Efesios 2:17 - Xochapa Mixteco

¹⁷ Chi tá kivi ki̱xi ra ta ndi̱kaꞌan ndoso ra tuꞌun vaꞌa ya koo vaꞌa ni ini ndóꞌo̱ ndi̱xiyo xíka ni nuu ra, xiꞌin ndeꞌe ndi̱xiyo yati ni nuu ra.

Efesios 2:17 Mawu Ofanana

San Mateo 10:13

Tá ndi̱kuiso vaꞌa na veꞌe ikán ndóꞌo̱ ta kaꞌan ndo xiꞌin Ndioxi xaꞌa na ná niꞌi na ya vaꞌa nuu ra, tá tu köo ndi̱xiin na ndikuiso na ndóꞌo̱, ta ya vaꞌa niꞌi na nuu Ndioxi, ta nïꞌi ka na ya.

San Lucas 15:8

Saa xa̱á Jesús káꞌan tuku ra inka tuꞌun ndíchi xiꞌin na, káchi ra saa: ―Tá tu íyo iin yá ñaꞌa ta íyo uxi xuꞌun kàà nuu yá, ta saa ná sandañuꞌu yá iin taꞌan ya ná kachi yo, ¿án ndïkaꞌmi yá ñu̱ꞌu̱ ta xáa yá tiꞌvi yá veꞌe yá án sana keta ya xiꞌin taka kaꞌán yá?

San Lucas 2:14

¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 2:39

Chi saa íyo ya ndi̱kaꞌan Ndioxi. Ndi̱kaꞌan ra taxi ra Tachi ra koo ya xiꞌin ndo tin seꞌe ndo. Taxi tu ra ya koo ya xiꞌin ndiꞌi na íyo xíka ni va. Ndiꞌi kúu na kána Ndioxi kundikun ichí ra, taxi ra Tachi ra koo ya xiꞌin na ―káchi ra Pedro xiꞌin nda.

ROMANOS 10:14

Ná ndikani ini yo vitin, ¿ta unkua ikan na kana na ra, kaꞌan na xiꞌin ra, ta täꞌan kundaa ini na xaꞌa ra, ni täꞌan kuni soꞌo na tuꞌun xaꞌa ra? chi köo naꞌa ndituꞌun xiꞌin na xaꞌa ra.

ROMANOS 5:1

Xaꞌa ya kándixa yo Tata yo Jesucristo, ta Ndioxi ndása ra mií yo ndúu yo naꞌa, na vaꞌa, na íin tá íin naꞌa na köo ka kuachi kúu mií nuu ra, chi Tata yo Jesucristo ku ra si̱kitaꞌan mani yoo xiꞌin Ndioxi, ndi̱kundoo vaꞌa yo xiꞌin ra.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

Efesios 4:21

Saa chi ya ndixa kua xa xi̱ni soꞌo ndo tuꞌun vaꞌa xaꞌa ra, ta xa ku̱ndaa ini ndo xaꞌa ya ndaa ya kúu mií ra.