Efesios 2:20 - Xochapa Mixteco

²⁰ Ta ndóꞌo̱ kándixa Jesucristo tá káa iin veꞌe ya síkuaꞌa Ndioxi saa íin ndo. Chi tuꞌun ya sínaꞌa nda profeta ndóꞌo̱, án ya sínaꞌa nda apóstol ndóꞌo̱, ta tá iin xaꞌa veꞌe ya táva na saa íin tuꞌun ya sínaꞌa nda ndóꞌo̱. Ta tá káa iin yu̱ú ya ndíkunduꞌu tutun veꞌe ya ndee ni xíniñuꞌu, saa káa Cristo xiꞌin ndo.

Efesios 2:20 Mawu Ofanana

San Mateo 16:18

Ta yeꞌe káꞌan i xiꞌin un, vitin kunani un Pedro ta sata yu̱ú yóꞌó sikuaꞌa i veꞌe ñuꞌu i, ta nda iin kivi ndïꞌi xaꞌa ya, chi ya xáꞌni naꞌa ta küchiñu ya ndundee ka ya nuu na veꞌe ñuꞌu i.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

1 Corintios 12:28

Ta xa xíni yo mií Ndioxi ku ra to̱so yo veꞌe ñuꞌu ya xaa chiñu yo. Chiñu núnu̱ú ta̱xi ra ndaꞌa sava yo ku ya kúu yo apóstol, ta sava yo ku profeta, nda káꞌan tuꞌun yuꞌu Ndioxi, sava tu yo ku yo sínaꞌa tuꞌun Ndioxi, sava tu yo ta̱xi ra ichí ndaꞌa yo ya ikan yo yatuꞌun Ndioxi, sava yo ta̱xi ra ichí ndaꞌa yo ya sindaꞌa yo na kúꞌvi, sava tuku yo ta̱xi ra ichí ndaꞌa yo ya chindee taꞌan yo xiꞌin naꞌa, sava tuku yo ta̱xi ra ichí ndaꞌa yo ya kaꞌnda chiñu yo nuu na veꞌe ñuꞌu, sava tuku yo ta̱xi ra ichí ndaꞌa yo ya kaꞌan yo inka nuu tuꞌun ya köo ndi̱sikuaꞌa yo.

Gálatas 2:9

Ta nda ñani yo ra Jacobo xiꞌin ra Pedro tin ra Juan, nda ikán ku nda ndíso chiñu xiꞌin na veꞌe ñuꞌu ñuu Jerusalén. Saa ndi̱kuni nda ikán yeꞌe ya ta̱xi Ndioxi chiñu ndaꞌa i xáa chiñu i nuu ra, ñaa ti̱in nda ndaꞌa i xiꞌin ra Bernabé ñani yo, ya ná kuꞌun ndeꞌe xaa chiñu nde xiꞌin na köo kúu judío ta mií nda ku nda xaa chiñu xiꞌin na judío.

Efesios 3:5

Ta ya íyo sěꞌe taꞌan ya káꞌan i xaꞌa xiꞌin ndo yóꞌó yachi, ta nda iin naꞌa köo ndi̱kundaa ini xaꞌa ya, sundi vitin ta Ndioxi si̱naꞌa ra ya nuu nda i̱í, nda kúu apóstol xiꞌin nda profeta. Saa i̱kan ra si̱naꞌa ra ya nuu nda tixin Tachi I̱í ra.

Colosenses 2:7

Tá kuꞌva kúnu ni ñúꞌu tioꞌo itun án tá kuꞌva kúnu ni kuáꞌa xaꞌa veꞌe, kuꞌva saa ndee ni tuun kandixa ndo ra, xaꞌa ni ndo ndee xiꞌin taꞌan ndo, koo ndo tá kuꞌva xa ku̱ndaa ini ndo xaꞌa ya ndaa si̱naꞌa nde ndóꞌo̱, ta saa taxi ni ndo tixaꞌvi ndaꞌa ra.

1 Pedro 2:6

Saa káꞌan tuꞌun Ndioxi ya ta̱a na xinaꞌa, káchi ya saa: Koto ndo chinduꞌu i yu̱ú ya ndee ni ndáa yaꞌvi, ya luvi ni ndíkaa tutun xaꞌa veꞌe i ya kuaꞌa ñuu Sión. Ndiꞌi naꞌa, na kándixa ni taa ra káa tá káa yu̱ú ikán, ta nda iin kivi kükaꞌán nuu na, ni ndïkava ini na xiꞌin ra, káchi tuꞌun Ndioxi.

El Apocalipsis 21:14

Xaꞌa mií nama chee ni ya xinuu nduu sata mií ñuu ikán ñúꞌu uxi uvi yu̱ú ya naꞌnu ni, ta sata iin mií yu̱ú ikán ndi̱kaꞌi kivi iin iin uxi uvi saa nda apóstol nda xa̱a chiñu nuu mií ra kúu Levo ikán.