Efesios 1:13 - Xochapa Mixteco

¹³ Ta saa i̱kan tu Ndioxi xiꞌin ndóꞌo̱ va, tá xi̱ni soꞌo ndo tuꞌun vaꞌa ya ndaa, ya kúu tuꞌun vaꞌa xaꞌa Cristo nuu kuchiñu ndo kaku ndo, ta ka̱ndixa ndo ya. Saa chi̱nuu ra tuni ra ndóꞌo̱, ta ya ikán ku Tachi I̱í ra, ya xa ki̱ndoo ra taxi ra ndaꞌa ndo.

Efesios 1:13 Mawu Ofanana

San Lucas 11:13

Ndóꞌo̱ vani väꞌa ivi ku ndo, ta köo táxi ndo ñaꞌa väꞌa ndaꞌa seꞌe ndo, ñaꞌa vaꞌa táxi ndo ndaꞌa na. Ta ndisaa ka vi Iva ndo Ndioxi ra íyo nuu ndivi taxi ra ya vaꞌa ndaꞌa ndo, taxi ra Tachi ra ndaꞌa ndo, tá tu ná kaꞌan ndo xiꞌin ra nduku ndo ya nuu ra ―káchi Jesús xiꞌin nda ítaꞌan xiꞌin ra.

San Lucas 24:49

Ta vaxi kivi tiꞌvi i ya ki̱ndoo Iva i Ndioxi kixi ya ndaꞌa ndo. Yakan këe yachi ndo ñuu Jerusalén yóꞌó, nda ná ndikiꞌin ndo ndee ya kee nuu ndivi, saa kee ndo ―káchi Jesús xiꞌin na.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

San Juan 3:33

Sundi tá kúu na kándixa tuꞌun káꞌan ra, na yóꞌó ku na ndíkuiin xaꞌa Ndioxi, ya kúu ra, ra ndaa ni.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

Los Hechos 1:4

Saa ku̱u iin kiví tá íin Jesús xiꞌin nda apóstol ta ndi̱kaꞌan ni ra xiꞌin nda ya ná këe yachi nda ñuu Jerusalén, ta tuꞌun ya ndi̱kaꞌan ra xiꞌin nda ku ya yóꞌó: ―Kundatun ndo, këe yachi ndo ñuu Jerusalén yóꞌó, ndakua ná ndi̱kiꞌin ndo ya ki̱ndoo Iva i Ndioxi taxi ra ndaꞌa ndo, ta nda saa kee ndo. Tá íyo ya xa ndi̱kaꞌan i xiꞌin ndo yachi, saa koo ya.

Los Hechos 13:26

―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

ROMANOS 4:11

Ta sindiꞌi vi ndi̱kunuu tuni Ndioxi ra chi xa yachi ka vi ka̱ndixa ni ra Ndioxi. Ta xaꞌa ya ka̱ndixa ni ra yakan ndu̱u ra, ra vaꞌa nuu Ndioxi. Ta saa ndu̱u ra Abraham tá káa iva ndiꞌi ni kúu naꞌa, na ndinuꞌu ni kándixa Ndioxi, vani köo tuni Ndioxi kúu mií sava na. Ta xaꞌa ya kándixa na tá kuꞌva ka̱ndixa ra Abraham Ndioxi, xaꞌa ya ikán kua ndu̱u na, na vaꞌa, na köo ka kuachi kúu mií nuu ra.

ROMANOS 6:17

Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.

2 Corintios 1:22

Saa chi̱nuu ra tuni ra mií yo ta ya yóꞌó kúu Tachi I̱í ra ya ta̱xi ra ndaꞌa yo íyo xiꞌin yo. Ya yóꞌó kua xiꞌna ta̱xi ra ndaꞌa yo chi kúni ra ná kundaa ini yo ya ndixa kua sixinu ra ya ndi̱kaꞌan ra taxi ra ndaꞌa yo.

