2 Juan 1:2 - Xochapa Mixteco

² Ta saa ndeꞌe kúꞌvi ni ini nde xíni nde ndóꞌo̱, saa chi íyo ya ndaa ini yo vitin, ta saa koo ya xiꞌin yo ndiꞌi saa tiempo ya vaxi.

2 Juan 1:2 Mawu Ofanana

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 15:7

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

1 Corintios 9:23

Ndiꞌi ya yóꞌó íkan i xaꞌa ya kúni i ná kuita niꞌnu tuꞌun vaꞌa xaꞌa Tata yo Jesucristo, soꞌva xáa chiñu i nuu ra ya ná chindee taꞌan i xiꞌin naꞌa ya kundaa ini na xaꞌa ra.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

2 Timoteo 1:5

Ndíkaꞌán ini i xaꞌa un ya ndee ni ndinuꞌu ini un ndáa ini un xíni un Tata yo Jesucristo. Ta xiꞌna nána chee un yá Loida ku yá ndee ni xi̱ndaa ini xíni ra, saa tu nána un yá Eunice va, ta saa tu yóꞌo̱ va.

2 Pedro 1:12

Ta ndóꞌo̱, ta xa xíni ndiꞌi ndo ya yóꞌo̱, ta tuun ni ndíkun ndo ya ndaa ya xa si̱naꞌa na ndóꞌo̱, ni yeꞌe ta ndiꞌi saa ichí síndikaꞌán i ini ndo ya ná ndïndoso ini ndo xaꞌa ya yóꞌó.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 2:14

Táa i nuu ndóꞌo̱ iva siꞌí saa chi xa xíni ndo Tata yo Jesucristo, ra xa íyo tá täꞌan xikoo ñuu ivi yóꞌó. Saa táa tu i nuu ndóꞌo̱ kuâán, saa chi ndee ni ndo ta xa ndi̱tiin tuꞌun Ndioxi nima ndo, ku̱chiñu ndo nuu kiti nǎꞌa.

1 Juan 2:17

Ta ñuu ivi yóꞌó xiꞌin ndiꞌi ñaꞌa kúu mií ya síkutoo ya yoo, vaxi kivi ta ndiꞌi xaꞌa ndiꞌi ya. Sundi na xáa súvi ya kúni Ndioxi ta nda iin kivi ndïꞌi xaꞌa na, kutaku na xiꞌin ra ndiꞌi saa tiempo.