Efesios 2:6 - Xochapa Mixteco

⁶ Ta si̱taku Ndioxi yoo xiꞌin Jesucristo tañu na ndíi, ñaa ta̱xi ra ichí ndaꞌa yo ya ndi̱kundoo yati yo xiꞌin ra nuu íyo ra ndivi.

Efesios 2:6 Mawu Ofanana

San Mateo 26:29

Ta ndixa káꞌan i xiꞌin ndo, köꞌo ka i nduta vinu, nduta kiti uva xiꞌin ndo, nda kivi tá ná ndikitaꞌan yo nuu xáꞌnda chiñu Iva i Ndioxi. Nda saa koꞌo yo vinu xa̱á ―káchi Jesús xiꞌin nda.

San Lucas 12:37

Vaꞌa ni kee na moso na íkan saa, na köo kíxi, na ndátun ndakua xaa xitoꞌo na kani ndaꞌa ra yeꞌe, saa kuna na nuu ra ndiꞌvi ra. Saa tá ná kuni ra ndóo na ndátun ñaꞌa na, ta kusini ni ra xiꞌin na, nda xaa vií ra ñaꞌa kandita ra nuu mesa ra kuxi na.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Juan 14:3

Tá tu ná kuꞌun i xa̱a vií i nuu koo ndo saa ndiko koo i ndikuiso i ndóꞌo̱, kuꞌun ndo koo ndo xiꞌin i nuu koo i.

Efesios 1:1

Yeꞌe Pablo, ra ndi̱kaxin mií Ndioxi xáa chiñu i nuu ra ku i táa tutu yóꞌó xaa ya nuu ndiꞌi ndóꞌo̱, ndóo ñuu Éfeso, chi na i̱í, na kúu ñuu Ndioxi ku ndo ta ndinuꞌu ni ini ndo kándixa ndo Jesucristo.

Efesios 1:3

Ta saa ná xaa kaꞌnu ni yo Ndioxi ra kúu Iva Tata yo Jesucristo, chi ta̱xi ni ra ndiꞌi ya vaꞌa íyo nuu ndivi ndaꞌa yo tixin Jesucristo.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Efesios 2:13

Ta vitin xaꞌa ya xa iin yuꞌu ndu̱u ndo xiꞌin Cristo yakan köo íyo xíka ka ndo nuu Ndioxi, chi Jesucristo ku ra ndi̱xiꞌi xaꞌa ndo yakan vaꞌa ku̱yati ndo nuu Ndioxi.

Colosenses 1:18

Mií Cristo ku ra ku xi̱ní xáꞌnda chiñu xiꞌin na veꞌe ñuꞌu, tá káa ikin kuñu ra saa íin na. Ta yuꞌu mií ra kua xa̱á íyo ndiꞌi ñaꞌa, ta mií ra ku ra chi̱nduꞌu xaꞌa ndiꞌi ñaꞌa, ta suvi xiꞌna mií ra ku ra núnu̱ú ndi̱taku tañu na ndíi. Xaꞌa ya ikán kua ndee ni ndee kúu mií ra nuu ndiꞌi ni kúu ñaꞌa.