3 Juan 1:11 - Xochapa Mixteco

¹¹ Ñani yo, kündikun un ichí na íkan ya väꞌa, ichí na íkan ya vaꞌa kundikun un. Saa chi na íkan ya vaꞌa ta na ñaa ku seꞌe Ndioxi, ta na íkan ya väꞌa ta täꞌan kuni na Ndioxi.

3 Juan 1:11 Mawu Ofanana

San Juan 10:27

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Juan 3:20

Chi ndiꞌi na íkan ya väꞌa ta kúndasi nuu na xíni na ya yéꞌe̱, yakan köo xíin na kuyati na nuu yéꞌe̱, chi köo kúni na ndituvi ndiꞌi ya väꞌa íkan na.

1 Corintios 11:1

Vaꞌa ikan ndo tá kuꞌva íkan yeꞌe, chi yeꞌe ta vaꞌa ni ndíkun i Tata yo Jesucristo.

1 Corintios 4:16

Xaꞌa ya ñaa kua xíkan ni i ya mani nuu ndo, ikan ndo tá kuꞌva íkan yeꞌe.

Efesios 5:1

Ta vitin xíniñuꞌu ndo xaa nduxa ndo ya ikan ndo ya vaꞌa, koo ndo tá kuꞌva íyo mií Ndioxi, chi ndu̱u ndo seꞌe ra, na kúꞌvi ni ini ra xíni ra.

Filipenses 3:17

Ñani yo xiꞌin kuꞌva yo, ikan ndo tá kuꞌva íkan yeꞌe án tá kuꞌva íkan na taꞌan yo na xáa súvi ya xa si̱naꞌa nde na.

1 Tesalonicenses 1:6

Saa ta ndi̱nama ini ndo xa̱á ndo íkan ndo tá kuꞌva i̱kan nde, chi ndeꞌe ta i̱kan nde tá kuꞌva íkan mií Tata yo Jesucristo kivi xi̱ndoo nde xiꞌin ndo. Vani ndee ni ndi̱xiyo tindoꞌo nuu ndo xaꞌa tuꞌun ra, ta saa ni ndi̱kiꞌin ndo tuꞌun ra ya ndi̱kaꞌan nde xiꞌin ndo, saa ndu̱u sií ni ini ndo i̱kan mií Tachi I̱í ra.

1 Tesalonicenses 2:14

Ñani yo, ndóꞌo̱ ta ndee ni ndóꞌo ndo íkan na ñuu mií ndo, tá ndóꞌo na ñani yo na veꞌe ñuꞌu Iva yo Ndioxi, na ndíkun Jesucristo ndóo estado Judea, saa ndóꞌo tu ndóꞌo̱ va, chi na ikán ta ka̱nitaꞌan ni na judío taꞌan mií na xiꞌin na.

2 Timoteo 3:10

Ta yóꞌo̱ ñani yo, ta xa xíni vaꞌa un yeꞌe, ndá kuꞌva sínaꞌa i, ta ndá kuꞌva íyo i, ta xíni un unkua ndíkani ini i xaa súvi i, saa xíni un ya ndáa ni i ini i xíni Ndioxi, ta kúꞌvi ni ini i xíni i naꞌa, saa xíni un ya kaꞌnu ni ini i.

HEBREOS 6:12

Chi köo kúni nde nduu ndo na xuxan, sundi kúni nde ná ikan ndo tá i̱kan naꞌa, na ndee ni xi̱ndaa ini xi̱ni Ndioxi, ta ndixaꞌa ndee ni ini na xi̱ndatun na niꞌi na ya ki̱ndoo Ndioxi xiꞌin na taxi ra ndaꞌa na.

1 Pedro 3:11

Ta vaꞌa ná kuxika na nuu ya väꞌa íkan na, ta saa xáa na ikan na ya vaꞌa. Ná nduku ka na kuꞌva ya koo vaꞌa na xiꞌin taꞌan na, ta ná koo vaꞌa ni ini na.

1 Pedro 3:13

Tá tu nina ya vaꞌa íkan ndo, ta nda iin naꞌa küchiñu ikan ya väꞌa xiꞌin ndo.

1 Juan 2:29

Xa xíni yo Tata yo Jesucristo ku ra vaꞌa ni, ra ndaa ni ini, yakan ndiꞌi naꞌa, na íkan ya ndaa, ta na ñaa ku na kúu seꞌe Ndioxi.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.