Efesios 2:8 - Xochapa Mixteco

⁸ Xaꞌa ya vaꞌa ni Ndioxi xiꞌin ndo kua ta̱xi ra ndi̱kaku ndo. Ta köo ndi̱kuchiñu ndo sikaku ndo mií ndo, xaꞌa ya vaꞌa ni ra xiꞌin ndo kua si̱niꞌi ra ya vaꞌa nuu ndo, si̱kaku ra ndóꞌo̱ chi ndáa ni ini ndo xíni ñaꞌa ndo.

Efesios 2:8 Mawu Ofanana

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Mateo 20:9

Saa ndi̱xaa na ndi̱kee sindiꞌi, na ndi̱kee kàà uꞌun xikuáa ta ki̱ꞌin na yaꞌvi taꞌan ya kíꞌin na xáa chiñu iin nduvi ndaa.

San Marcos 16:16

Ndiꞌi na kándixa yeꞌe ta chíchi na, na ikán ku na kaku, sundi na köo xíin kandixa yeꞌe ta kuvi na niꞌi na tindoꞌo.

San Lucas 7:50

Ta saa ndi̱kaꞌan ka Jesús xiꞌin yá ikán, káchi ra saa: ―Vitin ndi̱kaku un i̱kán i chi ndáa ni ini un xíni un yeꞌe. Ta kuánuꞌu veꞌe un, käka ka ini un xaꞌa kuachi un ―káchi ra xiꞌin yá.

San Juan 3:36

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

San Juan 5:24

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

San Juan 6:35

Saa ndi̱kaꞌan Jesús xiꞌin na, káchi ra saa: ―Yeꞌe ku xita vaꞌa ya vaꞌa ni, ya táxi táku naꞌa. Ta na vaxi nuu i ta nda iin kivi küvi ka na soko, saa tu na kándixa yeꞌe ta nda iin kivi ïchi ka na tikuii.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

San Juan 6:40

Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.

San Juan 6:44

Nda iin naꞌa küvi kixi nuu i, tá tu süvi mií Iva i, ra ti̱ꞌvi yeꞌe vaxi i, ku ra ndáka na vaxi na nuu i, ta yeꞌe sitaku i na kivi sindiꞌi.

San Juan 6:65

Saa ndi̱kaꞌan ka ra xiꞌin na, káchi ra saa: ―Xaꞌa ya yóꞌó kua ndi̱kaꞌan i xiꞌin ndo, nda iin naꞌa ta küvi kixi na kundikun na yeꞌe, tá tu süvi mií Iva i ku ra ndáka na vaxi na nuu i ―káchi ra xiꞌin na.

Los Hechos 13:39

Chi ndiꞌi ñaꞌa i̱kan na tixin ley Ndioxi ta köo ndi̱kuchiñu ndasa vaꞌa ya na nuu Ndioxi, sundi vitin tá kándixa na Jesús ta saa kua ndása vaꞌa ra na nuu Ndioxi.

Los Hechos 14:27

Tá ndi̱xaa nda saa si̱kitaꞌan ndiꞌi nda na kándixa Jesús. Iin ndi̱kitaꞌan ndiꞌi na, ta saa ndi̱tuꞌun ndiꞌi nda xaꞌa ya vaꞌa ni i̱kan Ndioxi xiꞌin nda, ta ndi̱kaꞌan nda xiꞌin na ndá kuꞌva xu̱na Ndioxi ichí nuu na köo kúu judío ya kandixa na Jesús.

Los Hechos 15:11

Ta xa xíni yo süvi ya ikán kua ndi̱sikaku yoo, chi xaꞌa ya kándixa yo Tata yo Jesús va kua síkaku uun ra yoo ta saa síkaku tu ra na ikán va ―káchi ra Pedro xiꞌin na.

Los Hechos 16:14

Ta iin yá taꞌan ná ikán náni yá Lidia ke̱e yá iin ñuu vaꞌa ya chee ni Tiatira nani ya, saa kúu mií yá chiñu xíko yá toto, ta ya vaꞌa ni ku ya xíko yá, ndakua ndíꞌi tuun ya xíko yá. Ta káñuꞌu ni yá ikán Ndioxi. Saa xíni soꞌo ni yá ya káꞌan ra Pablo, ta chi̱ndee Iva yo yá xu̱na yá nima yá nuu tuꞌun ra.

Los Hechos 16:31

Saa ndi̱kuiin ra Pablo káꞌan ra: ―Xíniñuꞌu un kandixa un Tata yo Jesucristo, saa kuchiñu un kaku un, ta saa tu na veꞌe va un ―káchi ra xiꞌin ra.

ROMANOS 10:14

Ná ndikani ini yo vitin, ¿ta unkua ikan na kana na ra, kaꞌan na xiꞌin ra, ta täꞌan kundaa ini na xaꞌa ra, ni täꞌan kuni soꞌo na tuꞌun xaꞌa ra? chi köo naꞌa ndituꞌun xiꞌin na xaꞌa ra.

ROMANOS 10:17

Ta xa xíni yo, xiꞌna xíniñuꞌu naꞌa kuni soꞌo na tuꞌun xaꞌa Jesucristo, saa kuchiñu na kandixa na ra.

