3 Juan 1:4 - Xochapa Mixteco

⁴ Köo ka ya xáa sii ni ini i, ya kúsini ni i ku ya yóꞌó, saa chi yóꞌo̱ ta tá káa seꞌe i saa káa un, ta vaꞌa ni xíka un ichí ya ndaa.

3 Juan 1:4 Mawu Ofanana

2 Corintios 6:13

Tá kuꞌva xáku ndaꞌvi iin ra iva siꞌí nuu seꞌe ra, saa káꞌan i xiꞌin ndo. Kuna ndo nima ndo nuu nde, tá kuꞌva íkan ndeꞌe xiꞌin ndo.

Gálatas 2:14

Tá xi̱ni i ya i̱kan nda saa, köo ndi̱kan nda tá kuꞌva káꞌan tuꞌun vaꞌa xaꞌa Tata yo Jesucristo, saa ndi̱kaꞌan i xiꞌin ra Pedro, nuu ndiꞌi nda ndi̱kaꞌan i xiꞌin ra, káchi i saa: “Yóꞌo̱, Pedro, ta ra judío ku un, ta íkan un tá kuꞌva íkan na köo kúu judío, köo íyo un tá kuꞌva íyo na judío taꞌan yo. Xaꞌa ya íkan un saa ta tá káa ra xáa nduxa xiꞌin na ya xaa súvi na kuꞌva kándixa na judío taꞌan yo, saa íkan un, väꞌa íkan un ya íkan un saa”.

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

1 Tesalonicenses 2:11

Tá íkan iin taa, ra vaꞌa ni ini xiꞌin seꞌe ra, saa i̱kan nde xiꞌin ndo, chi ndi̱kaꞌan ni nde xiꞌin ndo ya koo vií ndo xiꞌin taꞌan ndo, ta saa si̱ndiko nde ini ndo.

1 Timoteo 1:2

Chíndee ni i yóꞌo̱ ñani yo Timoteo, chi yóꞌo̱, ta tá káa seꞌe mií i, saa káa un, xaꞌa ya si̱naꞌa i yóꞌo̱ ichí xaꞌa Tata yo Jesucristo. Ta mií Tata yo Jesucristo xiꞌin mií Iva yo Ndioxi ná kundaꞌvi ni ini ra kuni ra yóꞌo̱, saa ná taxi ra koo vaꞌa ni ini un xiꞌin ya kúꞌvi ni ini ra xíni ra yóꞌo̱.

2 Timoteo 1:2

Táa i tutu yóꞌó xaa ya ndaꞌa un ñani yo Timoteo, chi yóꞌo̱, ta nda tá káa seꞌe i, ra kúꞌvi ni ini i xíni i, saa káa un. Ta mií Iva yo Ndioxi xiꞌin Tata yo Jesucristo ná kundaꞌvi ni ini kuni yóꞌo̱, saa ná chikaa ni ra ya vaꞌa yóꞌo̱, ta ná taxi ra koo vaꞌa ni ini un.

FILEMÓN 1:10

Xaꞌa ya ñaa kua xíkan ni i ya mani nuu un ñani yo Filemón, xaꞌa ra Onésimo ñani yo, chi ra ñaa ta tá íyo seꞌe mií i saa íyo ra, xaꞌa ya ndi̱kundikun ra ichí Tata yo Jesucristo ini veꞌe kàà nuu ndíkaa i yóꞌó.

1 Juan 2:1

Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.

2 Juan 1:4

Kúsini ni i ya ndi̱kitaꞌan i xiꞌin sava ndo xíka ndo ichí ya ndaa tá kuꞌva íyo ya ta̱xi Iva yo Ndioxi xa̱ꞌnda chiñu ra nuu yo, saa íyo ya íkan ndo.