Efesios 1:9 - Xochapa Mixteco

⁹ Ta si̱naꞌa ra ñaꞌa nuu yo ya chi̱tuni mií ra ndi̱xiyo sěꞌe nuu ra. Ta ndee ni kúsini ra si̱naꞌa ra ya yóꞌó nuu yo tixin seꞌe ra Jesucristo, chi saa chi̱kaa ini ra ikan ra xiꞌin yo.

Efesios 1:9 Mawu Ofanana

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Lucas 12:32

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

San Lucas 2:14

¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

Los Hechos 13:48

Tá xi̱ni soꞌo na köo kuu judío tuꞌun ndi̱kaꞌan ra, ta kúsini ni na. Saa xa̱á káꞌan na ya vaꞌa xaꞌa Ndioxi. Ta na xa ndi̱kaxin Ndioxi koo xiꞌin ra ndiꞌi saa kivi ya vaxi ta ka̱ndixa na tuꞌun ra.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

Los Hechos 4:28

Nda tá íyo ya ndi̱kaꞌan un kundoꞌo Jesús, ta saa íyo ya i̱kan na xiꞌin ra, si̱xinu na ya ndi̱kaꞌan un. Chi xa saa chi̱tuni un kundoꞌo ra.

ROMANOS 11:25

Ñani yo xiꞌin kuꞌva yo, ndóꞌo̱ köo kúu judío, kúni i kaꞌan i xiꞌin ndo ya ná kundaa ini ndo xaꞌa chiñu ya íyo sěꞌe ikan Ndioxi. Yakan kua xäa xíni ni ndo mií ndo, saa chi sava mií na Israel ta ndee ni ndu̱tuun ini na, köo xíin na kandixa na Jesucristo, ta saa ikan na nda ná xinu naꞌa, na köo kúu judío, na ndi̱kaxin Ndioxi sikaku ra.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

1 Corintios 1:21

Xaꞌa ya ndíchi ni xi̱ní mií na ñuu ivi yóꞌó túvi na, yakan kua köo ndi̱xiin na kandixa na Ndioxi. Xaꞌa ya ikán kua vaꞌa ka si̱kaku Ndioxi naꞌa, na kándixa tuꞌun ya ndi̱tuꞌun nde xaꞌa Jesucristo xiꞌin na. Vani kuaꞌa ni naꞌa ndíkani ini xaꞌa tuꞌun ya ndi̱kaꞌan nde xiꞌin na, tuꞌun kíꞌvi va kua túvi na.

Gálatas 1:12

Chi süvi na ivi yóꞌó ku na ndi̱taxi ya ndaꞌa i, ta ni süvi na ivi yóꞌó ku na ndi̱sinaꞌa ya yeꞌe. Mií Tata yo Jesucristo ku ra ta̱xi ya ndaꞌa i tá ndi̱tuvi ra nuu i.

Gálatas 1:15

Sundi täꞌan ka vi kaku i, ñúꞌu ka va i tixin siꞌí i tá ndi̱kaxin Ndioxi yeꞌe, ta xaꞌa ya si̱niꞌi uun ra nuu i kúꞌvi ni ini ra xíni ra yeꞌe i̱kan ra ya mani xiꞌin i, ka̱na ra yeꞌe ya xaa chiñu i nuu ra.

Gálatas 1:16

Xaꞌa ya ikán kua tá ndi̱xinu kivi ya chi̱tuni mií Ndioxi, ta saa kua si̱tuvi ra Seꞌe ra Jesucristo nuu i, ya ta̱xi ra chiñu ndaꞌa i kuꞌun i kaꞌan ndoso i tuꞌun vaꞌa xaꞌa Jesucristo xiꞌin naꞌa, na köo kúu judío. Tá kivi ku̱u saa, ta köo ndi̱xaꞌan i ndakan tuꞌun i nda iin naꞌa, na xíni ni ya sinaꞌa na yeꞌe.

Efesios 1:11

Chi xa yachi ka vi ndi̱kaxin Ndioxi yoo tixin Seꞌe ra Jesucristo ya nduu yo seꞌe ra, ta saa niꞌi yo ndiꞌi ñaꞌa nuu ra ya chi̱tuni ra taxi ra ndaꞌa yo, saa chi mií ra ta ndee ni vaꞌa kíꞌin ra kuenta xiꞌin ñaꞌa íkan ra, ya ná kana vaꞌa ndiꞌi ya tá kuꞌva kúni mií ra.

Efesios 1:8

Xaꞌa ya vaꞌa ni ra xiꞌin yo kua ndi̱niꞌi ni yo ya vaꞌa yóꞌó nuu ra, xiꞌin ndiꞌi ya ndíchi tin ya xínituni yo ta̱xi ra ndaꞌa yo.

Efesios 3:11

Ta ya yóꞌó kua chi̱tuni Ndioxi nda kivi núnu̱ú ya xaa súvi ra ya tixin Tata yo Jesucristo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

2 Timoteo 1:9

Mií Ndioxi ku ra si̱kaku yoo, saa ka̱na ra yoo ya nduu yo na ñuu ra, na i̱í. Ta süvi xaꞌa ya vaꞌa íkan yo kua i̱kan ra saa xiꞌin yo, xaꞌa ya kúni mií va ra kua. Chi xaꞌa ya vaꞌa ni mií Tata yo Jesucristo kua i̱kan ra saa xiꞌin yo, tá täꞌan ka xa̱á ñuu ivi yóꞌó vi kua i̱kan ra saa xiꞌin yo.