2 Pedro 3:3 - Xochapa Mixteco

³ Ya núnu̱ú xíniñuꞌu ni ndo kuñuꞌu ini ndo ku ya yóꞌó, ndá kuꞌva koo tá xa ku̱yati vaxi kivi sindiꞌi, chi kivi ikán kua koo kuaꞌa ni naꞌa, na ndikani ini ndisaa xaꞌa ya väꞌa, ya kútoo ni mií ikin kuñu na ikan na, ta na ikán ta kuaku ndaa na ndóꞌo̱.

2 Pedro 3:3 Mawu Ofanana

San Juan 12:48

Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

2 Timoteo 3:1

Ñani yo, xíniñuꞌu un kundaa ini un xaꞌa ya yóꞌó, chi vaxi kivi tá xa kúyati ndiꞌi xaꞌa ñuu ivi yóꞌó, ta ndee ni kuaꞌa tindoꞌo ya uꞌvi ni kixi nuu na ñuu ivi yóꞌó.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

2 Pedro 1:20

Ta vaꞌa ná kundaa ini ndo xaꞌa tuꞌun ya ta̱a nda ndi̱kaꞌan ndoso tuꞌun yuꞌu Ndioxi, chi nda iin nda köo ndíkani ya tá kúꞌva kúni mií nda.

2 Pedro 2:10

Ta xaa nduvaꞌa ni va Ndioxi xiꞌin ndiꞌi naꞌa, na íkan ya väꞌa, ya kúni ni mií ikin kuñu na, ta ni köo xáa súvi mií na chiñu ya xáꞌnda chiñu Ndioxi nuu na. Ta na vata ikán ta ndee ni tuun ini na, ni köo íꞌvi na kaꞌan ndivaꞌa na xaꞌa na kúu mií ndee naꞌnu ka nuu na.

1 Juan 2:18

Ndóꞌo̱ kándixa Tata yo Jesucristo ta tá íin seꞌe i saa íin ndo. Xaꞌa ya ñaa kua káꞌan i xiꞌin ndo, xa kuaꞌan kúyati ni ndiꞌi xaꞌa ñuu ivi yóꞌó. Ta xa xi̱ni soꞌo ndo vaxi iin ra sáa ini xíni Tata yo Jesucristo. Saa ni xa íyo kuaꞌa ni naꞌa, na íkan saa. Ta xaꞌa ya ñaa kua kúndaa ini yo xa kuaꞌan kúyati ni ndiꞌi xaꞌa ñuu ivi.

Judas 1:16

Ta nda sínaꞌa ya vata xaꞌa tuꞌun Ndioxi ku nda káꞌan kuáchi ni, ndiꞌi saa kivi ndúku nda kuachi naꞌa ya kaꞌan nda xaꞌa na, ta ndisaa ya kúni mií nda kua íkan nda, kútai ni ini nda xíni nda mií nda ya kúni nda sixinu nda ini na, ta saa kuchiñu tava nda ya kúni nda ndaꞌa na.

Judas 1:18

Chi nda ikán ta ndi̱kaꞌan nda: “Tá xa ti̱ndaa kivi ya ndiꞌi xaꞌa ñuu ivi yóꞌó, ta koo kuaꞌa ni naꞌa, na kusiki ndaa Ndioxi, ta koo na tá kuꞌva kúni mií na, ikan ni na ya väꞌa kúni mií na”.