Efesios 1:19 - Xochapa Mixteco

¹⁹ Ta saa kua vaꞌa kundaa ini ndo xaꞌa ndee ya chee, ya kaꞌnu ni táxi Ndioxi ndaꞌa ndiꞌi yo kándixa ñaꞌa. Ta suvi xiꞌin mií ndee Ndioxi ya chee ni kua xi̱niñuꞌu ra

Efesios 1:19 Mawu Ofanana

San Juan 3:6

Ndiꞌi na káku tá kuꞌva káku na ñuu ivi yóꞌó ta kuenta na ñuu ivi yóꞌó ku na. Ta ndiꞌi na káku tixin Tachi I̱í Ndioxi, ta kuenta Tachi I̱í Ndioxi ku na.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

2 Corintios 4:7

Tuꞌun vaꞌa xaꞌa Jesucristo ta tá káa íin ya kuika saa íin ya. Ta ndiꞌi yo kándixa tuꞌun yóꞌó tá íin kisi ñuꞌú ya ñúꞌu ya kuika ikán saa íin yo. Yakan vaꞌa xíto inka naꞌa ndee ya íyo xiꞌin yo ta nuu Ndioxi vaxi ya, süvi nuu mií yo vaxi ya.

2 Corintios 5:17

Saa chi ndiꞌi yo xa ndi̱kitaꞌan xiꞌin Cristo, ta ndu̱u yo na xa̱á i̱kan Ndioxi. Ndiꞌi kuꞌva ya väꞌa, ya yata ndi̱xiyo ini yo, ta xa ki̱ndoo ndiꞌi ya chí sata.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Efesios 3:20

Ta xiꞌin ndee mií Ndioxi ya íyo xiꞌin yo kua kuchiñu ikan ra ya chee ni xiꞌin yo, chi ndee ni ndee kúu mií ra ta yáꞌa ni ka va kuaꞌa ñaꞌa kuchiñu ra ikan ra nuu ya ndákan yo nuu ra án ya ndíkani ini yo xaꞌa.

Efesios 3:7

Ta yeꞌe, xaꞌa ya vaꞌa ni Ndioxi xiꞌin i, kúꞌvi ni ini ra xíni ra yeꞌe yakan i̱kan ra saa xiꞌin i, si̱niꞌi uun ra chiñu yóꞌó nuu i ya kaꞌan ndoso i tuꞌun vaꞌa xaꞌa ra xiꞌin naꞌa, ndá kuꞌva kua kaku na.

Efesios 6:10

Ta ya si̱ndiꞌi i káꞌan i xiꞌin ndo kua, kundaa ni ini ndo kuni ndo ndee ya chee ni kúu mií Tata yo Jesucristo. Saa kuchiñu ndo ndundee ni ini ndo xiꞌin ndee ra.

Filipenses 2:13

Saa chi Ndioxi ku ra chíkaa ya vaꞌa ini ndo ya kuni ndo ikan ndo ya vaꞌa, ta suvi ra chíndee ndóꞌo̱ ya xaa súvi ndo ya kúni mií ra.

Filipenses 3:21

Ta ndinama ra ikin kuñu yo ya vita ni kúu mií yo, saa nduu ya tá káa ikin kuñu mií ra, ya luvi ni. Ta xiꞌin ndee kúu mií ra ya xáꞌnda chiñu ra nuu ndiꞌi ñaꞌa kua ndisama ra yoo.

Colosenses 1:29

Xaꞌa ya yóꞌó kua chíkaa ni i ndee xiꞌin chiñu ya íkan i nuu Tata yo Jesucristo, chi mií ra ku ra táxi ni ndee ndaꞌa i xáa chiñu ni i nuu ra xiꞌin ndee ra ya ndee ni íyo xiꞌin i.

Colosenses 2:12

Chi tá kivi chi̱chi ndo xaꞌa ya kándixa ndo Jesucristo, ta kúni kachi ya, tá íin ndo ndi̱nduxin xiꞌin ra saa íin ndo, ta ndi̱taku ndo xiꞌin ra xaꞌa ya ndáa ni ini ndo xíni ndo Ndioxi ya si̱taku ra Tata yo Jesucristo tá ndi̱xiꞌi ra.

1 Tesalonicenses 1:5

Chi tá kivi ndi̱kaꞌan ndoso nde tuꞌun vaꞌa xaꞌa ra xiꞌin ndo, ta köo ndi̱kaꞌan nde tuꞌun mií nde xiꞌin ndo. Sundi xiꞌin ndee Tachi I̱í Ndioxi kua ndi̱kaꞌan nde xiꞌin ndo, saa ndinuꞌu ni ini nde kándixa nde ya ndaa kua ndi̱kaꞌan nde xiꞌin ndo. Ta xi̱ni mií ndo ndá kuꞌva ndi̱xiyo nde tá kivi xi̱ndoo nde xiꞌin ndo xaꞌa ya kúꞌvi ni ini nde xíni nde ndóꞌo̱.

2 Tesalonicenses 1:11

Xaꞌa ya ñaa kua káꞌan ni nde xaꞌa ndo xiꞌin Ndioxi, ndiꞌi saa tiempo ya ná chindee ra ndóꞌo̱ ya kuu ndo naꞌa, na ndee ni ndáa yaꞌvi nuu ra, ya ndi̱kaxin ra ndóꞌo̱ kundikun ndo Tata yo Jesucristo koo ndo tá kuꞌva kúni mií ra. Ta saa ná ikan ra ya vaꞌa xiꞌin ndo sixinu ra ya ndíkani ini ndo ikan ndo, saa chi ndáa ni ini ndo ra xaꞌa chiñu íkan ndo.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

1 Pedro 4:11

Ta ndóꞌo̱ ndi̱niꞌi ya vaꞌa xínituni ke̱e nuu Ndioxi ya kaꞌan ndoso ndo, ta vaꞌa kaꞌan ndoso ndo tá kuꞌva kúni mií Iva yo Ndioxi. Ta saa ndóꞌo̱ ndi̱niꞌi ya vaꞌa chindee taꞌan ndo xiꞌin inka naꞌa, ta vaꞌa chindee taꞌan ndo xiꞌin na xiꞌin ndiꞌi ndee ya ta̱xi Iva yo Ndioxi ndaꞌa ndo. Ta ndiꞌi ya íkan ndo, ta vaꞌa ikan ndo ya, ya xaa kaꞌnu ndo Ndioxi tixin Tata yo Jesucristo, ra ndee ni ndee ku mií xiꞌin ya luvi ni kúu mií ra, ta saa koo ra ndiꞌi saa kúu tiempo. Saa ná koo.