2 Corintios 6:7

ta ndítuꞌun nde tuꞌun ya ndaa xiꞌin na, saa íyo ni mií ndee Ndioxi xiꞌin nde. Ta saa ndee ni vií íyo nde, ta ya yóꞌó kua chíndee ndeꞌe, nda tá káa ndaꞌa chiñu ndíso nde saa káa ya yóꞌó, chi ndáa ni ya ñaꞌñu kuáꞌá nde xiꞌin ñaꞌñu itin nde.

Gálatas 3:14

Xaꞌa ya i̱kan Cristo saa kua vaꞌa ndi̱niꞌi ndiꞌi ni kúu naꞌa, na köo kúu judío ya vaꞌa taꞌan ya ndi̱niꞌi ra Abraham nuu Ndioxi. Ta tixin Jesucristo kua níꞌi yo ya vaꞌa xaꞌa ya ndáa ni ini yo xíni yo ra, ta saa kua ndíkiꞌin yo Tachi I̱í Ndioxi ya ndi̱kaꞌan ra taxi ra ndaꞌa yo.

Efesios 4:21

Saa chi ya ndixa kua xa xi̱ni soꞌo ndo tuꞌun vaꞌa xaꞌa ra, ta xa ku̱ndaa ini ndo xaꞌa ya ndaa ya kúu mií ra.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

2 Timoteo 2:15

Ta xaꞌa ni un ndee ya koo un iin taa ra vaꞌa ni íyo nuu Ndioxi, ta saa köo ya kukaꞌan nuu un kuni un ra xaꞌa ya vaꞌa ni xáa chiñu un, ta ndaa ni sínaꞌa un tuꞌun ra nuu naꞌa, saa xáa súvi un ya ndaa sínaꞌa un.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

2 Timoteo 3:15

Ta nda tá loꞌo ví un xa xíni un tuꞌun Ndioxi ya ta̱a na xinaꞌa, ta ya ikán kua kuchiñu xaa ndíchi ni yóꞌo̱. Ta ya ndíchi vaxi nuu Ndioxi kua kuniꞌi yóꞌo̱ kuꞌun un ichí nuu kaku un xaꞌa ya ndáa ni ini un xíni un Tata yo Jesucristo.

Tito 2:11

Saa chi Ndioxi ta si̱naꞌa ra yoo ya ndee ni kúꞌvi ini ra xíni ra yoo, yakan ta̱xi ra ichí ndaꞌa yo ya ná kuchiñu kaku ndiꞌi ni kúu yo ñuu ivi yóꞌó.

HEBREOS 2:3

Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

Santiago 1:21

Xaꞌa ya ñaa kua vaꞌa ka sindoo ndiꞌi ndo ya väꞌa íkan ndo, xiꞌin ya kini ni íyo ka nima ndo. Ta xíniñuꞌu ndo kaꞌnu ndo mií ndo, xaa ni̱nu̱ ndo mií ndo ya ndikiꞌin ndo tuꞌun Ndioxi ya ta̱xi ra ndaꞌa iin iin ndo íyo ya nima ndo. Chi tuꞌun ra kua kúu mií ndee ya sikaku ya ndóꞌo̱.

1 Pedro 2:10

Chi xa xíni mií ndo tá yachi ta ndaꞌvi ni ndi̱xiyo ndo, tá íyo ndo ndi̱xika ndaꞌvi saa ndi̱xiyo ndo, ta vitin ndi̱kuiso vií Ndioxi ndóꞌo̱ ndu̱u ndo na ñuu mií ra. Chi yachi ta ni köo ndïkuvi kundaꞌvi ini ra kuni ra ndóꞌo̱, ta vitin ta ndiniꞌi taꞌvi ndo nuu ra kúndaꞌvi ni ini ra xíni ra ndóꞌo̱.

El Apocalipsis 7:2

Saa xi̱ni i inka tatun Ndioxi ke̱ta ya chí nuu kétá ñu̱ꞌù, ta kúu mií ya sello Ndioxi ra táku. Saa ndi̱ndaꞌi koꞌo ya, ndee ka vi ndi̱kaꞌan ya xiꞌin kumi saa na tatun ikán, na xa íyo ichí ndaꞌa ya sitivi na ñuu ivi yóꞌó xiꞌin nduta ñûꞌu,