ROMANOS 4:16

Xaꞌa ya kándixa yo Ndioxi kua taxi ra ya vaꞌa ndaꞌa yo. Ta saa ndiꞌi na seꞌe ñani sikua ra Abraham niꞌi na ya vaꞌa, ya ki̱ndoo Ndioxi taxi ra ndaꞌa na. Vaꞌa ni Ndioxi ta xaꞌa ya ikán kua si̱niꞌi ra ñaꞌa ya ndi̱kaꞌan ra siniꞌi ra na ivi, na kándixa ñaꞌa, tá kuꞌva ka̱ndixa ra Abraham Ndioxi, án na xíni ley ya ta̱a ra Moisés ku na, án süvi na xíni ley ku na. Sundi ndiꞌi naꞌa na ndinuꞌu ni kándixa Ndioxi, na ikán ku na ndu̱u tá íyo seꞌe ra Abraham. Saa chi ra Abraham ku iva ndiꞌi naꞌa, na kándixa ni Ndioxi.

ROMANOS 4:5

Sundi Ndioxi ta ndása vaꞌa ra naꞌa na kándixa ñaꞌa. Süvi xaꞌa ñaꞌa ya vaꞌa íkan na nuu ra kua ndása vaꞌa ra na. Vani na kúu mií kuachi ku na, ta síniꞌi uun ra ya vaꞌa nuu na, saa ndása vaꞌa ra na nuu mií ra xaꞌa ya kándixa na Jesucristo.

ROMANOS 9:16

Yakan kua ná kundaa ini yo, chi süvi xaꞌa ya chíkaa ini mií naꞌa ikan na kua kúꞌvi ini ra xíni ra na, ni süvi xaꞌa ya ndíkundee ni na íkan na ndá ka ñaꞌa kua. Xaꞌa ya kúni mií Ndioxi kua íkan ra saa xiꞌin na.

Gálatas 3:14

Xaꞌa ya i̱kan Cristo saa kua vaꞌa ndi̱niꞌi ndiꞌi ni kúu naꞌa, na köo kúu judío ya vaꞌa taꞌan ya ndi̱niꞌi ra Abraham nuu Ndioxi. Ta tixin Jesucristo kua níꞌi yo ya vaꞌa xaꞌa ya ndáa ni ini yo xíni yo ra, ta saa kua ndíkiꞌin yo Tachi I̱í Ndioxi ya ndi̱kaꞌan ra taxi ra ndaꞌa yo.

Gálatas 3:22

Chi tuꞌun Ndioxi ta káꞌan ya xaꞌa yo ya íin yo tá íin naꞌa, na núꞌni ndaꞌa kuachi na, saa íin ndiꞌi ni kúu yo ndaꞌa kuachi ya xáꞌnda chiñu nuu yo. Ta ndisaa naꞌa, na kándixa Jesucristo ku na kúchiñu ndíkiꞌin ya vaꞌa, ya ndi̱kaꞌan Ndioxi niꞌi yo nuu ra.

Efesios 1:19

Ta saa kua vaꞌa kundaa ini ndo xaꞌa ndee ya chee, ya kaꞌnu ni táxi Ndioxi ndaꞌa ndiꞌi yo kándixa ñaꞌa. Ta suvi xiꞌin mií ndee Ndioxi ya chee ni kua xi̱niñuꞌu ra

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Efesios 2:5

Tá íin yo xa ndi̱xiꞌi va ndi̱xiyo yo nuu Ndioxi xaꞌa kuachi yo ya väꞌa i̱kan yo nuu ra. Vani tá íin na ndíi saa ndi̱xiyo yo ta si̱taku ra yoo kivi ndi̱kitaꞌan yo xiꞌin Jesucristo. Ndi̱xaꞌvi ni Ndioxi xaꞌa ya vaꞌa ni ra xiꞌin yo, chi ni köo ñaꞌa ndi̱kan yo ta si̱kaku uun ra yoo.

Filipenses 1:29

Ta mií Ndioxi ku ra chi̱kaa ya vaꞌa ndóꞌo̱ ya kandixa ndo Cristo xiꞌin ya ndoꞌo ni ndo xaꞌa ra.

Colosenses 2:12

Chi tá kivi chi̱chi ndo xaꞌa ya kándixa ndo Jesucristo, ta kúni kachi ya, tá íin ndo ndi̱nduxin xiꞌin ra saa íin ndo, ta ndi̱taku ndo xiꞌin ra xaꞌa ya ndáa ni ini ndo xíni ndo Ndioxi ya si̱taku ra Tata yo Jesucristo tá ndi̱xiꞌi ra.

2 Tesalonicenses 1:9

Na ikán, ta ndee ni sindoꞌo Ndioxi na, ndiꞌi saa ichí taxi ra ndoꞌo ni na, saa tava ra na kuꞌun xika na nuu ra. Täxi ra koo na xiꞌin ra nuu luvi ni káa, nuu koo ra kaꞌnda chiñu ra.

HEBREOS 6:4

Sundi naꞌa, na xa ndi̱yeꞌe tuꞌun Ndioxi nima tá yachi ta si̱ndoo na ya, na ikán ta küchiñu ka ndiko koo tuku ini na chi xa ku̱ndaa vaꞌa ini xaꞌa ya ndaa ya síndiyeꞌe nima na, ta saa ndi̱niꞌi na ya vaꞌa nuu Ndioxi, ndi̱kiꞌin na Tachi I̱í ra ndi̱xiyo ya xiꞌin na.

1 Pedro 1:5

Xaꞌa ya ndáa ni ini ndo Ndioxi kua kundaa ra ndóꞌo̱ xiꞌin ndee ra, chi saa chi̱tuni ra sikaku ra ndóꞌo̱ iin saa nda ná tindaa kivi sindiꞌi.