Efesios 2:16 - Xochapa Mixteco

¹⁶ Saa chi tá ndi̱xiꞌi Cristo nuu cruzin, saa kua si̱ndiꞌi xaꞌa ra ya ka̱nitaꞌan ni uvi saa yo ñuu xiꞌin taꞌan yo, ñaa ta̱xi ra ndi̱kundoo vaꞌa yo xiꞌin Ndioxi, saa nda̱sa ra uvi saa yo ñuu ikán ndu̱u yo iin nuu ikin kuñu xiꞌin mií ra.

Efesios 2:16 Mawu Ofanana

ROMANOS 5:10

Chi yachi tá íin yo ka̱nitaꞌan xiꞌin Ndioxi saa ndi̱xiyo yo, xaꞌa ya köo ndi̱xaa súvi yo ya káꞌan ra xiꞌin yo. Vani saa i̱kan yo, ta saa ni si̱kitaꞌan mani ra yoo xiꞌin mií ra, xaꞌa ya ti̱ꞌvi ra Seꞌe ra Jesucristo ki̱xi ra ndi̱xiꞌi ra xaꞌa yo. Ta ndisaa ka ví vitin sikaku ra yoo, chi xa ndi̱kitaꞌan mani yo xiꞌin ra.

ROMANOS 6:6

Saa chi tá ndi̱xiꞌi Jesucristo ndaꞌa cruzin, ta nda tá íin mií yo ndi̱xiꞌi saa ndi̱xiyo yo xiꞌin ra ndaꞌa nu. Ndaꞌa nu ikán ku nuu ndi̱ꞌi xaꞌa ya yata, ya ku̱u mií yo, ya ndee ni si̱keꞌe ini yo ikan yo ya väꞌa nuu Ndioxi.

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.

ROMANOS 8:7

Naꞌa na ndíkani ini xaꞌa ya väꞌa ya kútoo ni mií ikin kuñu na ikan ya, na ikán, ta na káni taꞌan xiꞌin Ndioxi ku na. Chi köo xíin na xaa súvi na ley ra, ta ni köo kúu mií na ndee xaa súvi na ya.

1 Corintios 10:17

Vani kuaꞌa ni ku yo ta iindaa mituꞌun ku xita vaꞌa ya xíxi ndiꞌi yo, ya yóꞌó káꞌan xaꞌa yo tá xíxi yo xita vaꞌa ta iin ndúu ndiꞌi yo xiꞌin ikin kuñu Tata yo Jesucristo.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

Efesios 2:15

Ta xaꞌa ya ndi̱xiꞌi ra nuu cruzin kua si̱ndiꞌi xaꞌa ra ley ya si̱ndikoo ra Moisés. Ni uvi ñuu ndi̱xiyo yo xiꞌin taꞌan yo, ta nda saa ku nuu nda̱sa ra yoo ndu̱u yo iin ñuu xa̱á xiꞌin ra vitin. Ikán ku nuu si̱kitaꞌan mani ra yoo xiꞌin taꞌan yo.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Efesios 4:4

Chi tá kuꞌva káa ikin kuñu mií ra saa íin ndiꞌi yo. Ta iindaa ku Tachi I̱í Ndioxi ya íyo xiꞌin yo, saa ka̱na ra yoo ya kandixa yo iindaa mituꞌun mií seꞌe ra.

Colosenses 2:14

Ta si̱ndiꞌi xaꞌa ra tutu nuu íyo ya káꞌan xaꞌa yo ya xíniñuꞌu yo kuvi yo xaꞌa kuachi yo chi köo ndi̱xaa súvi yo ley ra. Ñaa chi̱nuu ra tutu ikán nuu cruzin ta ka̱ni ra clavo sata ya nuu si̱ndiꞌi xaꞌa ndiꞌi ra ya.

Colosenses 3:15

Ta taxi ndo ná koo ya vaꞌa táxi Cristo ndaꞌa ndo ya kaꞌnda chiñu ya nima ndo, chi mií Cristo ku ra ka̱na ndóꞌo̱ ya nduu ndo iin ikin kuñu xiꞌin ra, ta taxi ni ndo tixaꞌvi ndaꞌa Ndioxi ndiꞌi saa ichí.