2 Pedro 2:3 - Xochapa Mixteco

³ Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.

2 Pedro 2:3 Mawu Ofanana

San Mateo 23:14

’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Väꞌa íkan ndo chi kíndaa ndo veꞌe ná ndi̱ndoo ndaa. Tá kuaꞌan ndo veꞌe ñuꞌu sinagoga ta xáa ndo káꞌan naꞌa ni ndo xiꞌin Ndioxi, ya kúni ndo ndikani ini naꞌa ya vaꞌa ni ndo nuu Ndioxi. Xaꞌa ya ñaa ta ndee ni ka sitixuꞌvi Ndioxi ndóꞌo̱ nuu inka naꞌa.

San Lucas 18:8

Kama ni va ndikuiin Ndioxi yuꞌu na chindee ra na. Sundi tá ná ndiko koo yeꞌe Taa ra xa̱a ñuu ivi yóꞌó, ta köo xíni i ¿án koo ka na ndáa ni ini xíni yeꞌe? ―káchi Jesús xiꞌin nda ítaꞌan xiꞌin ra.

San Lucas 20:20

Saa ku̱u ta xa̱á nda ndúku nda ndá kuꞌva koo tiin nda Jesús, taxi nda kuachi xaꞌa ra nuu na chiñu. Ñaa ti̱ꞌvi nda sava nda taa kuaꞌan nda koto nani nda Jesús, chi kúni nda koto ndoso nda ra xaꞌa ndá ka mií tuꞌun káꞌan ra, saa kuchiñu taxi nda kuachi xaꞌa ra ndaꞌa na chiñu.

San Lucas 22:47

Saa káꞌan ka Jesús xiꞌin nda ítaꞌan xiꞌin ra, ta xa̱a iin taꞌnda chee naꞌa nuu ra. Iin ra ítaꞌan xiꞌin Jesús ra náni Judas Iscariote ku ra ínuu nuu nda ndi̱xaa nda. Saa ku̱yati ra chu̱tu ra nuu Jesús ya chíndee ñaꞌa ra.

San Juan 2:16

Ta na xíko sata ndi̱kaꞌan ra xiꞌin na, káchi ra saa: ―¡Tava ndo ri yóꞌó ná kana koo ri kuꞌun ri! ¡Ta ndäsa ndo veꞌe Iva i ndúu ya nuu yaꞌvi! ―káchi ra xiꞌin na.

ROMANOS 16:18

Naꞌa na íkan saa, ta köo ndíkun na Jesucristo, ndisaa ya kúni mií na íkan na. Vaꞌa ni káꞌan na, luvi ni káꞌan na ya síndaꞌvi na naꞌa, na kándixa ndiꞌi ndá ka mií ñaꞌa ya xíni soꞌo na.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

1 Tesalonicenses 2:5

Xa xíni mií ndo nda iin ichí köo ndi̱kaꞌan vata nde xiꞌin ndo ya sixinu nde ini ndo, ni köo ndi̱sindaꞌvi nde ndóꞌo̱ ya taxi ndo xuꞌun ndaꞌa nde. Mií Ndioxi ku ra ndíkuiin xaꞌa ya káꞌan nde xiꞌin ndo.

1 Tesalonicenses 5:3

Tá xa̱á naꞌa káꞌan na: “Vaꞌa ni táxin káa ndóo yo, köo ya ndíꞌi ini yo xaꞌa”, káchi na. Ta saa kua iin kuu soꞌva tindaa tindoꞌo nuu na. Tá ndóꞌo iin ñaꞌa yá ñúꞌu seꞌe, iin kúu soꞌva xáa seꞌe yá xáꞌnda ya, kuꞌva saa kundoꞌo naꞌa tá ná ndiko koo Tata yo Jesucristo ñuu ivi yóꞌó. Ta nda iin ka na nïꞌi nuu kuꞌun na ya kaku na nuu tindoꞌo ya ndee ni vaxi nuu na tiempo ikán.

1 Timoteo 3:3

Ta ná kuu nda taa, nda köo kútoo kaka koꞌo ndixi, ni küvi sa̱á kama ni nda án kanitaꞌan nda xiꞌin naꞌa, xíniñuꞌu nda kaꞌnu ni koo ini nda, ná sïkuaꞌa nda kuachi xiꞌin naꞌa, saa ná kütoo ni nda xuꞌun.

1 Timoteo 3:8

Ta saa tu nda chíndee taꞌan xiꞌin na ínuu nuu na veꞌe ñuꞌu, xíniñuꞌu nda koo nda taa nda ínuu vaꞌa tuꞌun xaꞌa, ta ná sixinu nda tuꞌun ya káꞌan nda, saa ná kuu nda taa nda köo kútoo kaka koꞌo ndixi, ta ná sïndaꞌvi nda naꞌa xiꞌin ya vata, tava nda xuꞌun ndaꞌa na.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

Tito 1:11

Ta nda íkan saa ta síndiꞌi xaꞌa nda naꞌa, ínii veꞌe síndiꞌi xaꞌa nda xiꞌin tuꞌun ya sínaꞌa nda na, ta saa ndátun nda chaꞌvi naꞌa nda xaꞌa ya väꞌa sínaꞌa nda na. Ta ndiꞌi nda íkan saa, ta vaꞌa ndikasi un yuꞌu nda, täxi un sinaꞌa ka nda naꞌa xaꞌa ya íkan nda saa.

