2 Juan 1:8 - Xochapa Mixteco

⁸ Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.

2 Juan 1:8 Mawu Ofanana

San Mateo 24:4

Saa ndi̱kuiin Jesús, káꞌan ra xiꞌin nda, káchi ra saa: ―¡Kuenta ni koo ndo. Täxi ndo sindaꞌvi naꞌa ndóꞌo̱!

San Marcos 13:23

Yakan kuenta ni koo ndo. Xaꞌa ya ñaa kua xa káꞌan kuee i xiꞌin ndo vitin yachi ka tá täꞌan kuu saa ―káchi Jesús xiꞌin nda ítaꞌan xiꞌin ra.

San Marcos 13:9

’Ta kuenta ni koo ndo xiꞌin mií ndo, saa chi taxi na kuachi xaꞌa ndo ndaꞌa na chiñu, saa xaa nduvaꞌa ni na xiꞌin ndo veꞌe ñuꞌu sinagoga. Saa kundaka na ndóꞌo̱ kuꞌun ndo nuu na chiñu án nuu nda rey, ta xaꞌa yeꞌe kua kundoꞌo ndo saa. Tá ndi̱xaa ndo nuu na chiñu ikán, ta saa kaꞌan ndo xaꞌa i xiꞌin na.

San Lucas 19:19

Saa ndi̱kuiin ra rey ikán káꞌan ra: “Vaꞌa ni i̱kan un. Vaꞌa ni moso ku tu yóꞌó va. Saa tu yóꞌo̱ va taxi i chiñu ndaꞌa un kundiso chiñu un xiꞌin uꞌun ñuu”, káchi ra.

San Lucas 21:8

Ta saa ndi̱kuiin Jesús, káchi ra saa: ―Kuenta ni koo ndo ya ná sïndaꞌvi naꞌa ndóꞌo̱. Saa chi kixi sava taa sindaꞌvi nda ndóꞌo̱, kaꞌan nda xiꞌin ndo, nda ikán ku nda ti̱ꞌvi Ndioxi vaxi sikaku na ñuu ivi yóꞌó, kachi nda. Ta saa kaꞌan tu nda, xa yati ni ti̱ndaa tiempo, kachi nda xiꞌin ndo. Ta kündikun ndo nda.

San Juan 4:36

Ta Ndioxi ku ra cháꞌvi na ndíkaya ivi, saa chi ndiꞌi na yóꞌó ta kutaku na xiꞌin ra ndiꞌi saa kúu kivi, tá kúu ra chíꞌi xiꞌin ra síkee ta iin káchi kúsini nda xiꞌin taꞌan nda.

1 Corintios 15:8

Tá ndi̱ꞌi ndi̱tuvi ra nuu ndiꞌi na, ta nda si̱ndiꞌi, saa ndi̱tuvi tu ra nuu yeꞌe va. Yakan yeꞌe, tá íyo na vali, na ndi̱yaꞌa kivi ka̱ku saa va ndi̱xiyo i.

1 Corintios 3:14

Tá tu vaꞌa ni si̱kuaꞌa na veꞌe xiꞌin ñaꞌa ya köo ndíꞌi xaꞌa xiꞌin ñu̱ꞌu̱, ta kuꞌva saa kiꞌin na yaꞌvi na.

1 Corintios 3:8

Ta iin káchi íyo chiñu ya íkan uvi saa nde, yeꞌe chíꞌi xiꞌin ra kóso. Sundi mií Ndioxi ku ra chaꞌvi uvi saa nde, tá kuꞌva íyo mií chiñu i̱kan iin iin nde, saa koo ya chaꞌvi ra ndeꞌe.

Gálatas 3:4

Ta ¿án si̱ndikoo ndaꞌa va ndo Jesucristo, ta ndi̱kundikun tuku ndo ley Ndioxi ya ta̱a ra Moisés kua? Tá tu saa ra, köo ndáa yaꞌvi vi ya ti̱xuꞌvi ni ndo tá sikan ndi̱kundikun ndo Jesucristo. ¡Ta ya mani uun va kua ndo̱ꞌo ni ndo tá tu saa!

Gálatas 4:11

Ta xaꞌa ya íkan ndo saa kua íꞌvi ni va i xiꞌin ndo chi án sana ya mani uun va kua ndi̱kaꞌan ndoso i tuꞌun Ndioxi xiꞌin ndo.

Filipenses 3:16

Sundi ya xa ku̱ndaa ini yo xaꞌa yóꞌó kua xíniñuꞌu ni yo xaa súvi yo vitin taan, ta saa ná ikan yo xiꞌin taꞌan yo.

HEBREOS 10:32

Ta saa ndóꞌo̱, ndikaꞌán ni ini ndo ndá kuꞌva ndo̱ꞌo ndo yachi, tá sikan ndi̱yeꞌe nima ndo xiꞌin tuꞌun vaꞌa xaꞌa Tata yo Jesucristo, ta ndee ni tindoꞌo ki̱xi nuu ndo, ta ndi̱xaꞌa ndee ndiꞌi ini ndo xiꞌin ya ndinuꞌu ni ini ndo xi̱ndikun ndo sata ra.

HEBREOS 10:35

Yakan ndóꞌo̱, ta sïndikoo ndo ya ndáa ni ini ndo xíni ndo Ndioxi, saa chi vaxi kivi ta yáꞌa ni vaꞌa ya niꞌi ndo nuu ra.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

El Apocalipsis 3:11

Kama ni ndiko koo i, yakan ni ndóꞌo̱ ta sïndikoo ndo ya ndíkun ndo ichí i, ya ná kïxi inka naꞌa kindaa na ñaꞌa ya taxi Ndioxi ndaꞌa ndo.