꞌó küchiñu ya xaa xíka ya yoo nuu ya kúꞌvi ni ini Ndioxi xíni ra yoo, ni ya uꞌvi ni íyo nuu yo vitin, ni ya uꞌvi ni vaxi nuu yo,

1 Corintios 1:24

Sundi nuu naꞌa, na ka̱na Ndioxi kundikun ra, án na judío ku na, án süvi na judío ku na, ta tuꞌun yóꞌó kuu Cristo, ta ndixa ni va ndee kúu mií ya nuu na, ta saa ndíchi ni va ya chi nuu Ndioxi ke̱e ya vaxi ya, káchi na.

1 Corintios 2:7

Ndeꞌe, ta sínaꞌa nde ya ndíchi kúu mií Ndioxi, ya ndi̱xiyo sěꞌe yachi nda kivi tá xi̱koo xaꞌa ñuu ivi yóꞌó. Nda saa vi chi̱tuni Ndioxi ya ndíchi yóꞌó ya kuchiñu niꞌi ni yo ya vaꞌa xiꞌin ya.

Efesios 1:21

Ta̱xi Ndioxi ichí ndaꞌa Cristo ya kaꞌnda ra chiñu nuu tá kúu ndiꞌi na chiñu naꞌnu xiꞌin na chee xáꞌnda chiñu ñuu ivi yóꞌó án chiñu naꞌnu ya chee xáꞌnda chiñu nuu ndivi tiempo vitin xiꞌin tiempo ya vaxi.

Efesios 1:23

Ta na veꞌe ñuꞌu tá káa mií ikin kuñu Cristo saa íin na. Ta mií ra ku ra táxi ndá ka ñaꞌa ya kúmani nuu na, saa síkutu ni ra ya vaꞌa íyo ya ini na xaꞌa ya íyo ra xiꞌin na.

Efesios 1:3

Ta saa ná xaa kaꞌnu ni yo Ndioxi ra kúu Iva Tata yo Jesucristo, chi ta̱xi ni ra ndiꞌi ya vaꞌa íyo nuu ndivi ndaꞌa yo tixin Jesucristo.

Efesios 1:8

Xaꞌa ya vaꞌa ni ra xiꞌin yo kua ndi̱niꞌi ni yo ya vaꞌa yóꞌó nuu ra, xiꞌin ndiꞌi ya ndíchi tin ya xínituni yo ta̱xi ra ndaꞌa yo.

Efesios 6:12

Ta süvi xiꞌin na taꞌan mií yo kua kánitaꞌan yo, chi xiꞌin tachi nduvaꞌa ya ndee ni naꞌnu tin ndiꞌi ni kúu ya kúu mií chiñu xáꞌnda chiñu ndiꞌi ñaꞌñu xiꞌin ka inka nuu ndiꞌi ndee kiti nǎꞌa ya íyo nuu naá ñuu ivi yóꞌó tin xiꞌin ya íyo nìnu nuu sukun ni ñuu ivi yóꞌó kua kánitaꞌan yo.

Colosenses 1:16

Xiꞌin ndee mií ra kua ndi̱kuaꞌa ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Ndiꞌi ñaꞌa ya xíto yo íyo xiꞌin ya täꞌan ka kuni yo, ta mií ra ku ra si̱kuaꞌa ya. Saa si̱kuaꞌa tu ra ndiꞌi nuu tatun ya íyo nuu ndivi, xiꞌin ndiꞌi ndee naꞌnu ya xáꞌnda chiñu ndiꞌi ñaꞌñu xiꞌin ka inka nuu ndiꞌi ndee ya íyo. Ndiꞌi ya ndi̱kuaꞌa ta mií ra ku ra si̱kuaꞌa ndiꞌi ya, xaꞌa mií ra kua ndi̱kuaꞌa ndiꞌi ya.

Colosenses 2:10

Ta saa ndóꞌo̱, köo ka ñaꞌa kúmani nuu ndo, chi tá kuꞌva íyo ñaꞌa ya ndee ni chútu ndaa, kuꞌva saa íyo mií Tata yo Jesucristo xiꞌin ndo, ta mií ra ku xi̱ní xiꞌin ndiꞌi ni kúu ñaꞌa, ya xáꞌnda chiñu ñuu ivi yóꞌó án ndá ka mií ndee ya íyo.

Colosenses 2:15

Ta xaꞌa ya ndi̱xiꞌi Tata yo Jesucristo nuu cruzin kua ku̱chiñu ra si̱ndiꞌi xaꞌa ra ndiꞌi nuu ndee ya xáꞌnda chiñu ñuu ivi yóꞌó. Ta nuu ndiꞌi ni kúu naꞌa ki̱ndaa ra ndee ikán ndaꞌa ndiꞌi tachi nduvaꞌa. Tá ndóꞌo naꞌa tá kuaꞌan na veꞌe kàà, núꞌni na kuaꞌan na xiꞌin ya nduxa. Ta saa i̱kan ra xiꞌin ndiꞌi ndee ikán, si̱ndiꞌi xaꞌa ndiꞌi ra ya.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.