Tito 1:7

Saa chi nda kúu xi̱ní xiꞌin na veꞌe ñuꞌu, ta xíniñuꞌu nda ndǎku ni koo ini nda xaꞌa ya ndíso chiñu nda xiꞌin chiñu Ndioxi. Ná chïnuu vaꞌa ni nda tuꞌun nda, ná säa kama ni nda, ná käka nda koꞌo nda, saa ná täva nda kuachi xiꞌin naꞌa, ta ná ïkan nda ndá ka ñaꞌa väꞌa ya kuu mií nda xuꞌun.

1 Pedro 2:8

Saa káꞌan ka tuꞌun Ndioxi, káchi ya saa: Yu̱ú ikán kua síkakiꞌi xaꞌa naꞌa, na köo xíin kandixa, ta kákiꞌi xaꞌa na nuu ya. Ndiꞌi na kákiꞌi xaꞌa ta kóyo na nuu ya, na ikán ku na köo xíin kuni soꞌo ya káꞌan Ndioxi, ni köo xíin na xaa súvi na ya káꞌan ra. Chi xa saa chi̱tuni Ndioxi kundoꞌo na xïin kuni soꞌo ya káꞌan tuꞌun ra.

1 Pedro 5:2

Ta yeꞌe xíkan ni i ya mani nuu ndo, kundaa ni ndo na ñani yo, na si̱kuiso chiñu Tata yo ndóꞌo̱. Tá kuꞌva ndáa iin taa levo sana ra, kuꞌva saa vívií kundaa ndo na, ta ïkan ndo ya xaꞌa ya nduxa án xaꞌa xuꞌun. Vaꞌa ikan ndo tá kuꞌva kúni mií Ndioxi, kusini ni ndo ya íkan ndo saa.

2 Pedro 1:16

Ta xa ndi̱tuꞌun nde xiꞌin ndo, si̱naꞌa nde ndóꞌo̱ xaꞌa ndee ya kúu mií Tata yo Jesucristo xiꞌin ya ndiko koo ra kixi tuku ra ñuu ivi yóꞌó, ta ya ndaa ni kua ndi̱kaꞌan nde xiꞌin ndo, süvi kuento vata kua ndi̱tuꞌun nde xiꞌin ndo. Chi ndeꞌe ta xi̱ni xiꞌin nuu mií nde ndee chee ni kúu mií ra.

2 Pedro 2:1

Tá kuiya xinaꞌa ta ndi̱xiyo nda vata, nda ndi̱kaꞌan ndoso tuꞌun yuꞌu Ndioxi tañu na ñuu Ndioxi, ta saa koo tu nda tañu ndóꞌo̱ va. Ta ni kündaa ini ndo ndá kuꞌva xáa nda nama nda tuꞌun Ndioxi ya sínaꞌa nda ndóꞌo̱, nda ndikuaa tu nda Tata yo Jesucristo va, ra ki̱xi ndi̱xiꞌi xaꞌa nda ya si̱kaku ñaꞌa ra. Xaꞌa ya íkan nda saa ta kama ni sindiꞌi nda xaꞌa mií va nda.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

Judas 1:11

¡Ndaꞌvi ni nda! Chi kuaꞌan nda ichí taꞌan ya ndi̱xika ra Caín ra xa̱ꞌni ñani xinaꞌa. Ta saa íkan tu nda tá i̱kan ra Balán chi xíni ni nda ndá kuꞌva tava nda xuꞌun ndaꞌa naꞌa. Ta saa íkan tu nda tá kuꞌva i̱kan ra Coré xinaꞌa köo ndi̱xiin ra xaa súvi ra chiñu ya ndi̱taꞌnda nuu ra xaa súvi ra, ta saa kundoꞌo nda ñaa, síndiꞌi nda xaꞌa mií va nda.

Judas 1:15

ta vaxi ra ya xaa nani ra kuachi xiꞌin ndiꞌi ni kúu na, saa sitixuꞌvi ni ra na xaꞌa ndiꞌi ni kúu ya väꞌa íkan na xiꞌin ndiꞌi ni kúu tuꞌun väꞌa ya ndi̱kaꞌan na xaꞌa Ndioxi”.

Judas 1:16

Ta nda sínaꞌa ya vata xaꞌa tuꞌun Ndioxi ku nda káꞌan kuáchi ni, ndiꞌi saa kivi ndúku nda kuachi naꞌa ya kaꞌan nda xaꞌa na, ta ndisaa ya kúni mií nda kua íkan nda, kútai ni ini nda xíni nda mií nda ya kúni nda sixinu nda ini na, ta saa kuchiñu tava nda ya kúni nda ndaꞌa na.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.

Judas 1:7

Ta saa ndi̱kaꞌán tu ini ndo xaꞌa ya ndo̱ꞌo na ñuu Sodoma xiꞌin na ñuu Gomorra xiꞌin ka ñuu ya xi̱ndoꞌni yati xiꞌin ya. Iin si̱ndiꞌi vaꞌa Ndioxi xaꞌa na chi kini ni i̱kan na, ndi̱xika sií nda taa xiꞌin ná ñaꞌa ta saa i̱kan tu ná ñaꞌa va. Saa ndi̱kiꞌvi nda taa xiꞌin taꞌan mií nda, ta saa i̱kan tu ná ñaꞌa va. Ta yáꞌa ni ndee kundoꞌo na koko na xiꞌin ñu̱ꞌu̱ ndiꞌi saa kivi ya vaxi. Ya yóꞌó sínaꞌa yoo ya ná ïkan yo saa.